වේලායුදන් මෙතියස් හෙවත් කුඩු මර්වින් අනභිමුඛයේ නඩුවක් විභාග කළ කොළඹ මහාධිකරණය ඔහුට 20 වසරක සිර දඬුවම් නියම කළේය.

2008 දී හෙරොයින් ජාවාරමෙන් රුපියල් ලක්ෂ 290ක් දේපළ කැලණීයෙන් හිමිකර ගත්තැයි ඔහුට එරෙහිව නඩු පවරා තිබිණි. ඔහුට රුපියල් ලක්ෂ 255ක දඩ ගෙවන ලෙසද පද්මිණී එම්.රණවක මහාධිකරණ විනිසුරුවරිය නියෝග කළාය.

දඩය නොගෙව්වහොත් සිර දඬුවම තවත් වසර හතරකින් දීර්ඝ කරන බවද විනිසුරුවරිය කීවාය. මින් වසර කිහිපයකට පෙර කුඩු මර්වින් බන්ධනාගාරයේ සිට අලුත්කඩේ අධිකරණයට රැගෙන එද්දී නාදුනන පිරිසක් ඔහු පැහැර ගෙන ගොස් ඇත. පසුව නඩුව විභාග වූයේ ඔහු නොමැතිවය.

ඔහු අත්අඩංගුවට ගැනීමට විවෘත වරෙන්තුවක්ද රතු නිවේදනයක් ද නිකුත් කැරිණි.

ඔහුට එරෙහි චෝදනා දෙකට අවුරුදු 20 බැගින් අවුරුදු 40ක සිර දඬුවම් නියම විය.