ජනාධිපති කාර්යාලයෙන් ලැබුණු බව කියන ලිපියක් අනුව පේරාදෙණිය සරසවි සේවකයනට සහන මිලට ත්‍රීරෝද රථ ලබා දීම සඳහා රුපියල් ලක්ෂ තිහකට වැඩි මුදල් එකතු කර නාඳුනන මිනිහකුගේ පෞද්ගලික ගිණුමකට බැර කිරීමේ සිද්ධියක් ගැන පරීක්ෂණයට රහස් පොලිසිය කැඳවා ඇත.

උපකුලපතිට ලැබුණු ලිපියක් අනුව එක් සේවකයකුගෙන් රුපියල් 25000 ගණනේ එකතු කිරීම සරසවි ලේඛකාධිකාරී ආරියරත්න පුංචිහේවා මහතාට පවරා ඇත.

කිසිදු සෙවිල්ලක් බැලිල්ලක් නැතිව මුදල් එකතු කර ගිනුමක තැන්මපත් කර ඇති බවත් පොලිස් ආරංචි කියයි.

ජනපති කාර්යාලයෙන් බව කියන ලිපිය චමින්ද කුමාරසිංහ නම් පුද්ගලයකු විසින් උපකුලපති මහාචාර්ය අතුල සේනාරත්නට යවන ලදැයි දැගන්නට ඇත.

උපකුලපතිගෙන් මේ ගැන විමසීමට ගත් උත්සාහය අසාර්තක විය.