2024 නොවැම්බර් මස 17 වන ඉරිදා
2024 නොවැම්බර් මස 17 වන ඉරිදා
(බිඟුන් මේනක ගමගේ)
ලංකා කාර්මික සංවර්ධන මණ්ඩලයෙන් කර්මාන්තකරුවන්ට ලබාදෙන අබලි ද්‍රව්‍ය එක්තරා දේශපාලන පක්ෂයක අධාරකරුවන් යැයි කියන පිරිසකට ලබාදීමට ඉහළින් ලැබුණු නියෝගයක් ක්‍රියාත්මක නොකිරීම නිසා එහි අධ්‍යක්ෂවරයකුගේ වැඩ තහනම් කිරීමේ සිදුවීමක් ‘ලංකාදීප’යට වාර්තා වේ.
අබලි ද්‍රව්‍ය ලබාදීමේදී අදාළ පක්ෂයේ ආධාරකරුවන් යැයි කියන පිරිසට ක්‍රමවේදයට පිටින් තොග මුදාහැරීමට මෙම අධ්‍යක්ෂවරයාට බලපෑම් එල්ලවූවත් ඔහු ඊට අනුකූලතාව නොදැක්වීම මත මෙම තීරණය ගනු ලැබ ඇතැයි විශ්වසනීය ආරංචි මාර්ග සඳහන් කරයි.
කෙසේ වෙතත් මේ සම්බන්ධයෙන් කළ විමසීමේදී ලංකා කාර්මික සංවර්ධන මණ්ඩලයේ සභාපති උපසේන දිසානායක මහතා පැවැසුවේ මූලික සුදුසුකම් නොමැතිව හිමිකම නොමැති තනතුරක පත්වීමක් දැරුවේ යැයි චෝදනාව මත මෙම වැඩ තහනම කළ බවයි.
කර්මාන්ත අමාත්‍යාංශයේ අභ්‍යන්තර විගණන අංශය මගින් කළ පරීක්ෂණයකින් පසුව මෙම තීරණය ගනු ලැබී යැයි ද ඒ අනුව වැටුප් හා දීමනා නොගෙවන පරිදි මෙම වැඩ තහනම ක්‍රියාවට නැගෙන්නේ යැයි ද සභාපතිවරයා වැඩිදුරටත් කීය.
කෙසේ වෙතත් රිෂාඞ් බදියුදීන් ඇමැතිවරයා කර්මාන්ත හා වාණිජ අමාත්‍යවරයාව සිටි සමයේ මාර්ගෝපදේශ උල්ලංඝනය කරමින් පාස්කු ප්‍රහාරකයකුට අයත් තඹ කම්හලට අබලි ද්‍රව්‍ය මහා පරිමාණයෙන් ලබාදී තිබුණේ ද මෙම නිලධාරියාගෙන් අදාළ රාජකාරිය වෙනත් අයකුට පැවරීමෙන් පසුවය.
පාස්කු ප්‍රහාරය සම්බන්ධයෙන් කරුණු සොයා බැලූ ජනාධිපති කොමිසම හමුවේදී එම කරුණු සියල්ල අනාවරණය වූ අතර මෙවර ද නැවත උද්ගත වී තිබෙන්නේ ඊට සමාන තත්ත්වයකි.
පාස්කු ප්‍රහාරකයකුට අයත් තඹ කම්හලට මාර්ගෝපදේශ උල්ලංඝනය කරමින් කාර්මික සංවර්ධන මණ්ඩලයෙන් අබලි ද්‍රව්‍ය මහා පරිමාණයෙන් ලබාදීම තොරතුරු දැනගැනීමේ පනත හරහා පළමු වරට හෙළිකරනු ලැබුවේ ‘ලංකාදීප’ පුවත්පත විසිනි.
ප්‍රසිද්ධ ටෙලි නළුවකුගේ පුතෙකු ඩුබායි රාජ්‍යයේ සැඟව සිට මෙහෙයවන මහා පරිමාණ මත්ද්‍රව්‍ය ජාවාරමට සම්බන්ධ පොලිස් කොස්තාපල්වරයෙකු අත්අඩංගුවට ගත් බව ප
කෙසෙල් කැනක් හොරෙන් කැමීමේ සිද්ධියක් සම්බන්ධයෙන් ඇතිවූ බහින්බස්වීමක් දුර දිග යාමෙන් ඇතිවූ ගැටුමකින් රත්තොට නාගුලියක්ද ප්‍රදේශයේ පදිංචි වයස අවුරුද
ජීවිතය පිළිබඳ ආපසු හැරී බැලීමටත් මරණය පිළිබඳ අත් දැකීමක් ලබා ගැනීමටත් අවස්ථාව ලබා දීම සඳහා අද්විතීය තේමාවක් යටතේ ජපානයේ කජියා හොන්ටෙන් මල් ශාලාව ’’ම
ත්‍රිකුණාමලය - මඩකලපුව ප්රධාන මාර්ගයේ ලංකා පටුන හන්දියේදී ඊයේ (16) රාත්‍රියේ සිදුවූ රිය අනතුරකින් නාවික භටයකු මිය ගිය බව ඊච්චලම්පත්තු පොලිසිය කියයි .
