2024 සැප්තැම්බර් මස 28 වන සෙනසුරාදා
2024 සැප්තැම්බර් මස 28 වන සෙනසුරාදා
රංග ශිල්පිණී නයනා කුමාරිටත් හිතෙන්නෙ හරි අපූරු වැඩ කරන්නයි. ඔන්න, දැන් එයත් සූදානම් වන්නෙ ප‍්‍රසංගයක් ඉදිරිපත් කිරීමටලූ. නයනා මේ කරන්න සූදානම් වන අලූත් වැඬේ මොකක්ද? ස්නේහා (හිරු) රිදීපහන් (දෙරණ) දිරියදෝණි (රූපවාහිනිය) නාට්‍ය සමඟ ආලින්දයට එන නයනා ඒ ගැන සහ ඇයගෙ අනෙකුත් වැඩ කටයුතු ගැන විස්තර කිව්වෙ මේ විදියටයි.
නයනා ඔක්කෝටම කලින් කිව්වොත්, ස්නේහා, රිදීපහන් සහ දිරියදෝණි චරිත අතරින් ඔබ කැමතිම චරිතය මොකක්ද?
මේ චරිත එකිනෙකට හරි වෙනස්. ඒ අතරින් දිරියදෝණි චරිතය මට අමුතුම අත්දැකීමක් වුණා. මොකද මම එහි රඟපාන්නෙ වින්නඹු මාතාවකගේ චරිතයක්. ඒ විදියට විවිධාකාර වූ හොඳ චරිත තමයි මට නිරන්තරයෙන්ම ලැබුණේ. ඒ හින්දාම මේ දක්වා ආපු ගමන ගැන හරිම තෘප්තිමත් වෙනවා.
ඔබ වඩා කැමති මොන නමටද?
කුමාරි කියලත් සමහරු කියනවා. නයනා කියලත් කියනවා. සැමියා සුමිත් නම් කියන්නෙ ”නයෝ” කියලයි.
මොකක්ද ”නයනා” මේ කරන්න හදන අලූත් වැඩය?
මගෙයි - ගයාත‍්‍රිගෙයි කාලයක් හිතේ තිබුණු ආසාවක් ඉදිරිපත් කරන්නයි මේ සූදානම. බොහෝ වෙලාවට අපි දකින්නෙ නළු නිළියන්, ගායක - ගායිකාවන්, එයාලගෙ විවිධාකාරවූ දක්ෂතා ඉදිරිපත් කරන අවස්ථා. නමුත් එයාලව වගේම සමාජයේ බොහෝදෙනා හැඩකරන රූපලාවන්‍ය ශිල්පී, ශිල්පිණියන් එයාලගෙ අනෙකුත් දක්ෂතා ඉදිරිපත් කරනවා අපි දැකලා තිබුණෙ නැහැ. එයාලටත් ලස්සනට නටන්නට, ගයන්නට, වයන්නට පුළුවනි. ගයාත‍්‍රියි - මමයි රූපලාවන්‍ය ක්‍ෂේත‍්‍රයට සම්බන්ධ අය. ඉතින් අපට මේ අදහස ඇවිත් ටික කාලයක් වෙනවා. දැන් අපි සූදානම් වන්නෙ මේ රූපලාවන්‍ය ක්‍ෂේත‍්‍රයේ නමක් දිනූ 75 දෙනෙක් පමණ සහභාගී වන ප‍්‍රාසාංගික ප‍්‍රසංගයක් කිරීමටයි. ඒක තමයි අපි දෙන්නගෙ අලූත්ම කටයුත්ත. එළැඹෙන ජූලි හෝ අගෝස්තු වලදී මේ ප්රසංගය කොළඹ දී පැවැත්වීමට දැන් කටයුතු සූදානම් කරමින් සිටින්නෙ.
කලාව හැර පුද්ගලික ජීවිතයේ විස්තර කිව්වොත්?
සුමිතුයි මායි පුතයි. අපේ කැදැල්ල පුංචියි. පුතාට දැන් අවුරුදු 9 යි. ශිෂ්‍යත්ව විභාගයට සූදානම් වෙනවා. පුතා ශිෂ්‍යත්වයට සූදානම් වෙනකල් මම කොළඹින් පිට කලා කටයුතු වලට නොගිය තරම්. ඉතා හොඳ අවස්ථා ලැබුණත් ඒ වැඩ වලින් ඈත්වෙලා හිටියා. ඒත් දැන් පුතා ලොකු නිසා ටික ටික වැඩවලට මම සම්බන්ධ වෙනවා.
නයනා ”හරි හැඩවෙලා” කියලා බොහෝ අය කියනවා නේද?
මම සැලෝන් එකේ වැඩත් එක්ක නියැලී සිටින නිසා අනෙක් අය ලස්සන කරන අතරේ පෙරට වඩා දැන් මම මගේ ගැනත් හිතනවා. අපි එහෙම හිටියොත් තමයි තව කෙනෙකුටත් එහි අගය තේරුම් කර දෙන්න පුළුවන්. අනික් අය ලස්සන කරන්න නිහඬව ලොකු සේවයක් කරනවා කියලා හිතනවා.
මේ විදියට ඔබ ලස්සන වෙන්නෙ එයින් වෙළඳ වටිනාකමක් ලබාගන්නද?
රූපය ගැන හිතන්නට පෙර මම මගේ නිරෝගීකම ගැන හිතන්න වෙනවා. මූලිකවම මම හිතන්නෙ ඒ ගැනයි.
ඔබ මොන දේ කළත්, ගයාත‍්‍රිවත් එකතු කරගෙන තමයි, කරන්නෙ. ඇයි ඒකට හේතුව?
ගයාත‍්‍රි මගේ හොඳම මිතුරියක්. ඒ මිත‍්‍රත්වයට අවුරුදු 16 ක් විතර වෙනවා. මේ යාළුකම එක්ක අපි දෙන්නට දෙන්නගෙ පවුල් ජීවිත වගේම වෘත්තීය ජීවිතත් සාර්ථක කරගන්න පුළුවන් වුණා. මගේ දැනුම එයා ලබාගත්තා. එයාගෙ දැනුම මම ලබාගත්තා. අපි දෙන්නගෙම දැනුම අත්දැකීම් මුසු කරලා අපි වෘත්තීයට එය ආලෝකයක් කරගත්තා. රටේ මිනිස්සු ඒකයි අපි දෙන්නගෙ මිත‍්‍රත්වය ගැන කතා කරන්නෙ.
හොඳ ගැන විතරමද රටේ මිනිස්සු කතා වන්නෙ?
හොඳ දේ හොඳමනේ. කොහේ හරි උත්සවයක් තියෙනවා නම් අනිවාර්යයෙන්ම අපි දෙන්නට ආරාධනා ලැබෙනවා. රටේ ඉහළම පෙළේ උත්සව වලට අපට ආරාධනා ලැබෙනවා. කාන්තාවන් ලෙස අපි අනෙක් අය අගය කරමින් සමාජයට යමක් දුන් නිසා නේද එහෙම වෙන්නෙ. මිත‍්‍රත්වයේ ශක්තියෙන් මොන තරම් දේ කළ හැකිද?
ඇයි දෙන්නම එකට රඟනොපාන්නෙ?
මුලදී අපට එහෙම අවස්ථා ලැබුණා. නමුත් පසුව දෙදෙනාම නාට්‍ය බාරගන්නා විදියට කාලය හරස් වුණා. නමුත් මෑතකදීත් ”පබළු” නාට්‍යයේ අපි දෙන්නටම කතා කරලා තිබුණා. ඇත්තටම අවස්ථා ලැබුණොත් අපි බාර ගන්නවා.
අලුත් වැඩියා කටයුත්තක් සහ නිරීක්‍ෂණ කටයුත්තක් සඳහා බෝතැන්න ජලාශයේ ජලය ඉවත් කරන නිසා අබන් ගඟ දෙපස ජනතාව දැඩි විමසිලිමත් වන ලෙස බෝතැන්න ජලාශ භාර ඉංජිනේ
ඉදිරි මහ මැතිවරණයේදී බහුතර මන්ත්‍රී සංඛ්‍යාවක් දිනා ගැනීම සඳහා පොදු සන්ධාන පිහිටුවා ගැනීමට දේශපාලන පක්ෂ නම්මා ගැනීමේ විශේෂ මෙහෙයුමක් එක්සත් ජාතික ප
ප්‍රදේශයට පැවති වර්ෂාවත් සමග අද සවස හැමූ සුළඟකින් වලස්මුල්ල හා ඕකවෙල ප්‍රාදේශීය ලේකම් බල ප්‍රදේශවල ගම්මාන රැසක ගස් කඩා වැටීම් රැසක් සිදුව ඇති බව ආපදා
ඊශ්‍රායල හමුදාව, වසර 30 ක් තිස්සේ ලෙබනන් හිස්බුල්ලා සංවිධානයේ නායක හසන් නසරැල්ලා ඝාතනය කර ඇත.
