රුහුණු කතරගම මහ දේවාලයේ පාරම්පරික කපු මහතෙකු ලෙස කටයුතු කිරීමට රංජිත් පද්මසිරි අධිකාරම් මහතාට අවසර දෙමින් දුන් ශ්‍රේෂ්ඨාධිකරණ නියෝගය ක‍්‍රියාත්මක නොකිරීමෙන් අධිකරණයට අපහාස කර ඇති බව පවසමින් ශ්‍රේෂ්ඨාධිකරණය හමුවේ අද (22) පෙත්සමක් ගොනු කැරිණි.

සෑම වසරකම මාසයක කාලයක් අදාළ ධූරයේ කටයුතු කිරීමට අවසර දෙමින් අධිකරණය දුන් නියෝග දින 14 ක් ඇතුළත ක‍්‍රියාත්මක කළ යුතු වුවත්, එය එසේ නොකිරීමෙන් අධිකරණයට අපහාසයක් සිදු කර ඇති බවත් ,එබැවින් ඒ සම්බන්ධයෙන් විභාග කර දඩුවම් පමුණුවන ලෙසත් පෙත්සම්කරු අධිකරණයෙන් ඉල්ලා ඇත.

රංජිත් පද්මසිරි අධිකාරම් මහතා විසින් ගොනු කළ මෙම පෙත්සමේ වගඋත්තරකරු වශයෙන් රුහුණු කතරගම මහ දේවාලයේ වත්මන් බස්නායන නිළමේ පියතිස්ස කුමාරගේ මහතා නම් කරනු ලැබ සිටියි.