ඇති පමණ ජීවත් වී ඇත්ද මා ?

ඇති පමණ ආදරය කර ඇත්ද මා ?

ඇති පමණ සිතා බලා ඇත්ද යුක්තිය ගැන

විඳ ඇත්ද මා සතුට, යුතුව පමණැති කෘතගුණය

දරා  ඇත්ද මා තනිකම, නිහතමානීව .

මම මෙය කියමි, නැතොත් සිතමින් සිටිමි

සැබැවින්ම ඇතැම් විට පමණට වැඩියෙන් සිතමි

ඉක්බිති ගෙඋයනට පිය නගමි

සරල මිනිසකු යැයි කියැවෙන උයන්පල්ලා

සාත්තු කරමින් සිටී ඔහුගෙ දරුවන්ට, රෝස පඳුරුවලට.

( මේරි ඔලිවර් ලියූ The Gardener පද්‍යයේ පරිවර්තනය )

1935 සැප්තම්බර් 10වැනි දින ඇමෙරිකාවේ ඔහියෝ ප්‍රාන්තයේ කුඩා නගරයක ඉපිද, 2019 ජන: 17 දින ෆ්ලොරිඩාවේදී මිය ගිය කිවිඳියකි. 1963දී සිය මංගල පද්‍ය සංග්‍රහය පළ කරද්දී ඇය 28වැනි වියෙහි වූවාය. ඇගේ සිවුවැනි කෘතිය වූ American Primitive 1984 පුලිට්සර් ත්‍යාගයෙන් පිදුම් ලැබීය. මෙම නිර්මාණය A Thousand Mornings ( 2013 ) කාව්‍ය එකතුවෙනි. මේරි ඔලිවර් , විශ්වවිද්‍යාල කීපයක ඉගැන්වීම හා වැඩමුළු මෙහෙයවීම කළ, ඒ වෙනුවෙන්ද බහුමානයට පාත්‍ර වූ විද්වතියකි.