ශ්‍රී ලංකාවේ ජීවත් වන මිනිසුන් අතර වඩාත් පීඩනයට පත්ව සිටින්නේ කවුරුන්දැයි සොයා බැලූවහොත් පැහැදිලිව පෙනී යන්නේ ඒ පහළ මධ්‍යම පන්තිකයන් බවයි. රටේ තීරණාත්මකම අවස්ථාවල දී ද විශේෂයෙන්ම මෙම කණ්ඩායමේ හැසිරීම එම තීරණයන්ට ඍජුවම වැදගත් වෙයි.

විවිධ සමාජමය, දේශපාලන, ආර්ථික හේතු සහ මානසික පෙළඹවීම මත පිටිසර ගමේ සිට කොළඹ පදිංචියට එන එවන් පවුලකට නගරයේ දී මුහුණ දීමට සිදුවන අප‍්‍රමාණ සමාජ සහ මානසික ගැටලූ සහ ආර්ථික පීඩනය මූලික කරගත් තේමාවක් මෙහිදී ඉදිරිපත් වේ.

කොළඹ සමාජය සහ පරිසර වෙනස තේරුම්ගත නොහැකිව රැුල්ලට පැමිණි පවුලක දරුවන් (ගැහැණු පිරිමි බාල තරුණ) හට ඇති වන මානසික පීඩනය හා ආර්ථික අපහසුතාවය නිසා පවුලේ ද අභ්‍යන්තර ගැටුම් ඇතිවී සහයෝගීතාවය ද බිඳී යන අයුරු මෙහිදී දැක්වේ.

ගමේ සිට නගරයට ඒමට පොළඹවන හේතු සහ නගරයේ දී මුහුණදීමට සිදුවන අසාමාන්‍ය පීඩනයක් මෙන්ම තරුණ අයගේ ආදරය හා විනෝදයට ඇතිවන හැලපැප්පීම් ද නොමග යෑම් ද යන සියල්ල මුළුමනින්ම සමාජ දේශපාලනික සාධක මත රැඳී පවතින බව නාටකයේ තේමාව මගින් අනාවරණය කෙරේ. කෙසේ වෙතත් හති වැටී ආපසු ගමට යන්නට අවශ්‍ය වුණත් එසේ ආපසු හැරීමට නොහැකි තරම් සිරව සිටින බව සහ එහි දී සිදුවන අසරණ වීම පිළිබඳ ඛේදවාචකය මෙයින් දිගහැරේ.

දයාදේව එදිරිසිංහ, සමනලී ෆොන්සේකා, සම්පත් ජයවීර, මේධා ජයරත්න, හර්ෂ තෙන්නකෝන්, එරංග ජීවන්ත, මනෝහරී විමලතුංග, අයේෂා දිසානායක, අංජන පේ‍්‍රමරත්න, සම්පත් ශ්‍රී ජයසිංහ, නිරෝෂන් ඉලේපෙරුම, සඳනි පතිරණ, ජයන්ත මුතුතන්ත‍්‍රී, දිල්කි ලියනගේ, ලලින්දා දිසානායකා, රොහාන් රණතුංග රංගනයේ යෙදෙන මෙහි කතාව හා අධ්‍යක්ෂණය සුරංග ලක්මාල් සෙනෙවිරත්න ගෙනි.