මහනුවර බෝගම්බර ක්රීඩාංගණයේදී පැවැති ‘ශ්රීමත් ජෝන් ටාබට්’ කනිෂ්ඨ මලල ක්රීඩා උළෙලේ (2011) සමස්ත බාලක ශූරතාව මීගමුව මාරිස්ටෙලා විදුහල විසින් දිනා ගන්නා ලදී. සමස්ත බාලිකා ශූරතාව කෑගල්ල ශාන්ත ජෝශප් බාලිකා විදුහල් ක්රීඩිකාවෝ දිනා ගැනීමට සමත් වූහ. ශූරතාව සඳහා මාරිස්ටෙලා විදුහල ලකුණු 92 ක් ලබා ගත් අතර ශාන්ත ජෝශප් බාලිකා විදුහල ලකුණු 71 ක්ද ලබා ගත්තේය. සමස්ත බාලක අනුශූරතාව වත්තල ලයිසියම් ජාත්යන්තර පාසල (71) ද, බාලිකා අනු ශූරතාව මීගමුව ආවේමරියා කන්යාරාමය (58) ද, හිමිකර ගත්තේය. කොළඹ රාජකීය විදුහල (64) සහ කොළඹ මියුසියස් විදුහල (55) පිළිවෙලින් බාලක සහ බාලිකා තෙවැනි ස්ථාන හිමිවිය. ක්රීඩා උළෙලේ දක්ෂතම ක්රීඩකයා ලෙස වයස 15 න් පහළ කවපෙත්ත විසිකිරීමේ ඉසව්වේදී (බාලක) මීටර 45.64 ක් වාර්තා කළ වෙන්නප්පුව තල්දෙන ශාන්ත රීටා විදුහලේ ඩබ්ලිව්. ඒ. එම්. මධුශංඛ සම්මාන හිමිකර ගත්තේය. වයස 15 න් පහළ මීටර 400 ඉසව්ව (බාලිකා) තත්පර 60.1 කින් නිම කළ තල්පේ සුගතානන්ද විදුහලේ පී. ජී. ඩබ්ලිව්. මධූෂිකා දක්ෂතම ක්රීඩිකාව ලෙස සම්මාන හිමිකර ගත්තාය. තරගාවලියේදී තරග වාර්තා දෙකක් බිහි විය. එහිදී පළමු නව තරගාවලි වාර්තාව පිහිටුවීමට වයස 15 න් පහළ උස පැනීමේ ඉසව්වේදී රාජගිරිය ගේට්වේ ජාත්යන්තර පාසලේ එන්. එම්. පී. උදාන්ත බණ්ඩාර සමත් විය. එහිදී උදාන්ත මීටර 1.82 ක් වාර්තා කරමින් වසර 16 ක් පැරණි වාර්තාව බිද හෙළීය. එම ඉසව්වේ පැරණි වාර්තාව 1995 වසරේ මීගමුව මාරිස්ටෙලා විදුහලේ ඩබ්ලිව්. පී. එම්. ප්රියමාල් ඩයස් මීටර 1.81 ක උස පනිමින් පිහිටුවා තිබුණි. වයස 15 න් පහළ මීටර 400 ඉසව්ව තත්පර 54.2 කින් නිමකළ කුලියාපිටිය මැදි මහ විදුහලේ ඩබ්ලිව්. බී. එම්. අයි. මිහිරංග මෙවර තරගාවලියේ දෙවැනි නව තරගාවලි වාර්තාව ලෙස වසර 22 ක් පැරණි වාර්තාව බිද දැමීමට සමත් විය. මෙහි පැරණි වාර්තාව 1989 වසරේ මහනුවර ශාන්ත අන්තෝනි විදුහලේ එල්. ඞී. පී. දෙලූම්ගහවත්ත (තත්. 56.6) පිහිටුවා තිබුණි. වර්ෂාවෙන් ඇති වූ බාධා නිසා පළමු දින තුනේදී සුපුරුදු දස්කම් වලට එමින් නව තරගාවලි වාර්තා පිහිටුවීමට ක්රීඩක ක්රීඩිකාවන්ට අවස්ථාව අහිමිවිය. නෙස්ලේ ලංකා සමාගමේ ‘මයිලෝ’ අනුග්රාහය දැක්වු මෙම තරගාවලිය 42 වැනි වරටත් ශ්රී ලංකා පාසල් මලල ක්රීඩා සංගමය මෙහෙයවීය.
ජනාධිපති අනුර කුමාර දිසානායක මහතාගේ ආරාධනයකට අනුව මෙරටට පැමිණි ඉන්දියානු අග්රාමාත්ය ශ්රී නරේන්ද්ර මෝදි මහතා අද (05) පෙරවරුවේ ජනාධිපති කාර්යාලයට ප
ශ්රී ලංකාවේ නිල සංචාරයකට පැමිණි ඉන්දීය අග්රාමාත්ය නරේන්ද්ර මෝදි මහතා මහත් අභිමානවත් හරසර මධ්යයේ කොළඹ නිදහස් චතුරස්රයේදී ශ්රී ලංකාව වෙත පිළි
ශ්රී ලංකාවට පැමිණීමෙන් පසු ඉන්දීය අග්රාමාත්ය නරේන්ද්ර මෝදි මහතා සිය එක්ස් ගිණුමේ විශේෂ සටහනක් තබා තිබේ.
ශ්රී ලංකාවේ නිල සංචාරයකට පැමිණි ඉන්දීය අග්රාමාත්ය නරේන්ද්ර මෝදි මහතා පිළිගැනීමට මේ වන විට සියලු කටයුතු සූදානම්ව පවතී.
ඌරගස්මංහන්දිය බෙලිගස්වේල්ල ප්රදේශයේදී මීට සුළු වේලාවකට පෙර සිදු කළ වෙඩි තැබීමකින් 56 හැවිරිදි පුද්ගලයකු තුවාල ලබා ඇතැයි පොලිසිය කියයි.
ඉන්දීය අග්රාමාත්ය නරේන්ද්ර මෝදි මහතා මීට සුළු වේලාවකට පෙර ශ්රී ලංකාවට පැමිණියේය.
නව්යකරණයෙන් පිරිපුන් හෘද්යාංගම මූල්ය සේවාවක නියැලෙමින් ශ්රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්යක්ෂකවරයෙක් තමයි ජෝ දිසානායක. Hello Dada අධ්යකෂණය සිදු කරන්නේද ඔහු විසින්ම. බොහෝ ජනප්රිය
ප්රයිම් සමූහය ශ්රී ලංකාවේ දේපළ වෙළඳාම් ක්ෂේත්රයේ පෙරළියක් සිදුකරමින් නව ගෙවීම් ක්රමවේදයක් හඳුන්වා දීමට පසුගියදා කටයුතු කළේ ය.
මාරිස්ටෙලා - කෑගල්ල ශා. ජෝශප් බාලිකා ජෝන් ටාබට් කනිෂ්ඨ මලල ක්රීඩා ශූරතා දිනති