ගලගම ශ්‍රි අත්ථදස්සි හිටපු අස්ගිරි මහනාහිමියන්ගේ අපවත්වීමෙන් පුරප්පාඩු වු මහනායක පදවිය සදහා ඉදිරිපත් විමට අනුනායක ස්වාමීන්ද්‍රයන් වහන්සේලා  දෙනමම තිරණය කර ඇතැයි අස්ගිරි විහාර ආරංචි කියයි.

අස්ගිරි මහා විහාර පාර්ශවයේ අනුනායක පදවි දෙක බදුලු මුතියංගන රජමහා විහාරාධිපති වරකාගොඩ ඥානරතන , පොලොන්නරුවේ සොලොස්මාථානාධිපති වෙඬරුවේ උපාලි යන නාහිමි වරුන් විසින් දරනු ලබන අතර උන් වහන්සේලා දෙනමම මේ වන විට මහනායක පදවිය සදහා ඉදිරිපත් වන බව සංඝ සභික හිමිවරුන්ට දැහැත් පිළිගන්වමින් දැනුම් දි ඇත.

අස්ගිරි මහනායක පදවිය සදහා සුදුසු ජ්‍යෙෂ්ඨ හිමිනමක් පත්කර ගැනීම  අප්‍රේල් මස 7 වැනිදා පස්වරුවේ සිදු කිරිමට එම පාර්ශවයේ විංසත් වර්ගික කාරක සංඝ සභාව තීරණය කර තිබේ.

එදින අනුනායක හිමිවරුන්ගෙන් එක් හිමි නමක් අස්ගිරි පාර්ශවයේ 22 වන මහනාහිමි ලෙස පත්විමට නියමිතය.