වසර අටකට පසුව නිලවරණයක් පැවැත්වෙන අවස්ථාවකදී පසුගිය වසර අට තුළදීම ශී‍්‍ර ලංකා කි‍්‍රකට් ආයතනයට ලැබුණ මුදල් සහ ඒවාට සිදුවූ දේ සම්බන්ධයෙන් මෙතෙක් කල් කටයුතු කළ අතුරු කමිටු නිලධාරීන් කරුණු දැක්විය යුතුව ඇතැයි ශී‍්‍ර ලංකා කි‍්‍රකට් පාලක මණ්ඩලයේ හිටපු විධායක කමිටු සාමාජිකයන් අතුරින් දැනට සිටින ජ්‍යෙෂ්ඨතමයා වන නීල් පෙරේරා මහතා පවසයි. නීල් පෙරේරා මහතා මේ බව පවසා සිටියේ පසුගිය සෙනසුරාදා කොළඹ කි‍්‍රකට් සමාජ (සී. සී. සී.) ශාලාවේදී පැවැති ශී‍්‍ර ලංකා කි‍්‍රකට් පාලක මණ්ඩලයේ සාමාජික කී‍්‍රඩා සමාජවල නියෝජිතයන් අමතමිනි. කි‍්‍රකට් පාලක මණ්ඩලයේ ව්‍යවස්ථාව අනුව, විගණනය කරන ලද වාර්ෂික ගිණුම් වාර්තාව  සාමාජිකයන් අතර බෙදා හැරීමකින් තොරව, වාර්ෂික මහ සභා රැුස්වීමක් පවත්වන්නටත් බෑ. ඒත් දැන් අපි නිලවරණයක් තියන්න යනවා” මේ නිලවරණය පැවැත්වෙන්නට පෙර, පසුගිය වසර හය හතේදී කි‍්‍රකට් පාලක මණ්ඩලයයේ ආදායම් වලට මොනවා වුණාද කියා කවුරුන් හරි ප‍්‍රශ්න කරනවා නම් තත්ත්වය වඩාත් පැහැදිළි කරගත හැකියි” යයිද නීල් පෙරේරා මහතා පැවසීය. මේ වන විට 80 වැනි විය ඉක්මවා සිටින නීල් පෙරේරා මහතා ශී‍්‍ර ලංකා කි‍්‍රකට් පාලක මණ්ඩල විධායක කමිටුවට මුලින්ම තේරී පත්වූයේ 1958 දීය. ඉන් පසුව වසර ගණනාවක්ම කි‍්‍රකට් පාලක මණ්ඩලයේ විධායක කමිටු සාමාජිකයකු ලෙසත්, පසුව ලේකම් වරයකු ලෙසත් කටයුතු කර ඇති නීල් පෙරේරා මහතා දිවංගත ගාමිණී දිසානායක මහතා යටතේ සහ දිවංගත ටිරෝන් ප‍්‍රනාන්දු මහතා යටතේ ශී‍්‍ර ලංකා කි‍්‍රකට් පාලක මණ්ඩලයේ උප සභාපති තනතුරු හෙබවීය. පිට පළාත් වල කි‍්‍රකට් කී‍්‍රඩාව කඩා වැටිලා. කී‍්‍රඩකයන්ට පුහුණුවීම් කරන්නවත් පළමු පෙළ තරග තියන්න වත් සුදුසු කී‍්‍රඩාංගණ නෑ. ඒත් අපි දැවැන්ත කී‍්‍රඩාංගණ හදමින් යනවා. මේවා තේරුමක් නැති වැඩ” දෙයියන්ගෙ නාමෙට, තවත් නම් දැවැන්ත කී‍්‍රඩාංගණ හදන්න එපා. අපට  ඕනෑවටත් වඩා කී‍්‍රඩාංගණ තිබෙනවා. ඒ වෙනුවට පිට පළාත් වල සිටින කි‍්‍රකට් කී‍්‍රඩකයන්ට පුහුණුවීමේ පහසුකම් සලසා දෙන්න” යයිද පෙරේරා මහතා වැඩිදුරටත් පැවසීය. මේ අතර කි‍්‍රකට් පාලක මණ්ඩලයේ හිටපු භාණ්ඩාගාරිකවරයකු මෙන්ම ගාමිණි දිසානායක මහතා සභාපතිව සිටි සමයේ වසර හයක පමණ කාලයක් ලේකම්වරයා ලෙසින්ද කටයුතු කළ නුස්කි මොහොමඞ් මහතා පවසා සිටියේ කි‍්‍රකට් අතුරු කමිටු වලින් අයවැය වාර්තා ප‍්‍රසිද්ධියට පත්කළේ හේමක අමරසූරිය මහතා සභාපතිව සිටි වසරක කාලය සඳහා පමණක් බවයි. මේ ගිණුම් වාර්තා විගණනය වෙනවාලූ. ඒත් එතැනින් එහාට මොනවා වෙනවාද කියා කිසිවෙක් දන්නේ නෑ. ඒත් කී‍්‍රඩා සමාජ නියෝජිතයන් හැටියට අප මේවා දැනගත යුතුයි” යයි සැරසන්ස් කී‍්‍රඩා සමාජයේ සභාපතිවරයාද වන නුස්කි මොහොමඞ් මහතා පැවසීය. අපට හොඳ නායකත්වයක් අවශ්‍යයි. ඒ නිසයි තිලංග වැනි කෙනෙක් අපට  ඕනෑ කරන්නේ....” මා ගාමිණි දිසානායක මහතා එක්ක වසර අටක නමයක කාලයක් වැඩ කළා. තිලංග එක්කත් වසර දෙක තුනක් වැඩ කළා. ඒ නිසා තිලංගට කරන්න පුළුවන් දේ මොනවාද කියා මා දන්නවා” යයි කී නුස්කි මොහොමඞ් මහතා... අතුරු කමිටු කියන්නේ අතීතයේ දෙයක්. ජාතික කි‍්‍රකට් සංගම් ඡුන්දයෙන් පත්වන නිලධාරීන්ගෙන් සමන්විත විය යුතු යයි අන්තර්ජාතික කි‍්‍රකට් සභාව දැනටමත් ප‍්‍රතිපත්ති නිවේදනයක් නිකුත් කරලාත් තිබෙනවා” යයිද වැඩිදුරටත් පැවසීය. අතීතයේ සිටම ශී‍්‍ර ලංකාවේ දක්‍ෂතම පිතිකරුවන් කී‍්‍රඩා කළේ කි‍්‍රකට් පොතේ ඇති පහර වලින් නොව, ඔවුන් සහජයෙන්ම ගෙන ආ, තමන්ටම ආවේණික වූ පිතිහරඹ රටාවකිනි. දුලිප් මෙන්ඩිස් සහ අර්ජුන රණතුංග යුගයේ සිට සනත් ජයසූරිය සහ දිනේෂ් චන්දිමාල් දක්වාත් පන්දු යැවීමේදී මෙන්ම පිතිකරුවන් දවාගැනීමේ උපක‍්‍රම දක්වාත් එය ශී‍්‍ර ලංකාවට අවේණික ක‍්‍රමයකි. එහෙත් දිගු කලක සිටම ශී‍්‍ර ලංකාවේ ජාතික කණ්ඩායම පුහුණුකරවීම සඳහා පුහුණුකරුවන් ගෙන්වනු ලබන්නේ  ඕස්ටේ‍්‍රලියාවෙනි. මේ සම්බන්ධයෙන්ද කි‍්‍රකට් සමාජ නියෝජිතයෝ අදහස් දැක්වූහ. කලකට ඉහතදී ශී‍්‍ර ලංකාවේ කි‍්‍රකට් පුහුණුකරුවන්ට ලෝකයේ වෙනත් රටවලින් කැඳවීම් ලැබුණ නමුත් මේ වන විට ශී‍්‍ර ලංකාව  ඕස්ටේ‍්‍රලියානු පුහුණුකරුවන්ගේ පිහිට පමණක් පතමින් අසරණ වී සිටින බව කි‍්‍රකට් පුහුණුකරුවකු වන සෙනරත් අල්විස් මහතා අදහස් දක්වමින් පැවසීය. අල්විස් මහතා බංග්ලාදේශයේ 13 න් පහළ කණ්ඩායම පුහුණු කරවීම සඳහා ශී‍්‍ර ලංකාවෙන් ගිය පුහුණුකරුවාය. ශී‍්‍ර ලංකාවේ කි‍්‍රකට් පුහුණුකරුවන්ට පිටරට යැවීමට සමත් වූ එකම සභාපතිවරයා තිලංග සුමතිපාල මහතායි” යයිද අල්විස් මහතා වැඩිදුරටත් පැවසීය. ශී‍්‍ර ලංකා කණ්ඩායමේ හිටපු පුහුණුකරුවකු වන චන්දික හතුරුසිංහ මහතා මේ වන විට  ඕස්ටේ‍්‍රලියාවේ නිවුසවුත් වේල්ස් ප‍්‍රාන්තයේ සහාය පුහුණුකරු ලෙසින් කටයුතු කරන අතර රුමේෂ් රත්නායක මහතා ආසියානු කි‍්‍රකට් සභාවේ පුහුණුකරුවකු ලෙසින් කටයුතු කරයි. ලබන වසරේ ජනවාරි මස 3 වැනිදා පැවැත්වෙන ශී‍්‍ර ලංකා කි‍්‍රකට් ආයතනයේ නිලවරණය සම්බන්ධයෙන් ගතයුතු පියවර පිළිබඳව සාකච්ඡුා කිරීම සඳහා තිලංග සුමතිපාල මහතා විසින් මෙම රැස්වීම කැඳවන ලදි. රැුස්වීම සඳහා දිවයිනේ විවිධ ප‍්‍රදේශ වලින් කී‍්‍රඩා සමාජ, දිස්ති‍්‍රක් සංගම්, පළාත් කි‍්‍රකට් සංගම් සහ ආයතනික කි‍්‍රකට් සංගම් වල නියෝජිතයෝ 80 කට වැඩි පිරිසක් සහභාගි වූහ. එහිදී ලැබුණ ප‍්‍රතිචාර මත මෙවර නිලවරණය සඳහා ඉදිරිපත් වීමට තමන් සූදානම් බවද තිලංග සුමතිපාල මහතා පැවසීය.