සමහර නවක නිළියන් ප්රවීණයන්ට තියා, මාධ්ය වෙතවත් ගරු කරන්නේ නැති, ඔළු උදුම්මවාගත් අය කියලයි සමහරු කියන්නේ. නමුත් ඒ වගේ ඔළු උදුම්මාගත් නවක නිළියක් නොවූ නව පරපුරේ ශිල්පිණියක ලෙස "නෙතු ප්රියංගිකා" නම් කළ හැකිය. කලාව වෙතින් සමාජයට ලබා දිය යුතු නිහතමානීකම වගේම ගෞරව කරමින් කලා ක්ෂේත්රයේ ගමනක නිරත වන ”නෙතු” විමංසා එන කල් මග බලාගෙනලූ ඉන්නෙ? කවුද විමංසා?
”නෙතු” මොකද මේ ඔබට ”කිරි හොඳයි” කියලා කියන්නේ?
මේ දිනවල මම දායක වෙච්ච දැන්වීමක් නිසයි. ඒ දැන්වීමට අදාළ දෙබස නිසා තමයි එහෙම කියන්නේ.
එතකොට මාධ්යවේදිනියක් වෙන්න උත්සාහ ගන්නවා කියන්නේ?
නාලක තලගල අයියා අධ්යක්ෂණය කළ අලූත්ම නාට්යය නිර්මාණයෙහි මට මාධ්යවේදිනියකගේ චරිතයක් ලැබුණා. ඒ නිසා සැබෑ ජීවිතයේදී නැතත්, රංගනයේ දී මට ඒ වාසනාව ලැබීම සතුටට කරුණක්.
විමංසා, කවුද? ඇය එනතුරු ඇයි මග බලාගෙන ඉන්නේ?
"කණිෂ්ක බණ්ඩාර” නිර්මාණය කළ ටෙලි නාට්ය නිර්මාණයක්. මම විශ්වාස කරන්නේ, මේ චරිතය එනම් එහි රඟපෑ චරිතය මගේ ජීවිතයේ මෙතෙක් මට ලැබුණු හොඳම චරිතයයි. මේ නාට්ය විකාශනය වන තෙක් මට ඉස්පාසුවක් නැහැ. මම ආසාවෙන්ම රඟපෑ චරිතයක්.
ජීවිතයෙ අනෙක් කටයුතු කොහොමද?
විවාහයට සූදානම් විය යුතු කාලය එළැඹෙමින් පවතින බව දැන් මට දැනෙනවා. එළැඹෙන වසර දෙක ඇතුළත දී ජීවිතයේ ලොකු වෙනසක් වේවි.
බොහෝ නවක නිළියන් හරිම කාර්යබහුලයි නේද? ඔබත් එහෙමද? මොකද ඔච්චර කාර්යබහුල?
මම අනෙක් අය ගැන කියන්න දන්නෙ නැහැ. වාසනාවට මට පසුගිය කාලයේදී එක දිගට රංගන කටයුතු සහ වෙළෙඳ දැන්වීම් මෙන්ම මියුසික් වීඩියෝ සඳහාත් ආරාධනා ලැබුණා. ඒ වගේම නිරූපණ ක්ෂේත්රයේ වැඩ සඳහාත් කාර්යබහුල වුණා.
එහෙම නැතුව දැන් එන සමහර අලූත් නිළියන්ට හැදෙන ”හරි ගණං” රෝගය නිසා නොවෙයිද? ඇයි නවක නිළියන් ඔළු උදුම්මාගෙන කටයුතු කරන්නේ.
මාත් ඔය කතාව අහලා තියෙනවා. මාත් අලූත් පරපුරේ කෙනෙක් තමයි. නමුත් කෙටි කාලයක දී අවස්ථා බොහොමයක් ලැබුණා යැයි කියා මම එහෙම වුණේ නැහැ. ඉදිරියට වෙන්නෙත් නැහැ. කොහෙන් හෝ චරිතයක් ලැබී, ඒ නිසා මිනිස්සු එය පිළිගත්තාම, ඒක ආභරණයක් කර ගන්නෙ තියෙන මෝඩකමටයි. එක්කෝ වැඩ-වැඩ කියලා බොරු සෝබන කතා කියාවි. මේ විදියට හැමෝම කරන්නෙ නැහැ. ඉතා සුළු පිරිසක් එහෙම කරන්නේ. නමුත් ඒ නිසා හොඳට-නිහතමානීව කයටුතු කරන අයටත් එය අපහාසයක් වෙනවා. ජනප්රිය වීම එක්ක උඩඟු වීම තරම් මෝඩකමක් නම් තවත් නැහැ. ඒ අයගෙ පැවැත්ම තාවකාලිකයි.
