චින්තක ජයසිංහ පන්දු 55 කදී ශතකයක් රැස්කරමින් ශ්රී ලංකා අන්තර් සමාජ පළමු පෙළ ක්රිකට් ඉතිහාසයේ වේගවත්ම ශතකය වාර්තා කිරීමට ඊයේ (19) සමත් විය. බ්ලූම්ෆීල්ඞ් ක්රීඩාංගණයේදී කෝල්ට්ස් පිලට එරෙහිව පැවැත්වෙන තරගයේ දෙවැනි දිනය වූ ඊයේ බ්ලූම්ෆීල්ඞ් පළමු ඉනිමේදී චින්තක ජයසිංහ පන්දු 95 කදී හතරේ පහර 9 ක් සහ හයේ පහර 10 ක් සමගින් ලකුණු 131 ක් රැස් කළේය. පානදුර ක්රීඩා සමාජයේ නායකයා ලෙස කටයුතු කළ සරත් ජයවර්ධන 2002 වසරේ පෙබරවාරි මස මොරටුව ද සොයිසා ක්රීඩාංගණයේදී (ටිරෝන් ප්රනාන්දු ක්රීඩාංගණය) එන්. සී. සී. පිලට එරෙහිව පන්දු 57 කදී ශතකයක් රැස්කරමින් පැරණි වාර්තාවට හිමිකම් කීය. සරත් ජයවර්ධන මහතා මේ වන විට මැලේසියාවේ පුහුණුකරුවකු ලෙස කටයුතු කරයි. ශ්රී ලංකා අන්තර් සමාජ මට්ටමේ ප්රවේගකාරී පිතිකරුවකු මෙන්ම තුන් ඉරියව් ක්රීඩකයකු වන දකුණතින් පිත්ත හසුරුවන චින්තක මේ වන විට පළමු පෙළ තරග 134 කදී ලකුණු 5,808 ක් රැස්කර තිබේ. දකුණතින් මද වේග පන්දු යවන චින්තක එහිදී කඩුලූ 104 ක් ද දවාගෙන තිබේ. 33 හැවිරිදි චින්තක පන්නිපිටිය ධර්මපාල විදුහලේ ආදි ශිෂ්යයෙකි. ශ්රී ලංකා විස්සයි-20 පිල ද නියෝජනය කළ චින්තක ජයසිංහගෙන් මේ පිළිබඳව ‘ලංකාදීප’ කළ විමසුමකදී පැවසුවේ තමන් වාර්තාවක් පිළිබඳව අවබෝධයෙන් නොසිටි බවත් කණ්ඩායමේ අවශ්යතාව මත වේගවත් ඉනිමක් ක්රීඩා කළ බවත්ය. ‘‘මම කොහොමත් වේගයෙන් පන්දුවට පහර දෙන්න කැමතියි, සුපුරුදු ලෙස මම පන්දුවට පහර දුන්නා, පස්සේ තමයි දැනගත්තේ එය වාර්තාවක් කියලා’’ යැයි ජයසිංහ වැඩි දුරටත් පැවසීය. ලකුණු පුවරුව: කෝල්ට්ස් පිල පළමු ඉනිම 266 (මලින්ද වර්ණපුර 23, රොෂේන් සිල්වා 105, ඩිල්රුවන් පෙරේරා 20, චතුර පීරිස් 22, ඉෂාන් ජයරත්න නොදැවී 53, තරංග ලක්ෂිත 65/2, විශ්ව ප්රනාන්දු 52/2, සුරාජ් රන්දීව් 70/4) සහ දෙවැනි ඉනිම කඩුලූ 5 ට 210 (මලින්ද වර්ණපුර 52, ශිහාන් කමලීන් 20, කුසල් ජනිත් 67,ඩිල්රුවන් පෙරේරා නොදැවී 17, අක්ෂු ප්රනාන්දු නොදැවී 21, සුරාජ් රන්දීව් 57/2, උපුල් ඉන්ද්රසිරි 57/3) බ්ලූම්ෆීල්ඞ් පිල පළමු ඉනිම 239 (ප්රසන්න ජයවර්ධන 21, චාමර සිල්වා 29, චින්තක ජයසිංහ 131, චතුර පීරිස් 46/2, සජීව වීරකෝන් 58/4)
ලෙබනනයේ බීරූට් අගනුවරට එල්ල වුණු ඊශ්රායල ගුවන් ප්රහාරයකින්, හිස්බුල්ලා සන්නද්ධ අංශ නායකයකු වන ඊබ්රහීම් අකිල් මියගියේය. මේ බව ලෙබනන් හිස්බුල්ලා සං
ඇමෙරිකන් ජනාධිපතිවරණය නොවැම්බර් පස් වැනිදා පැවැත්වෙයි. ඒ, රිපබ්ලිකන් ජනාධිපති ධුර අපේක්ෂක හිටපු ජනාධිපති ඩොනල්ඩ් ට්රම්ප් සහ ඩිමොක්රටික් ජනාධිපති
තම පක්ෂයට මනාපය ලබා නොදුනහොත් අනවසරයෙන් පදිංචි වී සිටින ඉඩම අවලංගු කරන බවට පවසා අරලගංවිල ඉහළවැව ප්රදේශයේ ජාතික ජන බලවේගයේ සාමාජිකාවකට බලපෑම් කළේ යැ
ජනාධිපතිවරණයේදි සිය ජන්දය ප්රකාශ කිරිම සදහා කොළඹ ඇතුළු දිවයිනේ විවිධ ප්රදේශවල රැකියාවල නිරත වන වතුකරයේ පදිංචිකරුවන් දැඩ උනන්දුවකින් නිවාස වෙත පැ
ජනාධිපතිවරණය නිරීක්ෂණය කිරීම සඳහා ජාත්යන්තර මැතිවරණ නිරීක්ෂණ සංවිධානවල 116 දෙනෙක් මෙරටට පැමිණ සිටිති.
වෝකි ටෝකි සහ පේජර් යන්ත්ර පුපුරුවා හරමින් ලෙබනනයට එල්ලවූ ප්රහාර මාලාව ඊශ්රායලය යුද ප්රකාශ කිරීමක් ලෙස සැළකිය හැකි බවත් එම ප්රහාරවලට නියත වශයෙන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
චින්තක පන්දු 55 කදී ශතකයක් රැස්කරමින් පළමු පෙළ ක්රිකට් නව වාර්තාවක් පිහිටුවයි
රොෂාන් Friday, 20 January 2012 01:50 PM
දැන්වත් මෙහෙම අයව දකුණු අප්රිකාවට යව්වනම් නරකද?