ඉන්දියාවේ තමිල්නාඩු නාගපට්නම් හි තිබු හිටපු එල්.ටී.ටී.ඊ. නායක වේළුපිල්ලෙයි ප්‍රභාකරන්ගේ පිළිරුව ඉවත් කිරීමට එරෙහිව විරෝධතාවයක නිරත වු එරට එම්.ඩී.එම්.කේ.පක්ෂ සාමාජිකයින් පිරිසක් අත්අඩංගුවට ගෙන ඇතැයි චෙන්නායි හි ශ්‍රී ලංකා නියෝජ්‍ය මහකොමසාරිස් කාර්යාල ආරංචි මාර්ග  පවසයි.

ඒ අනුව එරට පොලීසිය විසින් විරෝධතාවයේ නිරත වු එම්.ඩී.එම්.කේ. පක්ෂ සාමාජිකයින් 15 දෙනෙකු අත්අඩංගුවට ගෙන ඇත.

එම්.ඩි.එම්.කේ. පක්ෂයේ ප්‍රධාන ලේකම් වයිකෝ විසින්  නාගපට්නම් හි පිහිටි තමිල්නාඩු රජයේ කාර්යාලය ඉදිරිපිට මෙම විරෝධතාව සංවිධානය කර තිබු බව සඳහන්ය.

නාගපට්නම් පොයිගයිනල්ලූර් ප්‍රදේශයේ දේවස්ථානයක ඉදිකර තිබු ප්‍රභාකරන්ගේ පිළිරුව පසුගිය සෙනසුරාදා රාත්‍රි ආරක්ෂක අංශ විසින් ඉවත් කර තිබුණි.
තමිල්නාඩු රජයේ උපදෙස් මත අදාළ පිළිරුව ඉවත් කර තිබු බව  සඳහන්ය.