මහින්ද - මෛත්‍රී එකතු වෙනවා-මුතුහෙට්ටිගම

(අමල් වික්‍රමරත්න)

මහින්ද - මෛත්‍රී එකතු වී එක ලැයිස්තුවකින් මැතිවරණයට එන බවට තමන් විශ්වාසයෙන් ප්‍රකාශ කරන බව වරාය හා නාවික කටයුතු නියෝජ්‍ය අමාත්‍ය නිශාන්ත මුතුහෙට්ට්ගම මහතා පවසයි.

“පළාත් පාලන මැතිවරණයේදී ශ්‍රී ලංකා නිදහස් පක්ෂයෙන් ලැයිස්තු දෙකක් නෑ.අපි ශ්‍රී ලංකා නිදහස් පක්ෂය කියන්නේ බණ්ඩාරනායක මහත්තයාගෙන් එන ශ්‍රී ලංකා නිදහස් පක්ෂය.ඒකාබද්ධය කියන්නේ ශ්‍රී ලංකා නිදහස් පක්ෂයෙන් ගැලවිලා ගිය කොටසක්.අපි දෙගොල්ල එකතුවෙලා එක ලැයිස්තුවකින් මැතිවරණයට එනවා“

ඒ මහතා මේ බව පැවසුවේ අද (21) ගාල්ලේදී පැවති මාධ්‍ය හමුවකට එක්වෙමිනි.

“අපි දෙගොල්ල එක ලැයිස්තුවකින් ඇවිල්ලා රටේ ප්‍රාදේශීය සභා සියල්ල ජයග්‍රහණය කරනවා.කවුරු හරි කියනවානම් ඒක බොරු කියල ඕන ඔට්ටුවකට මම ලෑස්තියි.අපි කැපවෙලා කටයුතු කරනවා.අපි ආරාධනා කරනවා අද ඉඳලා එළැඹෙන පළාත් පාලන මැතිවරණයේ නාමයෝජනා හදන්න අපිට අමාරු නෑ.දෙපැත්තට බෙදිලා ගියපු අපේ කණ්ඩායම් දෙක එක කණ්ඩායමක් විදියට ඒකරාශී කරන ඵෙතිහාසික මොහොත අද එළැඹිලා.කෙටි කාලයක් මත ගැටුම් තිබුණට අද ඒවා අවසන් කරලා අපි ලෑස්තියි තනි ලැයිස්තුවකින් තරග කරන්න.පක්ෂයේ ජ්‍යෙෂ්ඨයන් මේ වන විටත් සාකච්ඡා ආරම්භ කරලා තියෙනවා

අපි පැහැදිලිවම එක අම්මගේ දරුවෝ. නිදහස් පක්ෂය රැකගැනීමටයි අපිට අවශ්‍ය.අපි දෙගොල්ලන්ටම තනි තනිව ගමනක් නෑ.මහින්ද රාජපක්ෂ මහතා නොමැති ශ්‍රී ලංකා නිදහස් පක්ෂය පාළුයි.ඒක දෙගොල්ලන්ම තේරුම් අරන් තියෙනවා.අසරණ පළාත් පාලන අපේක්ෂකයින් බිල්ලට දෙන්නේ නැතුව ඔවුන්ව ජයග්‍රහණය කරවන්න කටයුතු කරමු.“යැයි ඒ මහතා ප්‍රකාශ කරයි.

අදහස් (19)

මහින්ද - මෛත්‍රී එකතු වෙනවා-මුතුහෙට්ටිගම

Waco Thursday, 21 September 2017 07:23 AM

ඔයා කොහෙද අනේ මෙච්චර කල් හිටියේ?

: 0 64

ravindra Thursday, 21 September 2017 07:31 AM

මහින්ද මහතාගේ ණය කාරයෝ.. ඇත්ත තමයි මෙයාලට මහින්ද නැතුව ගැලවීමක් නැහැ.

