අපට අලුත් සඳක් ලැබෙන්නයි යන්නේ

පෘථිවියට අලුත් සඳක් එසේත් නැතිනම් චන්ද්‍රයෙක් එක්වීමට නියමිත බව තාරකා විද්‍යාඥයෝ පැහැදිලි කරති. මේ අලුත් සඳ දින 53 ක් තිස්සේ ෙපෘථිවිය සමඟ සිටිනු ඇතැයි ද තාරකා විද්‍යාඥයෝ වැඩිදුරටත් පැහැදිලි කරති.

මෙම අලුත් සඳ එසේත් නැතිනම් චන්ද්‍රයා, මීටර් 10 ක් පළල ග්‍රහකයකි. විද්‍යාඥයන් මෙම ග්‍රහකය නම් කර ඇත්තේ 2024 PT5 යන නමිනි. විද්‍යාඥයන් මෙම ග්‍රහකය හඳුනා ගත්තේ පසුගිය අගෝස්තු 7 වැනිදාය. ග්‍රහකය මේ වනවිට පෘථිවිය දෙසට පැමිණෙමින් ඇත.

ග්‍රහක හෙවත් ඇස්ට්‍රොයිඩ අභ්‍යවකාශයේ සැරිසරයි. සමහර ඒවා මීටරයකට වඩා ප්‍රමාණයෙන් කුඩාය. සමහර ඒවා කිලෝ මීටර් දහස් ගණනක් විශාලය. ග්‍රහක හෙවත් ඇස්ට්‍රොයිඩ පෘථිවිය දෙසට පැමිණීම අරුමයක් නොවෙයි. දැවැන්ත ග්‍රහක බොහොමයක් පෘථිවිය පසු කර යයි. ඇතැම් කුඩා ග්‍රහක පෘථිවි වායු ගෝලයට ඇතුළු වී දැවී විනාශ වෙයි.

මේ 2024 PT5 ග්‍රහකය පෘථිවිය අසලින් යද්දී, එය පෘථිවියේ ගුරුත්වාකර්ශන බලයට හසුවනු ඇතැයි විද්‍යාඥයයන් ගණනය කර ඇත. එසේ හසුවූ විට එය පෘථිවිය සමඟ රැ‍ඳෙමින් පෘථිවිය වටා භ්‍රමණය වීමට පටන් ගනී. පෘථිවියට අලුතින් කුඩා සඳක් එසේත් නැතිනම් චන්ද්‍රයෙක් ලැබෙනු ඇතැයි තාරකා විද්‍යාඥයන් පැහැදිලි කර ඇත්තේ ඒ අනුවය.

2024 PT5 ග්‍රහකය දින 53 ක්, එනම් සැප්තැම්බර් 29 වැනිදා සිට මෙම නොවැම්බර් 25 දක්වා පෘථිවියේ ගුරුත්ව බලයට හසුවී තිබෙනු ඇති බවත් පසුව එය පෘථිවි ගුරුත්ව බලයෙන් මිදී විශ්වයේ ඈතට ගමන් කරනු ඇති බවත් විද්‍යාඥයෝ වැඩි දුරටත් පැහැදිලි කරති.

(එන්.ඩී.ටීවී.)

අදහස් (8)

අපට අලුත් සඳක් ලැබෙන්නයි යන්නේ

Perera Sunday, 15 September 2024 06:06 AM

ලංකාවටත් අලුත් ඉරක් පායනවා 22 ඒක හඳුන්වන්නේ 2024 AKD කියලා...

: 10 20

Swene Haputhantirige Sunday, 15 September 2024 06:34 AM

සැප්තැම්බර් 21න් පසුව දීර්ඝ කාලයකට අපට දේශපාලන සඳක් ද ලැබුනොත් තමයි හොඳ...

: 2 13

m.dhammasiri Sunday, 15 September 2024 07:05 AM

විද්‍යාඥයින්ට වැරැදිලා! ඒ චන්ද්‍රයා පායන්නේ සැප්තැම්බර් 21. දින 53ක් නොව අවුරුදු 53ක් පවතිනවා...

: 7 12

DMS Karunaratne Sunday, 15 September 2024 08:41 AM

ඒක ලෝකය වටේ වටයක් නම් යන්නේ නෑ.