පහළොස් හැවිරිදී තම දියණිය සමඟ ප්‍රේම සම්බන්ධතාවයක් පවත්වාගෙන ගියායැයි උරණ වූ උසස් පෙළ විභාගය සඳහා අධ්‍යාපනය ලබන සිසුවෙකුට අමානුෂික ලෙස පහර දුන් පියෙ
පානදුර මුහුදු වෙරලේ පොදු වැසිකිලියේ සේවකයාගේ මුදල් භාජනය කොල්ලකෑ පාසල් සිසුන් හය දෙනෙකු අත්අඩංගුවට ගත්බව පානදුර දකුණ පොලිසිය පවසයි .
2024 නොවැම්බර් මස 05
338
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
623
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
අබලි ද්‍රව්‍ය නොදුන් අධ්‍යක්ෂ ගෙදර යවයි
swene Monday, 25 October 2021 05:34 AM
තොරතුරු දැනගනිමේ පනත මගින් තව තොරතුරු අරගෙන විස්තරේ ජනතාවට හෙළි කරන්න. දැන් එම පනත ක්‍රියාත්මක නැති බව සමහරු කියනවා
Raveendra Monday, 25 October 2021 05:57 AM
"මූලික සුදුසුකම් නොමැතිව හිමිකම නොමැති තනතුරක පත්වීමක් දැරුවේ යැයි චෝදනාව මත මෙම වැඩ තහනම කළ බවයි.".... කිසිවෙකු සේවයට බදවා ගන්නාවිට ඔහුගේ හෝ ඇයගේ සුදුසුකම් සොයා බලන්නේ නැද්ද යන්න අප මෙම "සභාපතියාගෙන්" විමසීමට කැමැත්තෙමු. සේවයට බදවාගෙන ( විශේෂයෙන් රජයේ සේවයට ) පසුව ඒ ඒ අයගේ සුදුසුකම් සොයා බලන්නේ එක්කෝ සම්මුඛ පරීක්ෂණ මණ්ඩලයේ ඉන්නට ඇත්තේ මෝඩයන් බව ස්ථිරය.
ravin Monday, 25 October 2021 08:51 AM
නිලධාරී තුමනි, ගෙදර ගියත් තමා හිතට එකඟව වැඩ කරා කියලා සැනසෙන්න.
Bamunuarachchi Monday, 25 October 2021 09:10 AM
සබාපතිගේ සුදුසුකම් සොයා බැලුවොත් හොදයි නේද? වියත් මග පිහිටවලා තෝරාගත වියතුන්ට වැඩක් කරන්න පුළුවන් කමක් තිබුනාද? අධ්‍යක්ෂවරයාගේ සුදුසු කම හොයන්නේ මොවුන්දේ පක්කලි වැඩ නොකරන නිසාද? මේවගේ සබාපතිවරු ගහල පන්නන්න ඕනේ. අධ්‍යක්ෂවරයාට අපි යෝජනා කරනවා එලියට ඇවිත් ඇතුලේ සිදුවෙන ඔක්කොම හොරමැරකම් කියන්න කියලා.
fairoosMonday, 25 October 2021 12:40 PM
අම්මෝ බමුණා ඔයා නම් මොළ නැවක් .සර් ෆේල්ද ?
BamunuarachchiMonday, 25 October 2021 01:21 PM
බොල......... මේවා කරන්නේ සර් නොවෙයි. බඩගොස්තරයෝ. යහපාලන කාලේ බදියුදීන්ලා අසාද් සාලිලා කළා වගේ තේරුනාද බොල ....
BamunuarachchiMonday, 25 October 2021 01:51 PM
හැබැයි ඒ කිව්වයි කියලා නවතින්නේ නැහැ. එජාපයෝ ආවොත් ඔවුනුත් ඔය ටික කරනවා.
Dayan Monday, 25 October 2021 10:35 AM
අවංක නිලධාරීන් මේ රජය යටතේ සේවය කරන්න සුදුසු නැහැ. දිවි ගලවා ගත හැක්කේ ඇමතිවරුන් විසින් පමණක් කළ යුතු දේ කරන රූකඩයන්ට පමණි.
sharm warn Monday, 25 October 2021 12:13 PM
කක්කුටු ආණ්ඩුවක් තියෙන රටක, කෙලින් වැඩ කරන්නත් දෙන්නේ නැහැ.
Kule Monday, 25 October 2021 01:13 PM
විමලේ විමලේ උත්තර දුන්නා නම්