ක්රිකට් ක්රීඩාව තුළින් රටම ආදරය කරන සචිත්ර සේනානායක දැන් ගායකයෙක් වෙලා. මේ දිනවල ඔහුගේ මුල්ම ගීතය ඔබටත් You Tube හරහා දැකගන්න පුළුවන්. "වටිනා ඔබගේ" ඒ තමයි සචිත්රගේ මුල්ම ගීතය. ක්රිකට් ක්රීඩකයකු වූ සචිත්ර ගායකයකු වූ හැටි හසරදට කිව්වේ මෙහෙම.
මොකද මේ එකපාරටම ගීතයක් කරන්න හිතුනේ?
එකපාරටමත් නෙවෙයි. මම කොහොමත් සංගීතයට ආසයි. ගෙදර අය සහ විශේෂයෙන්ම යශාන්ගේ ඉල්ලීමත් එක්ක තමා ගීතය කළේ.
සචිත්ර ක්රිකට් ක්රීඩකයෙක් නොවුණා නම් ගායකයෙක්ද?
ඔව්. සමහරවිට එහෙම වුණානම් ගායකයෙක් වෙන්න ඉඩ තිබ්බා.
ඔබ සංගීතය ගැන හැදෑරීමක් කළාද?
ඔව් මම පාසලේ සංගීතය හැදෑරුවා වගේම සංගීත් නිපුන් සනත් නන්දසිරි මහතා යටතේ පවා මම සංගීතය ඉගෙන ගත්තා.
සංගීතය පැත්තෙන් ඔබ තරගවලට සහභාගිවෙලා තියෙනවද?
ඔව්, මම පාසලේ ඒ වගේම දහම් පාසලේ සහ මුතුහර සමාජයේදී සින්දු කියලා පද්ය ගායනාවලට සහභාගිවෙලා ජයග්රහණය පවා ලබාගෙන තියෙනවා.
අලුත්ම ගීතය ගැන කතා කළොත්, මේ ගීතයේ පද රචනය කාගෙද?
සඳුන් පෙරේරා. සංගීතවත් කළේ, ශෙනාල් මද්දුමගේ.
එතකොට Music video එක කළේ කවුද?
යෂාන් ප්රඩක්ෂන්.
අන්තර්ජාලය හරහාත් බලන්න පුළුවන්ද?
වටිනා ඔබගේ කියලා search කළානම් හරි.
මේ ගීතය ලියවෙන්නේ ඔබේ අදහසකටද?
ඔව්. ඒ කියන්නේ මෙහෙමයි වුණේ. ගීතයක් කරමු කිව්වම එයාලා මගෙන් ඇහුවා මොනවගේ ගීතයක්ද කරන්නෙ කියලා. ඉතිං මේක මගේ පළමු ගීතය නිසා මට ඕනවුණේ නෑ විරහ ගීතයක් කරන්න. ඉතිං මං කිව්වා wife ගැන කියවෙන ගීතයක් කරමු කියලා. ඒ අනුව තමා ගීතය නිර්මාණය කළේ.
ගීතයේ video එකේ ඉන්නෙත් ඔබ. ඒ අත්දැකීම?
ඒක මට අලුත්ම අත්දැකීමක් වුණා. ඒක හරි අමාරු දෙයක්. හොඳ වෙලාවට අඳුරන නංගි කෙනෙක් හිටියෙ. එයත් මට ගොඩක් උදව් කළා.
ගීතය තුළිනුත් wifeගැන කියන නිසා අපි පවුල් ජීවිතය ගැනත් කතා කරමු. කොහොමද ඇය මුණගැහුණේ?
ඉරේෂාගෙ පවුලෙ අයයි. අපේ පවුලේ අයයි හොඳ යාළුවො. අපේ පවුල් දෙක අහම්බෙන් වගේ කතරගම ගියා එතනදි තමා මම මුලින්ම ඉරේෂව දැනගත්තේ. ඒ දැනහැඳුනුම්කම යාළුකමක් වෙලා අවසානයේ ආදරයක් බවට පත් වුණා. පසුකාලීනව අපි විවාහ වුණා.
