මේ චුලක්‍ෂි රණතුංග ගැන අමුතුවෙන් හැඳින්වීම් කරන්න ඕනෑ නැහැ. ඇය අපේ රටේ සිටින ජනප‍්‍රිය නිරූපණ ශිල්පිනියක්. 2014 වසරේදී සියත - ලක්ස් ශ්‍රී ලංකා රූ රැුජින කිරුළ හිමිකර ගත්තෙත් ඇයයි. ඉන්පසුව ලෝක රූ රැජින තරග සඳහා ශ්‍රී ලංකාව නියෝජනය කළ චුලක්‍ෂි, වෘත්තීය ගරුත්වයට මුල් තැන දෙමින් කා සමගත් සුහදව කටයුතු කරන ශිල්පිනියක ලෙස හැඳින්වීමට පුළුවනි. නිරූපණය මුල් කරගෙන කලා ක්‍ෂේත‍්‍රයට පැමිණ පසුව රූ රැජිනක වී, දැන් සිනමා තිරයට පෑයූ මේ සුරූපී තුරුණු තාරකාවිය මෙවර සඳැල්ල කතාබහ හැඩ කළේ මෙලෙසිනි.

කොහොමද චුලක්‍ෂි, චිත‍්‍රපටයේ වැඩ කටයුතු එහෙම කොහොමද?

දේදුනු ආකාසේ චිත‍්‍රපටයේ අන්තිම හරියේ රූගත කිරීම්වලට දායක වෙනවා. ඊට අමතරව සුපුරුදු පරිදි නිවේදන කටයුතුවලටත් දායක වෙනවා.

නිරූපණය සඳහා ක්‍ෂේත‍්‍රයට එද්දී කවදාහරි රඟපෑම තෝරා ගන්නවා කියලා හිතුවද?

ඇත්තටම කලින් කැමැත්තක් තිබුණෙම නැහැ.

ඉන්පසුව ඒ අදහස වෙනස් කළේ?

ශ්‍රී ලංකා රූ රැුජින වූ පසුවත් රඟපානවද? කියලා ඇහුවාම කැමැත්තක් නැහැ කියායි මම කිව්වේ. නමුත් ප‍්‍රියන්ත කොළඹගේ මහතාගේ මේ සිනමා නිර්මාණයෙහි පිටපත ලැබුණාම එහි ස්වාභාවය සහ චරිත කියෙව්වාම මට ආස හිතුණා.

මොන වගේ චරිතයක්ද එය?

දිරිය කාන්තාවකගේ චරිතයක් කිව්වොත් නිවැරදියි. ආදරය පවා හංගාගෙන ජීවිතයේ නැගී සිටීමට වෙර දරණ අපූරු චරිතයක්. මේ චිත‍්‍රපටයේ වැඩි විස්තර දැන්ම කියන එක හොඳ මදි. අපි එය තිරගත වෙන තෙක් බලා ඉඳිමු. හරි ලස්සන චිත‍්‍රපටයක්.

හැබෑවටත් ඔබ ”ආදරය” ප‍්‍රකාශ නොකර හංගාගෙන ඉන්න කෙනෙක්ද?

”ඔව්” කියන්නෙත් නැහැ, ”නැහැ” කියන්නෙත් නැහැ.

ඇයි චුලක්‍ෂි ටෙලි තිරයට නොආවේ?

මගේ වැඩි කැමැත්ත කොහොමටත් තියෙන්නේ සිනමාවට. සිනමා රඟපෑම තෝරා ගත්තට පස්සේ මම වැඩිපුර ෆිල්ම්ස් බලන්න පවා පෙළැඹුණා. ඒ ක්‍ෂේත‍්‍රයෙන් දුර ගමනක් යන්න නම් ඒ පරිසරය ගැන අවබෝධය, දැනීම ලබා ගන්න ඕනෑ.

ඔබ හොලිවුඞ් හෙවත් බටහිර සිනමාවට කදිමෙට ගැලපෙන රුවක් කිව්වොත්?

එච්චර දුරට මම හිතලා නැහැ. ඔක්කෝටම කළින් ලංකාවේ මට මේ ලැබුණු අවස්ථාවෙන් ප‍්‍රයෝජන අරගෙන ඉන්න එපායැ. එය හරියට කරලා, තිරගත වූ පසු ලැබෙන ප‍්‍රතිචාර අනුව ඉදිරිය තීරණය වේවි. පේ‍්‍රක්ෂකයා තීරණය කරාවී... මම දක්ෂද? අදක්ෂද? කියලා.

නිරූපිකාවක ලෙස ලංකාවේ ඉහළ ඉල්ලූමක් ඇති ශිල්පිනියක් කිව්වොත්?

එතැනදිත් මට කලින් ඒ ක්‍ෂේත‍්‍රයට ආව අත්දැකීම් බහුල අය සිටිනවා. මට වඩා ඒ අයට ඉල්ලූම වැඩියි. මම මං ගැන පුරාජේරු පවසන්න කැමති නැහැ.

නිරන්තරයෙන් ඔබ ෆොටෝෂූට්වලට පෙනී සිටින්න ආසයි නේද?

නැහැ, ෆොටෝෂූට් එකකට අවස්ථාවක් ලැබුණාම, ඒ අවස්ථාව මුදල ගැන නොසිතා, නිර්මාණාත්මක සහ වෙනස් දෙයක් කිරීමට දායක වෙනවා. එතනදී ඒ ෆොටෝෂූට් එකේ රිද්මය මම ආදේශ කරගන්නවා. ෆොටෝෂූට් එකකින් ප‍්‍රකාශ කළ හැකි දේ බොහෝයි.

මේ විදියට ලැබෙන අවස්ථා එක්ක ආ මඟ අමතක වන චරිතයත් අප දැක තිබෙනවා. ඔබ කොහොම කෙනෙක්ද?

කාර්ය බහුල වීම සහ අපේම ගමනක් යද්දී යම් කිසි විදියකට මගහැරීම්, අතපසුවීම් වෙන්න පුළුවන් වෙනස එයයි. ඒ හැර මම එදා සිටි චුලක්‍ෂිම තමයි.

චුලක්‍ෂිට ජීවිතය දැනෙන්නෙ කොහොමද?

ජීවිතය අත්දැකීම් එක්ක දැනෙන විදිය වෙනස්. අද මගේ අම්මා තාත්තා වගේම පොඩි කාලයේ මාව හදාගත්ත ආච්චිත් අසනීප වෙලා. ඉතින් හිත හදාගන්න ජීවිතය දිහා ගැඹුරින් බලන්න වෙනවා. යථාර්ථය අවබෝධ කර ගන්න වෙනවා. ඒ සියල්ල දරාගෙන ජීවිතයට මුහුණ දිය යුතුයි. ජීවිතය කියන්නේ එය බවයි හැෙඟන්නේ.

හැඩගැන්වීම සහ විලාසිතා මිනෝෂාන් වනසිංහ

සටහන සහ ඡායාරූප - සඳුන් ගමගේ