ඇලයාපත්තුව පොලිස් වසමේ අංක 304,ගල්කඩවල,මල්වතු ඔය,ඇනිකට් එක යට තිබු ටී 56 වර්ගයේ ජීව පතුරම් 120 ක් සහිත මැගසින් හතරක් ඇලයාපත්තුව පොලිසිය විසින් අද(28) සිය බාරයට
කොළඹ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේ 25 වන වරටත් පැවැත්වෙන ’’කොළඹ ජාත්‍යන්තර පොත් ප්‍රදර්ශනය’’ සඳහා ජනාධිපති අනුර කුමාර දිසානායක
2024 සැප්තැම්බර් මස 21
234
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
772
1
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
274
0
ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
‘මගේ දැනුම එයාට එයාගෙ දැනුම මට’
මාතර මල්ලී Tuesday, 21 April 2015 05:40 PM
අපිනොදන්න හක්කපටස් මොනවා කියන්න ද ? (ස)
කුමාරිහාමි Sunday, 03 May 2015 11:03 AM
යාල් දේවි, උදය දේවි තිබුණට රුක්මනී දේවි කියා දුම්රියක් තිබුණේ නැහැ. පොඩි මැණිකේ, උඩරට මැණිකේ තිබුණට අත්තනායක මැණිකේ කියා දුම්රියක් නැහැ. නයනා කුමාරි තමයි තමන්ගේ නමින් දුම්රියක් නම් කර ගත් පළමු නිළිය. (ත)
පොඩිසේන Friday, 24 April 2015 04:09 AM
අනේ නයනා, අපේ අය හොයන්නෙම අනුන්ගේ දේවල්. පද හදන එකට වැඩිය දෙයක් නැහැනේ. ඔය දේවල් වලට ඔයා සැළෙන්න එපා. ඔයා කරන්න යන වැඩෙත් ලස්සනට කරන්න ලැබේවා කියා සුබ පතනවා! (නි)
සරෝ Monday, 27 April 2015 01:46 AM
අද කාලයේ හොඳ පවුල් ජීවිතයක් තියෙන්නේ නිලියන් කීයෙන් කී දෙනෙකුටද ? හැබයි නිලියන් කියන්නේ අනිත් අයත් එහෙමයි අපි නිලියෝ නිසා අපිව හයි ලයිට් වෙනවා කියලා. තමන් වයසට ගිහින් දත් ටික හැලිලා කෙස් ටික වැටිලා හම රැලි ගැහුනාම වැඩි විය පත් දරුවන් තමන්ගේ අතීතය දැනගෙන තමන්ට දෙන්න ඕන ගරුත්වය සැලකිල්ල නොදුන්නාම තමයි තරු පේන්නේ. (නදී)
දිනේෂා Monday, 04 May 2015 12:47 PM
අනුන්ගේ ඕපාදුප ගැන මෙච්චර කතාකරන බොහෝ දෙනෙක් තමන්ගේ වැරදි දකින්නේ නැහැ. (නි)
දුලාන් Wednesday, 22 April 2015 09:57 AM
හොඳ චරිතාංග නිළියක ලෙස කලින් මෙයා ගැන තිබුන පැහැදීම දැන් මගේ නැහැ . කලා කරුවන් සමාජයට පුර්වාදර්ශයක් විය යුතුයි. (ම)
චන්ද්‍රසිරි Wednesday, 22 April 2015 10:14 AM
නිළියකට කතාවක් නොඅහා වැඩ කරන්න අමාරුයි. (ස)
රමණි Tuesday, 21 April 2015 11:38 AM
මම කැමතිම නිලියක් (ස)
සංදීප් Thursday, 30 April 2015 12:26 PM
ඔබ තවමත් සුන්දරයි (නි)
එනොක් Friday, 08 May 2015 05:46 AM
