අමල් වික්‍රමරත්න
 
ධීවර කටයුතු සඳහා මුහුදු ගිය මුලතිව් පොලිස් වසමේ මුලතිව් නයාරු ප්‍රදේශයේ  ධීවරයන් තිදෙනෙක් රැගත් බෝට්ටුවක් අතුරුදන් වී ඇතැයි  මුලතිව් පොලිසියට පැමිණිල්ලක් ලැබී ඇත.

මෙසේ අතුරුදන්ව ඇත්තේ හලාවත බංගදෙනියේ පදිංචි මිල්රාජ් මිරෙන්ඩා (50) , එමානුවෙල් මිරෙන්ඩා (48), රදන් මිරෙන්ඩා (24) යන අයවලුන් බව පොලිසිය සඳහන් කරයි.

අතුරුදන් පුද්ගලයන් සෙවීම සඳහා නාවික හමුදාවේ සහය ලබාගෙන ඇති අතර මුලතිව් පොලිසිය වැඩිදුර පරීක්ෂණ කටයුතු මෙහෙයවයි.

කාලගුණ විද්‍යා දෙපාර්තමේන්තුව ධීවර ප්‍රජාවට මුහුදු යාමෙන් වළකින්නැයි උපදෙස් දී තිබු අතර ධීවරයන් විශාල පිරිසක් ඊයේ (12) සහ අද (13) මුහුදු යාමෙන් වැලකී සිටි අතර එසේ මුහුදු යාමට අවශ්‍ය අයකුට නාවික හමුදාවෙන් අවසර ගත යුතුව ද තිබිණි.