සිවිල් ආරක්ෂක දෙපාර්තමේන්තුව හා ජාතික රුධිර පාරවිලයන සේවය එක්ව සංවිධානය කළ ලේ දන්දීමේ කඳවුර කොළඹ ගංඟාරාම විහාරස්ථානයේදී අද (22) පැවැත්විණි.

රණවිරුවෝ 3000 ක් පමණ ද මෙම පිංකමට එක්වූහ. සිවිල් ආරක්ෂක දෙපාර්තමේන්තුවේ අධ්‍යක්ෂ ජනරාල් චන්ද්‍රරත්න පල්ලේගම මහතාගේ අදහසකට අනුව ගංගාරාමාධිපති කොළඹ නව කෝරළයේ ප්‍රධාන සංඝ නායක ගලබොඩ ඥානිස්සර නාහිමියන්ගේ අනුශාසකත්වයෙන් ප්‍රථම වතාවට පිංකම සංවිධානය කෙරුණු අතර ආරක්ෂක ලේකම් කරුණාසේන හෙට්ටිආරච්චි, කොළඹ ප්‍රධාන මහේස්ත්‍රාත් ගිහාන් පිලපිටිය ඇතුළු පිරිසක්ද ඊට එක්ව සිටියහ.

Blood-donate_2015102221 Blood-donate_20151022212 Blood-donate_20151022213 Blood-donate_20151022214 Blood-donate_20151022215