ලොව පුරා බාල මහලු සියල්ලන්ගේ හඳ ගත් එඩ්ගා රයිස්ගේ මනඃකල්පිත සුපුරුදු කැලෑ වීරයා ටාසන් නැවතත් මෙම ගිම්හාන සෘතුවේදී කලඑලි බැස ඇත. ඒ (The Legend of Tarzan) සිනමාපටය හරහාය. ටාසන් රසික රසිකාවියන් හට සතුටු කරුණක් මෙන්ම නවමු සිනමා අත්දැකීමක් එක්කරමින් නිර්මාණය වී ඇති (The Legend of Tarzan) සිනමාපටය හෙට දිනයේ එනම් ජූලි 01 දින සිට ලොවපුරා තිරගත වීමට නියමිතය. ඇමරිකානු ක්රියාදාම මෙන්ම වික්රමාන්විත සිනමාපටයක් ලෙස නිර්මාණය වී ඇති (The Legend of Tarzan) සිනමාපටයද කාටත් හුරුපුරුදු හැරී පෝටර් අවසාන සිනමාපට හතර නිර්මාණය කළ අධ්යක්ෂක ඩේවිට් යේට්ස් විසින් අධ්යක්ෂණය කර ඇති අතර, ඇඩම් කොසාඩ් සහ ක්රේග් බ්රේවර් විසින් තිර පිටපත රචනාකර ඇත. මෙහි ප්රධාන චරිතයන් වන ටාසන් ලෙස සුප්රකට නළු "ඇලෙක්සැන්ඩර් ස්කාර්ස්ගාර්ඩ්" සහ ටාසන්ගේ බිරිඳ ජේන් පෝටර් ලෙස නිළි "මාගට් රොබී" රංගනයෙන් දායක වන අතර, සෙසු චරිත උදෙසා සැමුවෙල් එල්. ජැක්සන්, ජිමන් හොන්සෝ, ජිම් බ්රෝඩ්බෙන්ට් සහ ක්රිස්ටෝප් වෝලට්ස් දායක වෙයි.
තමන් හැඳී වැඩුණු අප්රිකාවේ වනාන්තරයේ වානරයන් සමග ගෙවූ දිවියට සමු දී නික්ම ගොස් තම බිරිඳ ජේන් පෝටර් සමග ජෝන් ක්ලේටන් නොහොත් ටාර්සන් ලන්ඩනයේ දිවි ගෙවයි. මේ අතර ඔහුට වෙළෙඳ දූතයෙකු ලෙසින් නැවතත් තම හුරුපුරුදු බිම කොංගෝව වෙත යෑම සඳහා අවස්ථාවක් උදාවෙයි. මෙම අවස්ථාව මඟනොහැර බාරගන්නා ජෝන් ක්ලේටන් ඒ වෙත යන්නේ තමන්හට මුහුණදීමට සිදුවන කිසිදු අනතුරුදායක තත්ත්වයක් පිළිබඳ නොදැනුවත්වමය. නමුත් එහිදී ඔහුට මුහුණදීමට සිදුවන කටුක අත්දැකීම් හමුවේ ජෝන් ක්ලේටන් නැවතත් ටාසන්ගේ භූමිකාව නියෝජනය කරයි. මෙහිදී සිදුවන සිදුවීම් මාලාවක් ඔස්සේ දිවෙන මෙම සිනමාපටය පෙර සිනමා නිර්මාණයේ පූර්ව ප්රචාරකපටය නැරඹීමෙන්ම මෙම නිර්මාණයේ අපූර්වත්වය පිළිබිඹු වනු ඇත. එසේම මේ සඳහා යොදාගෙන ඇති ත්රිමාණ සජීවීකරණ නිර්මාණයන් මෙන්ම දෘෂ්ය ප්රයෝගයන්ද පෙර ටාසන් නිර්මාණයන්ටත් වඩා විශිෂ්ට ලෙස යොදාගෙන ඇති බවක්ද පෙනී යයි.
මිනිත්තු 110ක කාල පරාසයක් ඔස්සේ දිගහැරෙන The Legend of Tarzan සිනමාපටය ඇ.ඩො මිලියන 180ක් පමණ වැයකොට නිර්මාණයකොට ඇත. ඉංග්රීසි බසින් නිර්මාණයකර ඇති මෙම සිනමා නිර්මාණය හෙට දිනයේ සිට 2D, 3D, IMAX සහ IMAX 3D ආකාරයන්ගෙන් තිරගත වීමට නියමිත අතර, මෙය ආරම්භයේ සිටම සිනමා ශාලාවන්හි ආදායම් වාර්තා තබමින් තිරගත වේ යැයි බොහෝදෙනාගේ අදහසයි.
අනුෂි දන්තනාරායන
ජීවිත ආරක්ෂාව සඳහා සිවිල් පුද්ගලයන්ට ලබා දී ඇති සියලුම වර්ගයේ ගිනි අවි සහ පතුරම් නැවත බාර ගැනීමට රජය තීරණය කර ඇත.
ඉදිරි පළාත් පාලන මැතිවරණය සඳහා අලියා ලකුණින් තරග කිරීමට එක්සත් ජාතික පක්ෂය තීරණය කර තිබේ.
ශ්රී ලාංකිකයින් විදෙස් රැකියා සඳහා යාමපසුගිය වසරේ සැප්තැම්බර් මාසයට සාපේක්ෂව සියයට දහයකින් ඉහළ ගොස් ඇතැයි ශ්රී ලංකා විදේශ සේවා නියුක්ති කාර්යාසය
රථ වාහන වරදක් කළ පුද්ගලයෙකුට එරෙහිව නීතිය ක්රියාත්මක නොකර රියදුරු බලපත්රයක් මුදා හැරීම සඳහා රුපියල් 1000ක අල්ලසක් ඉල්ලා ලබා ගැනීමේ චෝදනාවන් දෙකට වරද
ඩුබායි රාජ්යයේදී පහරකෑමට ලක්ව කෝමා තත්ත්වයට පත්ව මෙරටට පැමිණ කොළඹ ජාතික රෝහලේ ප්රතිකාර ලබමින් සිටි පුද්ගලයකු ඊයේ (3) මියගොස් ඇති බව ගුවන්තොටුපොළ පොල
ස.තො.ස. ආයතනයට ගෙන්වු කැරම් බෝඩ් සහ දාම් බෝඩ් පසුගිය ජනාධිපතිවරණ සමයේදී දේශපාලන අරමුණු හේතූවෙන් ක්රීඩා සංගම්වලට බෙදාදී රජයට රුපියල් කොටි 05 කට අධික පාඩ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
The Legend of Tarzan දැන් තිරගතවේ