: 0 6

sachith Sunday, 15 September 2024 12:07 PM

මේ දවස්වල අපේ ජෝතිෂ කට්ටිය හොයාගන්නවත් නැ.... නැතිනම් හොඳ විග්‍රහයක් අහගන්න තිබ්බා මේක ගැන

: 2 10

Chinthaka Sunday, 15 September 2024 01:27 PM

ජ්‍යෝතිෂ කට්ටිය කොහොම වුණත් ඈත විශ්වයෙන් එනවා ඇති.. ඔය ග්‍රාහක නිසා පිටසක්වලින් රෝගකාරක විෂබීජ හා වෛරස අපේ වායුගෝලයට එන්න නම් පුළුවන් කියලා හිතෙනවා. ඒ නිසා මානවයාගේ ආරක්ෂාව වෙනුවෙන් ප්‍රතිකර්ම සොයාගන්න පුළුවන් නම් හොඳයි. ඔය අතරේ අභ්‍යාවකාශයට යානයක් යවන්න උත්සාහ කළොත් විශ්වය ජයග්‍රහණය කරන්නත් උදව්වක් වේවි...!

: 6 4

chamod rajapaksha Sunday, 15 September 2024 05:47 PM

ලූනටික් වෙයිද දැන් මිනිස්සු...!

: 0 3

මාටින් Thursday, 19 September 2024 08:35 AM

ඕකටත් අපේ උන් විදියිද දන් නැහැ.

: 0 0

ඔබේ අදහස් එවන්න

එසැණ පුවත්

විද්‍යා තාක්ෂණ ජනාධිපති ජ්‍යෙෂ්ඨ උපදේශක පත් කරයි

2024 නොවැම්බර් මස 22 239 0

ඇමරිකා එක්සත් ජනපදයේ හූස්ටන් විශ්වවිද්‍යාලයේ සහ එම් ඩී ඇන්ඩර්සන් පිළිකා පර්යේෂණ ආයතනයේ මහාචාර්ය ගෝමික උඩුගමසූරිය විද්‍යාව හා තාක්ෂණය සම්බන්ධව ජනාධ

බත්තරමුල්ලේදී මෝටර් රියක් ගිනි ගනී

2024 නොවැම්බර් මස 22 1047 0

බත්තරමුල්ල නගරය හරහා ධාවනය වූ සුඛෝපභෝගි මෝටර් රථයක හදිසියේ ඇති වූ ගින්නක් හේතුවෙන් එම රථය සම්පූර්ණයෙන්ම ගිනිගෙන විනාශ වී ඇතැයි කෝට්ටේ මහ නගර සභාවේ ගි

ඊ.පී.එෆ්.අය කරගන්න පෞද්ගලික නඩු 14,096ක්

2024 නොවැම්බර් මස 22 818 0

සේවක අර්ථසාධක අරමුදල විසින් එම අරමුදලට රුපියල් මිලියන 12,755.09ක මුදලක් අයකරගැනිම සදහා ඉකුත් වර්ෂයේ (2023) දෙසැම්බර් මස 31 දිනවනවිට බාහිර ආයතනවලට එරෙහිව නඩු 14,096

උඩු මහළින් වැටී පුද්ගලයෙක් මරුට

2024 නොවැම්බර් මස 22 729 0

බලන්ගොඩ කල්තොට මාර්ගයේ මිරිස්වත්ත ප්‍රදේශයේ ඇති දෙමහල් නිවසක ඉහළ මහලේ සිට බිමට ඇඳ වැටි පුද්ගලයෙකු අද (22) මියගොස් ඇතැයි පොලිසිය පවසයි.

මුහුදුබඩ මාර්ගයේ දුම්රිය ප්‍රමාදයක්

2024 නොවැම්බර් මස 22 302 1

කාර්මික දෝෂයකට ලක්වීමෙන් අද(22) උදෑසන මුහුදුබඩ මාර්ගයේ දුම්රිය ප්‍රමාදයක් ඇතිවී ඇතැයි දුම්රිය දෙපාර්තමේන්තුව කියයි.

හිසකෙස් වර්ණ ගන්වන ව්‍යාජ ආලේපන තොගයක් පිටකොටුවෙන් සොයා ගනී

2024 නොවැම්බර් මස 22 765 0

ප්‍රසිද්ධ වෙළඳ නාමයක් ව්‍යාජ ලෙස යොදා ගනිමින් සැකසූ හිසකෙස් කළු කරන ව්‍යාජ ආලේපන තොගයක් ව්‍යාපාරිකයන් තිදෙනෙකු සමඟ පිටකොටුව පැරණි නගර ශාලා ගොඩනැගිල