උද්ඝෝෂණයට ගිය මන්ත්‍රීවරුන්ට පී.සී.ආර් කරන්න

(සුජිත් හේවාජුලිගේ සහ අංජුල මහික වීරරත්න)

සමගි ජන බලවේගයේ උද්ඝෝෂණයට සහභාගීවූ සියලුම මන්ත්‍රීවරුන් පී.සී.ආර් පරීක්ෂණයකට යොමු කරන්නැයි තමා ඉල්ලීමක් කරන බව සංචාරක සහ ගුවන් සේවා අමාත්‍ය ප්‍රසන්න රණතුංග මහතා පාර්ලිමේන්තුවේදී අද (19) පැවැසීය.

ඔහු මෙසේ පැවසුවේ විසර්ජන පනත් කෙටුම්පත පිළිබඳ දෙවැනි වර කියවීමේ විවාදයේදී රීති ප්‍රශ්නයක් මතුකරමිනි.

මනෝ ගනේෂන් මන්ත්‍රීවරයාටද කොවිඩ් ආසාදනයවී ඇති බවත් සජිත් ප්‍රේමදාසගේ මෝඩ රැල්ල නිසා මන්ත්‍රීවරුන්ට කොවිඩ් ආසාදනයවීම වැඩිවී ඇති බවත් ඔහු චෝදනා කළේය.

ඒ වගේම විපක්ෂයේ මන්ත්‍රීවරුන් බොහෝ දෙනකු මේ සභා ගර්භයේ මුව ආවරණ නොපළඳින බව පැවසූ ඇමැතිවරයා අනෙකුත් මන්ත්‍රීවරුන්ගේ ආරක්ෂාව වෙනුවෙන් සමගි ජන බලවේගයේ මන්ත්‍රීවරුන් පී.සී.ආර් පරීක්ෂණයකට යොමු කරන්නැයි තමා ඉල්ලීමක් කරන බවද සඳහන් කළේය.

මේ අවස්ථාවේදී සමගි ජන බලවේගයේ මන්ත්‍රීවරු ඇමති ප්‍රසන්න රණතුංගගේ ඒ කතාවට විරෝධය දැක්වූහ.

මෙහිදී අදහස් දැක්වූ සමගි ජන බලවේගයේ කොළඹ දිස්ත්‍රික් මන්ත්‍රී මුජිබර් රහුමාන් මහතා උද්ඝෝෂණ පවත්වද්දී කොවිඩ් පැතිරෙනවා නම් අනුරාධපුරයේ උපන්දින සාද පවත්වද්දී කොවිඩ් පැතිරෙන්නේ නැතිදැයි ප්‍රශ්න කළේය.

මෙහිදී සභාව ඇමතූ නියෝජ්‍ය කතානායක රංජිත් සියඹලාපිටිය මහතා මන්ත්‍රීවරුන් සභා ගැබේදී සෞඛ්‍ය නීති රැකිය යුතු බවත් එමගින් රටට ජනතාවට ආදර්ශයක්ද ලබා දිය හැකි බවත් ප්‍රකාශ කළේය.

අදහස් (13)

උද්ඝෝෂණයට ගිය මන්ත්‍රීවරුන්ට පී.සී.ආර් කරන්න

Sriland Friday, 19 November 2021 11:43 AM

කොරෝනා කියන්නේ තනිකරම බොරුවක් මේක ජාතියන්තර සහ දේශීය බෙහෙත් ජාවාරමක්.

: 2 12

Prabha Friday, 19 November 2021 02:01 PM

එතකොට මිනිස්සු මැරෙනවා කියන්නේ බොරුවටද.?

: 4 3

Hafeel Saturday, 20 November 2021 09:26 AM

මමත් කියන්නේ කොරෝනා ඇවිල්ලා එක්තරා කුමන්ත්‍රණයක්... මේකට හොඳම උදාරණය දැන් මාස දෙකකට කලින් ඇෆ්ඝනිස්ථානයේ කාබුල් අගනුවර ගුවන්තොටුපොලේදී විශාල ජන ගංගා පිරිලා හිටියා. කිසිකෙනෙක් මාස්ක් දාගන්නත් නැහැ.. සමාජ දුරස්ථභාවයත් අනුගමනය කළේත් නැහැ.. එහේ කොරෝනාත් නැහැ...

: 0 0

Nuwan Friday, 19 November 2021 12:42 PM

ස්ථූපය විවෘත කරන්න මුහුණු ආවරණ නැතිව ගිය ජනපතිට කරන්නේ මොකක්ද.?

: 0 19

ravin Friday, 19 November 2021 12:44 PM

ඇයි සෑය වඳින්න ගිය කට්ටිය ?එතන රැස්වුණේ හරක්ද ?සතුන්ටත් කොරෝනා හැදෙන විත්තිය දන්නේ නැද්ද ?

: 1 19

kamal Friday, 19 November 2021 12:45 PM

පී.සී.ආර් දේශපාලන අවියක් කරගැනීම ගැන විද්වතුන්ගේ විරෝධයක් නැද්ද ?

: 0 16

කිරි පුතා Friday, 19 November 2021 12:45 PM

ඒකට සූදානම් කරපු නායකයින්ට PCR කරලා සහභාගි වුණු ජනයාට ඔළුවෙ CT ස්කෑන් එකක් කරන්න ඕන. හිස්කබල ඇතුලෙ මොනවද තියෙන්නෙ කියලා බලන්න

: 16 2

Wimal Friday, 19 November 2021 01:40 PM

ඔය කියන අයගේ ඔලුව ස්කෑන් කරන්න ඕන මොන සතාගේ මොලයක්ද තියෙන්නේ කියලා බලන්න.

: 0 12

GSD Friday, 19 November 2021 01:42 PM

ඊයේ අනුරාධපුරේ යවපු මන්ත්‍රීවරු කොහොමද?

: 0 10

DILUM Friday, 19 November 2021 02:14 PM

ගම සමග පිළිසඳරේ ගත්තද.?

: 0 0

Ratne Friday, 19 November 2021 02:27 PM

කඨින රජ උත්සවයට සහ සෑ විවෘතයට ගිය පිරිස ට ඇන්ටිජන් කරමුද?

: 0 5

sam Friday, 19 November 2021 03:23 PM

මේ ගොයියා පාර්ලිමේන්තුවේදී කිව්වේ මාස් කියලා.අර කොමිස් ගොයියා කොවින් කිව්වා වගේ .අනේ කව්රු හරි මේ බඩාට කියලා දෙනවද මාස් කියන එකයි මාස්ක් කියන එකයි තේරුම් දෙකක් කියලා

: 0 4

ගමේ එකාලා Friday, 19 November 2021 04:17 PM

පී.සී.ආර්.කරන්ඩ කියන්නේ ඇයි බයද. .ගඟට මුට්ට් දාපු හින්දා තමුන්ට නම් අවුලක් වෙන එකක් නැතුවා .

: 0 0