: 20 72

tuan Thursday, 21 September 2017 08:14 AM

ඩීල් එකක් ගහන්නයි බලන්නේ.... හා හා බලාගෙනයි.

: 0 19

jiffri Thursday, 21 September 2017 08:28 AM

එසේ නම් පොහොට්ටුවට කුමක් වේද?

: 1 68

LapayaThursday, 21 September 2017 08:54 AM

පොහොට්ටුව හොඳට පිපෙයි. දැන් යන එන මං නැහැ.

: 41 31

rama Thursday, 21 September 2017 08:33 AM

එක ලැයිස්තුවේ තමයි හිටියේ, මේ අයනේ ගිහිල්ලා අලියාගේ වල්ගේ එල්ලුණේ...

: 2 80

Senarath Thursday, 21 September 2017 08:44 AM

පසුගිය ඡන්දේදිත් අපි බලාපොරොත්තු වුණේ මහින්ද මහත්තයා වෙනම පක්ෂයකින් ඉල්ලාවි කියලා එහෙම නොකරපු එකෙන් වුණුදේ පැහැදිලිව තියෙද්දී නැවත නිකමුන් එක්ක මොනවට එකතුවෙනවද?

: 41 72

sahan Thursday, 21 September 2017 08:52 AM

හෙට්ටිගම මහතා කියනවා නම් අපි ඔන්න ඔහේ විශ්වාස කරමු. මොකද මොලේ අමාරුවක් නැහැ කියලා මෙඩිකල් ටෙස්ට් එකෙනුත් පාස් වුණානේ... එතකොට දැන් ඔය කතාව කිව්වේ අර වෙලාවකදීද?

: 1 11

mexy Thursday, 21 September 2017 08:53 AM

කවුරු එකතු වුණත් රට දියුණු වෙන්නේ නැත. ඔය පක්ෂ දෙක තියනකම් රට හැදෙන්නේ නෑ... අපිට විප්ලවයක් ඕනෑ.

: 9 27

Supun Thursday, 21 September 2017 08:58 AM

අර අහිංසකයෝ ගොඩක් එක්ක හිටපු බඩා නේද මේ? ලැජ්ජාවක් නැතුව පම්පෝරි ගහන හැටි විතරක්...

: 0 33

පිටිගල මිලානෝ Thursday, 21 September 2017 09:12 AM

බීමතින් හෝටල් කාමරයක් තුළ නටන ඡායාරූප අන්තර්ජාලයේ තිබෙනවා.

: 153 205

srimala Thursday, 21 September 2017 09:47 AM

අපහාසයක් එහෙම නෙමෙයි. නමුත් මෙතුමාට යම්කිසි ප්‍රතිකාරයක් සඳහා වෙද්‍ය නිර්දේශයක්, අධිකරණය මගින් ඉදිරිපත් කලබව මාධ්‍ය මගින් ප්‍රසිද්ධ වුණා නේද? ඉතින් එහෙම අය රජයේ ඇමති කමක් නොව සාමාන්‍ය පියන් රස්සාවක්වත් කරන්නේ කොහොමද?

: 0 110

siri Thursday, 21 September 2017 10:04 AM

"නොකෙරෙන වෙදකමට කෝඳුරු තෙල් හත් පට්ටයක් තිබුනත් මදි" කියලා කියමනක් තියෙනවා. මෙයාගේ ඇඟ තිබුණට මොලේ නැහැ. නැතිනම් මේ විකාර කියවයිද?

: 0 28

mahee Thursday, 21 September 2017 10:36 AM

ඕනෑම පුද්ගලයෙකුගේ වචනයකට අපි ගරු කරන්නේ හෝ නොකරන්නේ ඔහුගේ අතීතය දිහා බලලයි. ඒ කිව්වේ අතීත හැසිරීම මහත්මයකුගේ නම් අපි එයාට කන් දෙනවා. අතීත හැසිරීම පිස්සෙකුගේ නම් අපි ඒවාට හිනා වෙනවා.

