ඉන්දියා ශ්‍රී ලංකා පදනමේ අනුග්‍රහයෙන් ඉන්දියාවේ නර්තන නිර්මාණ කිහිපයක් සඳහා හෙට (24 දා) සිට පුරා සතියක් නිලාන් මලිගැස්ප ප්‍රමුඛ ACDDA කණ්ඩායම ඉන්දියාවේ සංචාරයක නිරත වේ. ඉන්දියාවට යාමට පෙර ඒ පිළිබඳව නිලාන් මලිගැස්ප අදට මෙසේ පවසා සිටියේය. 

"මෙයට අනුග්‍රහය දක්වන්නේ ඉන්දියානු ශ්‍රී ලංකා පදනම. සහ පසුගිය වර මම ලදාක් ගිය වෙලාවේ මට මුණගැහුණා කුල්කර්නි සිං මහතා. දිල්ලිය මූලික කරගෙන අඳ ගොලු බිහිරි ළමයි විශාල පිරිසක් ඉන්නවා සහ ඉන්දියාව පුරා ඔවුන්ගේ ශාඛා විශාල ප්‍රමාණයක් තිබෙනවා. ඔවුන්ගේ රිදී ජුබිලිය මේ වසරේ තමයි පැවැත්වෙන්නේ. කාලයක් තිස්සේ මට කියල තිබුණා මේ කටයුත්ත සඳහා පැමිණෙන්න කියා. ඒ අනුව මම ඉන්දියාවට යනවා Emotional dance කියන කතාකරන්න බැරි ළමයි වෙනුවෙන් කරන නර්තන ක්‍රමය පිළිබඳව වැඩමුළු කිහිපයක් කරන්න. ලංකාව ඇතුළෙ ආයතන කිහිපයකට කතා කරල කරගන්න බැරිවුණු දේ මට ඉන්දියාවෙ හරි කරන්න ලැබුණු එක ගැන සතුටුයි. ඒත් එක්කම මගේ සිසුන් 4 දෙනෙක් යනවා. සාම්ප්‍රදායික නර්තනය සහ නව නිර්මාණ කිහිපයක් එහිදී එළිදැක්වෙනවා. ඉන්දියාවේ ස්ථාන කිහිපයක මෙය රඟදැක්වීමට අවස්ථාව හිමිවෙනවා සහ වැඩමුළු කිහිපයකට පවා සම්බන්ධ වෙන්න අවස්ථාව හිමිවෙනවා. මෙයින් මම අතගහපු කටයුත්තට ලොකු ඉදිරියක් ලැබේවි කියා විශ්වාස කරනවා. ඕනම රටක ශාස්ත්‍රීය සංගීතය හා කතා කරන්න බැරි ළමුන් වෙනුවෙන් යන ඕනෑම අවස්ථාවකට මෙම නැටුම් වර්ගය යොදාගන්න පුළුවන්"

සටහන ඉඳුනිල් සින්දු

 \