ගීතයට ලැබෙන ප්රතිචාර එක්ක දිගටම සින්දු කියයිද?
දිගටම කියලා කියන්න බැහැ. හැබැයි සින්දු කියන්න ආසයි. ඒ නිසා තව නිර්මාණ කරන්න ඉඩ තියෙනවා. සින්දු කියන්නේ ඒ හරහා හම්බ කරන්න නොවෙයි. ආසාවට විනෝදාංශයක් විදියට.
ඉරේෂාට සින්දු කියන්න බැරිද?
එයාටත් පුළුවන්
දෙන්නගෙම ගීතයක් කරන්න අදහසක් නැද්ද?
එහෙම අදහසක් තියෙනවා. මොකද මම TV වැඩසටහනකදී එයත් එක්ක සින්දුවක් කිව්වා එතනිදීත් ගොඩක් අය කිව්වා දෙන්නටම සින්දුවක් කරන්න කියලා. බලමු ඉතිං බොහෝ දුරට ඊළඟ ගීතය අපි දෙන්නම කියයි. දැන් නෙවෙයි. මගේ තියෙන කාලයත් එක්ක විවේකයක් ලැබුණාම ගීතයක් කරනවා.
ක්රීඩාව පැත්ත කතා කළොත් කොහොමද?
ඔව්. මේ දවස්වල වර්ෂාව නිසා ක්රිකට් වලටත් බාධාවන් මතු වුණා. ඉදිරියට ඔස්ට්රේලියා සහ එංගලන්ත සංචාර දෙකක් තියෙනවා. පුළුවන් තරම් ප්රැක්ට්රිස් කරනවා සහ ඉදිරි තරගවලදි හොඳට ක්රිඩා කරන එක තමා අරමුණ.
අනූෂා රණසිංහ
තල් සංවර්ධන මණ්ඩලය තල් රා තල් වයින් සහ තල් අරක්කු ඇතුළු තල් ආශ්රිත නිෂ්පාදන අපනයනයෙන් පසුගිය වසර දෙකේ දී රුපියල් කෝටි 12 කට වැඩි ආදායමක් උපයාගෙන ඇතැයි
හිස කෙස් සැකසීම සඳහා ආලේපනයක් ගැල්වීමෙන් පසු කාන්තාවකගේ කෙස්කලඹ ගැලවී යාමේ සිද්ධිය සම්බන්ධයෙන් පොලිසිය සොයමින් සිටි රූපලාවණ්යාගාරයේ හිමිකාරිය අ
දූෂණය සහ අනාරක්ෂිත බව විදේශ ආයෝජන ආකර්ශනය කර ගැනීම සඳහා බලපානු ලබන ප්රධාන බාධාවන් බව ලංකාවේ කැනේඩියානු මහ කොමසාරිස් එරික් වොල්ෂ් (Eric Walsh) මහතා ජනාධිපති
සිය දරුවන් දෙදෙනා පෙර පාසලට සහ උපකාරක පන්තියට තම ත්රී රෝද රථයෙන් රැගෙන යමින් සිටි පියෙකු දෙනියාය කිරිවැල් දොළ මාර්ගයේ බෑවුම් සහිත වංගුවකදී ත්රීරෝ
අගුණකොලපැලැස්ස බන්ධනාගාරයෙන් පලාගිය රැදවියන් හතර දෙනාගෙන් දෙදෙනෙකු අද (2) සවස 5.30 ට පමණ මාවැල්ල ධීවර තොටුපලේ රැදී සිටියදී තංගල්ල මූලස්ථාන පොලිසියේ නිළධ
රුපියල් එක්කෝටි විසිලක්ෂයකට වඩා වටිනා අයිස් මත්ද්රව්ය සමඟ විදේශගත මත්ද්රව්ය ජාවාරම් කරුවෙකු වන අහුන්ගල්ලේ සංජීවගේ ගෝලයෙක් බවට සැකකරන පුද්ගලය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ක්රිකට් ගැහුවට සින්දු කියන්න මාර ආසයි