(සුමිත් පොතුපිටිය)
අප කෙරෙහි අනුකම්පා කර ඡන්ද ම ඡන්දය පාවිච්චි කරන්නැයි ශ්‍රී ලංකා පොදුජන පෙරමුණේ ජාතික ලැයිස්තු අපේක්ෂක නාමල් රාජපක්ෂ මහතා පාක්ෂිකයන් ගෙන් ඉල්ලා සිටියේය.
පානදුර කළුදෑවල ප්‍රදේශයේ පැවතී පක්ෂ ක්‍රියාකාරී හමුවකදී ඒ මහතා එසේ ඉල්ලා සිටියේය.
අප ඊළග දශකයේ තීරණාත්මක සාධකය බවට පත්කරනවා. අමාරු කාලයක ඉන්නේ. නායකයා පක්ෂය අතහැර යනවිට පාක්ෂිකයන් කලකිරුනා. ජනාධිපතිවරණයේදී ඡන්ද මධ්‍යස්ථානට ගියේ නෑ.
ඒ නිසා මේ මැතිවරණයේදී අපට අනුකම්පා කරලා ඡන්ද මධ්‍යස්ථානයට ගිහින් පොහොට්ටුවට ඡන්දය දාන්න. එහෙම වුණොත් කිසි කෙනකු දේශපාලන වශයෙන් කිසිවෙක් බලාපොරොත්තු නොවූ ප්‍රථිපලයක් ලැබේවි කියා මට විශ්වාසයක් තිබෙන බවද ඒ මහතා පැවසීය.
මගෙන් සමහරු අහනවා අනුර කුමාර දිසානායක මහතා ට ඊළග අවුරුදු පහේ අභියෝගයක් වෙන්නේ කව්ද කියලා. රනිල් වික්‍රමසිංහ ද ? නාමල් රාජපක්ෂ ද ? සජිත් ප්‍රේමදාස ද ? කියලා. එයට අභියෝගයක් වෙන්නේ වෙන කවුරුන් හෝ නොවෙයි . ඔහු සහ ඔහුගේ කණ්ඩායමමයි. මොකද මැතිවරණ වේදිකාවේ කියපු බොරු ඔප්පු කරගන්න බෑ.
