මගුල් දා මනාලයා තනිකර මනාලිය නැන්දම්මාගේ නිවසට රැගෙන ගොස් රැයක් ගත කළ මස්සිනාට කෑගල්ල මහාධිකරණ විනිසුරු ගාමිණී අමරසේකර මහතා වසර 7ක සිර දඬුවමක් හා රුපියල් 10,000ක දඩයක්ද, මනාලියට රුපියල් 50,000ක වන්දියක්ද ගෙවන ලෙස නියෝග කළේය.

2002 ජනවාරි 30 වැනිදා නව යුවළ මධුසමය ගත කිරීමට හෝටලයකට ගොස් සිටියදී එහි පැමිණි විත්තිකරු ඔහුගේ බිරියට (මනාලියගේ සහෝදරියට) අසනීපවී රෝහල් ගත කළ බව කියා දෙදෙනාම රෝහල ළඟට රැගෙන ගොස් ඇතැයිද කෑම පැකට්ටුවක් ගෙන ඒමට මනාලයා කඩයකට යවා මස්සිනා මනාලියද රැගෙන නැන්දම්මාගේ ගෙදර ගොස් එහිදී ඇය දූෂණය කර ඇතැයි කියති. මනාලයා මනාලිය සොයා නගරයේ ඇවිද බැරිම තැන පොලිසියේ පැමිණිල්ලක් කර ඇත.