ඇයි එවැනි තත්ත්වයක් නිර්මාණය වෙන්න ඇත්තෙ? ක්ෂේත්රයට ඒ වගේ අය ගෙනැල්ලා දාන අය නිසා නේද එහෙම වෙන්නෙ?
ඒකට මම එකඟ නැහැ. කලාවට ඒමට පෙර පිනක් තියෙන්න ඕනෑ. ඒ විදියට කවුරුහරි එතැනට පාර හදලා දුන්නාම, ඊට ගරු කරන්න ඕනෑ. සමහර වෙලාවට අද ගුණාත්මක කියන නිර්මාණ බිහිවන්නෙත් බොහොම අඩු ප්රමාණයක්. වැඩි හරියක්ම අද බලලා හෙට මතක නැති දේ වැඩි හරියක් නිර්මාණය වීම නිසාත් මේ වගේ දේ සිදුවනවා ඇති. කොතැනක හෝ වැරැද්දක් වෙලා තියෙනවා. ඒත් ඒ තැන කොතැනද දන්නෙ නැහැ. පිටරට නිර්මාණත් අපේ අය අද හරියට වැලඳගෙන. කොයි හැටි වෙතත් අපි අපේ කාර්යබාරය තේරුම් ගන්න ඕනෑ.
ක්ෂේත්රයේ පැවැත්ම උදෙසා මොන වගේ දේ කළ යුතුයි කියල ද හිතන්නෙ?
අපි මොන දේ කළත්, මම නම්, සෑම වැඩකින්ම අලූත් දෙයක් ඉගෙන ගන්න උත්සාහ ගන්නවා. මම සියයට සියයක්ම නිවැරදිව කළා කියලා කිසිම විටෙක හිතන්නේ නැහැ. හැබැයි අඩු තක්සේරුවෙන් හිතන්නෙත් නැහැ. මගේ අරමුණ තව වසර දහයකින් ලංකාවේ දක්ෂතම හොඳම නිළිය වීමටයි. ඒ යන ගමනේ දී වැටීම් තියේවි, නැගිටීම් තියේවි. මඩ වගේම ඕපාදූප හැම දෙයක්ම සිද්ධ වේවි. ඒත් මම ඒ සියල්ල වෙතින් පන්නරයක් ලබාවි. රංගනයෙන් යා හැකි උපරිම තැනට අත්දැකීම් ලබාගෙන ළඟාවීම මගේ ප්රතිපත්තියයි.
සටහන / ඡායාරූප - සඳුන් ගමගේ
අද (29) සිට පෘථිවියට නව සඳක් එසේත් නැතිනම් චන්ද්රයෙක් එක්වෙනු ඇති බවට තාරකා විද්යාඥයෝ පැහැදිලි කරති. මෙම නව සඳ කුඩා ග්රහකයකි.
ශ්රී ලංකා ක්රිකට් කණ්ඩායමේ ප්රධාන පුහුණුකරු ලෙස සනත් ජයසූරිය මහතා වසර කාලයක් සඳහා පත්කිරීමට ශ්රී ලංකා ක්රිකට් ආයතනය තීරණය කර තිබේ.
මුහුණු ආවරණය කරගෙන යතුරුපැදි දෙකකින් පැමිණි හතර දෙනකුගෙන් යුත් කඩු කල්ලියක් යාපනය, මනියම්තෝට්ටේ ප්රදේශයේදී බස් හිමියකු කඩුවලින් කපා කොටා පලාගොස් ඇ
ජනපතිවරණයේදී රනිල් වික්රමසිංහ මහතාට සහාය දුන් සියලු බලවේග ඒකරාශී කර ගනිමින් ඒකාබද්ධ පුළුල් සන්ධානයක් හදා මහ මැතිවරණයේදී ප්රබල විපක්ෂයක් ගොඩනඟන බ
ප්රභූ ආරක්ෂාව සදහා යොදවා සිටි පොලිස් නිලධාරීන් 1000 කට වැඩි පිරිසක් දිවයිනපුරා පිහිටි පොලිස් ස්ථානවලට තව දින දෙක තුනක් ඇතුළත අනුයුක්ත කරන බව පොලිස් මූල
පෙර පාසල් යාම ප්රතික්ෂේප කළ බව කියන පස් හැවිරිදි දැරියකට හැන්දක් රත්කොට ශරීරයේ හතර පොලක් පිලිස්සු බව කියන මවක මහනුවර කොට්ඨාශ ළමා හා කාන්තා කාර්යංශය ම
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
නෙතුට කිරි හොඳයිලු!