: 0 15

ravin Thursday, 21 September 2017 10:40 AM

එකට එකතුවුනේ නැත්නම් එක්කෙනෙකුට නම් වැලේ වැල් නැතුව යනවා.

: 0 12

china Thursday, 21 September 2017 11:27 AM

ආප්ප කන්නද? පිට්ටු කන්නද?

: 0 9

කසුන් Thursday, 21 September 2017 11:45 AM

මේ වගේ මිනිසුන්වත් පාර්ලිමේන්තු යවන්නත් අපේ රටේ බත් කන ගවරැලක් ඉන්නවනේ !!!

: 0 36

Lalin Thursday, 21 September 2017 12:33 PM

මම නම් මේ මහත්තය කියන එක විශ්වාස කරනවා. මොකද මොලේ අමාරුවක් නැහැ කියලා සහතිකයක් තියෙන්නේ මෙතුමාට විතරයිනේ.

: 0 0

dias Thursday, 21 September 2017 01:19 PM

මෙයාට නම් පිස්සු නෑ. හැබැයි ඡන්දෙ දෙන අයට නම් පිස්සු තමයි.

: 0 1

ඔබේ අදහස් එවන්න

එසැණ පුවත්

අඩි සීය පාරේ -අලි රණ්ඩු බෝසේ

2024 නොවැම්බර් මස 24 93 0

හම්බන්තොට සූරියවැව අඩි 100 මාර්ගයේ බැල්ලගස්වැව ප්‍රදේශයේදි වල් අලි දෙදෙනෙක් ද්වන්ධ සටනක යෙදී සිටියහ.

මත්තල ගුවන්තොටේ ආදායමට වඩා වියදම වැඩිවෙලා

2024 නොවැම්බර් මස 24 214 0

මත්තල රාජපක්ෂ ජාත්‍යන්තර ගුවන් තොටුපලෙහි ආදායමට වඩා අට ගුණයකින් එහි වියදම 2023 වර්ෂයේ දි වැඩිවි ඇති බැව් ජාතික විගණන කාර්යාලය මගින් නිකුත්කොට ඇති නවත

බසයට යට වී කත මරුට

2024 නොවැම්බර් මස 24 85 0

මීගහකිවුල පිටමාරුව ප්‍රධාන මාර්ගයේ රෝබේරිය ශ්‍රී නාගාරාම කෝවිල අසලදී මාර්ගයේ ගමන්ගත් පෞද්ගලික බස් රථයකට යටවීමෙන් කාන්තාවක් ජීවිතක්ෂයට පත්ව ඇතැයි

හිටපු මැකොගෙ නිවසට තෙවැනි වරටත් හොරු පැනලා

2024 නොවැම්බර් මස 24 396 0

මැතිවරණ කොමිෂන් සේවා සභාවේ හිටපු සභාපති මහින්ද දේශප්‍රිය මහතාගේ අම්බලන්ගොඩ පෝරඹ පිහිටි නිවස සොරුන් බිද ගෘහ භාණ්ඩ රන් භාණ්ඩ රැසක් පැහැරගෙන ගොස් ඇති බ

හොර නෝට්ටුවක් සමඟ දෙන්නෙක් මාට්ටු

2024 නොවැම්බර් මස 24 151 0

ව්‍යාජ 5000 මුදල් නෝට්ටුවක් රැගෙන රටබීම මිලදී ගැනීම සදහා අලෙවිසැලකට පැමිණි පුද්ගලයින් දෙදෙනෙකු අත්අඩංගුවට ගත්බව උහන පොලිසිය පවසයි.

වෙළෙඳ පොළේ බිත්තර මිල යළි ඉහළට

2024 නොවැම්බර් මස 24 371 0

වෙළෙඳ පොළේ බිත්තර මිල යලි ඉහළ ගොස් ඇතැයි පාරිභෝගිකයෝ පවසති.