අනවසර ගිනි අවි රජයට බාර ගැනීම සඳහා පොදු සමා කාලයක් ලබා දීමට තීරණය කර ඇතැයි අජයේ ආරංචි කියයි.

අප්‍රේල් 25 වැනි දා සිට මැයි හය වැනි දා දක්වා එම වැඩසටහන ක්‍රියාත්මක කිරීමට සැලසුම් කර තිබේ.

දිස්ත්‍රික් ලේකම් කාර්යාලය, ප්‍රාදේශීය ලේකම් කාර්යාල හා පොලිස් ස්ථානවල මෙම වැඩසටහන ක්‍රියාත්මක කිරීමට නියමිත අතර එම පොදු සමා කාලය තුළ අනවසර ගිනි අවි ගෙනැවිත් බාර දෙන පිරිසට එරෙහිව නීතිමය පියවර නොගැනීමට ද ආරක්ෂක අංශ තීරණය කර ඇත.

පොදු සමා කාලය තුළ බාර නොදෙන අනවසර ගිනි අවි අත්අඩංගුවට ගැනීම සඳහා සෝදිසි මෙහෙයුම් දියත් කිරීමට ද නියමිතය.