පළමු දකුණු ආසියානු වෙරළ (බීච්) ක්රීඩා උළෙල අද (8) හම්බන්තොට නගරයේ වෙරළ තීරයේ එම තරගාවලිය වෙනුවෙන්ම ඉදිකළ ක්රීඩාසංකීර්ණයේදී ආරම්භ වේ. තරගාවලිය මේ මස 14 වැනිදා අවසන් වීමට නියමිතය. තරගාවලියේ සමාරම්භක උළෙල අද පස්වරු 7.00 සිට ජනාධිපති මහින්ද රාජපක්ෂ මහතාගේ ප්රධානත්වයෙන් පැවැත්වේ. තරග ආරම්භ කරමින් අද රාත්රි විදුලි ආලෝකය මධ්යයේ වෙරළ වොලිබෝල් තරග පැවැත්වීමට නියමිතය. ක්රීඩා 10 කින් සමන්විත මෙම තරගාවලියට සහභාගි වී සඳහා රටවල් අටක් නියෝජනය කරමින් ක්රීඩක ක්රීඩිකාවෝ 500 ක ආසන්න සංඛ්යාවක් මේ වන විට ශ්රී ලංකාවට පැමිණ සිටිති. තරගාවලිය සඳහා හම්බන්තොට වෙරළ තීරයේ අලංකාර ක්රීඩාසංකීර්ණයක් ඉදිකර තිබේ. එහි ඉදිකර ඇති පැසිපන්දු පිටියට විශේෂ ස්ථානයක් හිමිවේ. සාමාන්ය පැසිපන්දු පිටියක හරි අඩකින් එනම් එය මීටර 15-14 ප්රමාණකින් යුක්තවේ. වැලි තලාව මත අගල් තුනක පමණ උස, අගල් 3-3 ප්රමාණයේ කොන්ක්රිට් කැබලි අතුරා ඊට උඩින් අලංකාර ප්ලාස්ටික් අතුරණයක් එලා තිබේ. එම කොන්ක්රිට් කැබැල්ලක් කිලෝග්රෑම් 25 ක් පමණ බරකින් යුත් බව ද සේවකයෝ පැවසූහ. එම ප්ලාස්ටික් අතුරණය අන්තර්ජාතික පැසිපන්දු සම්මේලනයේ (FIBA) නියෝජිතයකු ශ්රී ලංකාවට රැනෙවිත්, සවිකර තිබේ. මෙවැනි පැසිපන්දු ක්රීඩාංගණයක ශ්රී ලංකාවේ තරග පැවැත්වෙන පළමු අස්ථාව ද මෙය වේ. මෙම තරගාවලියේදී පැසිපන්දු කණ්ඩායමකට ක්රීඩකයන් සිවුදෙනකු ඇතුළත් වන අතර වරකට තිදෙනකුට ක්රීඩා කිරීමේ අවස්ථාව හිමිවේ. මෙහිදී ඇතැම් සාමාන්ය පැසිපන්දු නීති රීති වෙනස් කර තරග පැවැත්වෙන බව ද ශ්රී ලංකා පැසිපන්දු පිලේ නිලධාරියකු ‘ලංකාදීප’යට පැවසීය. තරගාවලියට සහභාගි වන ශ්රී ලංකා කණ්ඩායම් ඊයේ (7) පුහුණුවීම් සැසිවලට සහභාගි වූහ. ආරක්ෂක අංශ සාමාජිකයන්, හම්බන්තොට බන්ධනාගාරයේ රැදවියන් ඇතුළු සේවකයෝ ක්රීඩාසංකීර්ණය ඉදිකිරිමේ කටයුතුවල ඊයේ (7) නිරතව සිටියහ. මෙම තරගාවලියට පැසිපන්දු, පාපන්දු, අත්පන්දු, කබඩි, දැල්පන්දු, වොලිබෝල්, ජීවිතාරක්ෂක, පිහිනුම් (පිරිමි), රුවල් ඔරු සහ වින්ස්කේටින් යන ක්රීඩා ඇතුළත් වේ. තරගාවලියේ සමාප්ති උළෙල කථානායක චමල් රාජපක්ෂ මහතාගේ ප්රධානත්වයෙන් මේ මස 14 වැනිදා පැවැත්වේ. හම්බන්තොටදී ඊයේ (8) පස්වරුවේ පැවැති මාධ්ය හමුවේදී ක්රීඩා අමාත්යවරයා පැවසුවේ ක්රීඩා උළෙල සඳහා සියලූම කටයුතු සූදානම් බවයි.
තලවකැලේ , මඩකුඹුර වත්තේ ගසක නැග අතු කැපිමට ගිය පුද්ගලයෙකුට ගස මත සිටියදි එල්ල වු බඹර ප්රහාරයකින් ගස මතින් පහලට ඇද වැටි ජිවිතක්ෂයට පත් වි ඇති බව තලවකැලේ
ජනාධිපති අපේක්ෂකයකුගේ ජයග්රහණය උදෙසා එම පක්ෂයේ ආධාරකරුවකු විසින් ඔහුගේ ආයතනය තුළ රැස්වීමක් පැවැත්වීම සම්බන්ධයෙන් වෙනත් පක්ෂයක ආධාරකරුවකු බැන තර්
සැමියා පැදවූ ත්රීරෝද රථය අනතුරකට ලක් වී පෙරළීමේදි එහි සවිකර තිබූ හුඩ් ට්රක් එක බිරිඳගේ හිසේ ඇනීමෙන් සිදුවූ අනතුරකින් බරපතල තුවාල ලබා රෝහල්ගත කළ බිර
මා කුඹුර බහුවිධ ප්රවාහන මධ්යස්ථානය හරහා ඡන්දය ප්රකාශ කිරීමේ අරමුණින් ගම්බිම් බලා යාමට පැමිණි දහස් සංඛ්යාත පිරිසකට ප්රමාණවත් බස් රථ නොමැති වීමෙ
නිවිතිගල, දෑල ප්රදේශයේ එක්සත් ජාතික පක්ෂ ආධාරකාරිනියකගේ නිවෙසට ඇතුළු වූ නාදුනන පුද්ගලයන් 6 දෙනකු නිවෙසේ තිබූ ඡන්ද කාඩ් පත් 3 ක් බලෙන් රැගෙන ගොස් ඇති බව
මොනරාගල ළමා නිවාසයක දැරියන් දෙදෙනෙකු ළමා නිවාසයෙන් පැනගොස් ඇතැයි මොනරාගල පොලීසිය පවසයි.
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
පළමු දකුණු ආසියානු වෙරළ ක්රීඩා උළෙල උස්සවත්ශ්රීයෙන් අද හම්බන්තොටදී ඇරඹේ