ජපානයේ  පැවැත්වෙන ජී 07 හෙවත්  ප්‍රධාන කාර්මික රටවල්  7 ක කණ්ඩායම්  රාජ්‍ය  නායක සමුළුවට  සහභාගී  විමට ජනාධිපති මෛත්‍රිපාල සිරිසේන මහතා  අද (25) ජි.කේ 348 එමිරේට්ස් ගුවන් යානයෙන් පිටත්ව ගියේය.

සමුළුව මැයි මස 26 සහ 27 දෙදින තුල ජපානයේ  ෂි සානි නගරයේ දී  පැවැත්වීමට  නියමිතය.

ඇමරිකාව,ප්‍රංශය, ජර්මනිය, බ්‍රිතාන්‍ය,කැනඩාව,ඉතාලිය සහ ජපානය මෙහි  සාමාජිකත්වය දරයි.

1970 දශකයේ දී  ජි 7 සමුළුව ලෝක තෙල්  අර්බුදයේ  දැඩි  පීඩනයන් මත පිහිටවා තිබේ.

ගෝලීය ආර්ථිකය,විදේශ ප්‍රතිපත්ති,ජාතික ආරක්ෂාව,ගෝලීය සෞඛ්‍ය,කාන්තා සවිබල ගැන්වීම යන ආදිය කෙරෙහි  මෙවර සමුළුවේ දී  අවධානය යොමු කිරිමට  නියමිතය.