සල්මාන් ඛාන් හැරුණු කොට මේ වසරේ සාර්ථකම නළුවා බවට පත්ව සිටින ආක්ෂේ කුමාර් සැප්තැම්බර් අවසන් සතියේදී තිරගත වීමට නියමිත "එම්.එස්.දෝනි අන්ටෝල්ඩ් ස්ටෝරි" චිත්‍රපටය සඳහා තෝරා නොගත් හේතුව පිළිබඳව එහි අධ්‍යක්ෂක නිරාජ් පාණ්ඩේ පසුගිය සතියක මාධ්‍යය හමුවකදී පවසා සිටියා.

ඔහු පවසන අන්දමට මෙම චිත්‍රපටය සඳහා මුලින් තමාගේ සිත්ගත්තේද ආක්ෂේ බවත්, නමුත්, ආක්ෂේ තරුණයෙකු නොවන නිසා මෙම චිත්‍රපටයට සුශාන්ත් සිං රාජ්පුත් තෝරාගත් බවත් නිරාජ් පවසා තිබෙනවා. නිරාජ් ආදායම් අතින් අති සාර්ථක වු ආක්ෂේගේ "රස්තම්" චිත්‍රපටයේ ප්‍රධාන නිෂ්පාදකයා වන අතර, ආක්ෂේ අවස්ථා කිහිපයකදීම ඔහුගේ චිත්‍රපටවල රඟපා තිබෙනවා.

එමෙන්ම මෙම චිත්‍රපටයේ මංගල දර්ශනය ආක්ෂේ පැමිණි බවත්, ඔහු අවංක සිතින් තමාට මෙන්ම සුශාන්ත්ටද සුබපැතුම් එක් කළ බවද නිරාජ් මෙම මාධ්‍යය හමුවේදී පැවසුවා.