ඊර්ෂියාව කාලය කා දමයි (බ)
අමර Wednesday, 29 April 2015 12:15 PM
හොඳ වැඩ කාරියක්.(හේ)
හරේන්ද්‍ර Tuesday, 21 April 2015 12:20 PM
මෙය ගැන නම් කවර කතාද? (ර)
නිවන්තක Friday, 24 April 2015 11:40 PM
හොඳයි හොඳයි නගෝ... (නි)
සුදත් Monday, 11 May 2015 04:28 PM
පෞද්ගලික ජීවිතය ගැන නම් මට අදාළ නැහැ. හැබැයි රංගනය නම් ලස්සනයි. සුබ පතනවා (නි)
උමේෂ් Wednesday, 22 April 2015 06:11 AM
සමහරු බත්තරමුල්ලටත් එහා ස්ථිර පදිංචි වෙලා ඉඳන් රාජකීය විදුහලට ළමයි දමා ගන්නවා. (ස)
රවී Wednesday, 22 April 2015 06:17 AM
එයාගෙන් සතුට මට මගෙන් සතුට එයාට (ස)
කසුන් Wednesday, 22 April 2015 06:28 AM
වෙල්ගම කොහොමද දන්නේ නෑ මෙයාට කතා කරන්නේ? නයෝ කියලද (බ)
එෂාන් Friday, 24 April 2015 02:20 PM
ප්රසංගය විවෘත කරන්නේ කවුද දන්නෙ නැහැ (නි)
ජයසුන්දර Tuesday, 21 April 2015 04:05 PM
නරකම ..නෑ...තාම ..තරගයක් දෙන්න පුළුවන්...ඇයි වෙල්ගම පසුබැහල ගියේ (බ)
සමාධි Thursday, 23 April 2015 09:21 AM
අනේ මන්දා ඇති දේකුත් නෑ බලද්දි. ගින්නක් නැතුව දුමක් නගින්නේ නැහැ කියනවානේ. වෙල්ගම යන්නේම නයනා කුමාරි දුම්රියේ කියන කතාවෙත් මොකක් හරි ඇත්තක් ඇති...(ම)
පැමිලා Sunday, 26 April 2015 03:50 AM
පහුගිය අවුරුදු කාලයේ නුවර එළියේ ග්රෑන්ඩ් හෝටලයේ කාමර වෙන් කරගන්න ගිහින් ඇති වුන ප්‍රශ්නය හොඳින් විසඳුනා නේද ? (බ)
කුෂානි Sunday, 26 April 2015 04:03 AM
නිලියන් කියන ජාතිය ඉන්න පැත්ත පළාතකට තමන්ගේ මහත්තයව නම් එක්ක යන්න හොඳ නැහැ. පිරිමියෙක් ලඟින් ගියත් පොකට්ටුවට තට්ටු කරන හැටි ප්‍රගුණ කළ කට්ටිය. තරහ වෙන්න එපා ලිව්වාට. මගේ මිතුරියකගේ පවුල කැඩෙන්න ගිහින් අනු නමයෙන් බේරුනේ. බැංකු කළමනාකර මහත්තයා එක්ක අසල්වැසියෙකුගේ පාටියකට ගියාම එතන හිටපු නිලි කෝලමක් මහත්තයා වැඩ කරන බැංකු ශාඛා ව දැනගෙන දිගට හරහට නිවාස ණයක් ගැන කිය කිය අවේලාවේ ත් කතා කරන්න පටන් ගත්තාලු. එනපොට හරි නැති බව දැනගෙන, තමන්ට මින්පසු මේ ගැන රාත්‍රියේ කතා කරන්න අවශ්‍ය නැති බවත් රාජකාරි වෙලාවේ බැංකුවට ඇවිත් කෙලින්ම ණය දෙන නිලධාරියාව හම්බුවෙන්න , එයාව දැනුවත් කරන්නම් කියලා. අද වෙනකන් ඔය කියපු ණය ගැන කතා කරන්න නිළිය බැංකුවට ඈවිල්ලා නැහැ. ඔන්න සමහර අයගේ වැඩ (බ)
නිලන්ත Sunday, 03 May 2015 06:18 AM
තනි තටුවෙන් පියාඹන්න බැහැනේ (නි)