දකුණු කොරියාවේ එවර්ලන්ඩ් සතුන් වත්තේ කොෂික් නම් අලියා කොරියා බස කතා කරතියි විද්‍යඥයෝ  කියති. එසේ කරනුයේ ගොව්වන්ගේ බස අනුකරණයෙනි. ‘හලෝ‘ ‘වාඩි වෙන්න‘ ‘නැහැ‘ ‘ලගින්න‘ ‘හොඳයි‘ යන වචන පහ මිනිසුන් කතා කරන ආකාරයෙන් හසුරුවතියි ඔවුහු කියති. එහෙත් තමා කියනදේ කොෂික් තේරුම් ගන්නේ දැයි නොදන්නා බව පර්යේෂකයන් කොරියාවේ ජීව විද්‍යා සඟරාවකට ලියා ඇත. අලි ඇතුන්ගේ සංනිවේදන විශාරදයකු වන වියනා සරසවියේ මහාචාර්ය ඇන්ජෙලා ස්ටෝනර් කියනුයේ තම ගොව්වන්ගේ ස්වරය අනුකරණය කිරීමට කොෂික් දක්ෂයකු බවයි. කොෂික්ගේ මේ භාෂා හැකියාවට හේතුව ගෙව්වන් ඇසුර බව  විද්‍යඥයෝ කියති. කොෂික් එම සතුන් වත්තට ආ පස් වසරේ දීම මිනිසුන් හැර අන් කිසිවකු ඇසුරු කෙළේ නැත. තම සමාජ සබැඳියා තරකැර ගැනීමට කොෂික් කතා බහා කිරීමට පුරුදු වෙතියි විද්‍යාඥයෝ කියති.