ලොව ප්‍රථම අගමැතිනිය වූ සිරිමාවෝ බණ්ඩාරනායක මහත්මියගේ සමීපතමයකුවූ ශ්‍රී ලංකා නිදහස් පක්ෂයේ මධ්‍යම කාරක සභාවේ හිටපු සාමාජික යසාදි ලැනරෝල් මහත්මිය (90) අප්‍රේල් 2 වැනි සෙනසුරාදා අභාවප්‍රාප්ත වූවාය.

ඇය වසර කිහිපයක් සිරිමාවෝ බණ්ඩාරනායක අගමැතිනිය යටතේ මහජන සම්බන්ධතා නිලධාරිනයක ලෙස කටයුතු කළාය.

ගුරුවරිය වශයෙන් සිය වෘත්තීය ජීවිතය ඇරැඹූ ලැනරෝල් මහත්මිය අනුරාධපුර ශුද්ධ වූ පවුලේ කන්‍යාරාමය, මාතර ශාන්ත මේරි විද්‍යාලය, කෑගල්ල ශාන්ත ජෝශප් බාලිකා විදුහල හා කළුබෝවිල මහා විද්‍යාලයේ සේවය කළාය.

පසුකාලීනව ඇය කොළඹ විශ්ව විද්‍යාලයීය ඉංග්‍රීසි අධ්‍යයන දෙපාර්තමේන්තුවට සම්බන්ධවූ කටයුතු කළාය. ඇය කතුවරියක ලෙස මෙන්ම නාට්‍ය ශිල්පිනියක ලෙසද නමක් දිනා සිටියාය.

ඇගේ දේහය 67/1, කඩවත් පාර, දෙහිවල නිවසේ තැන්පත් කර ඇති අතර අවසන් කටයුතු අප්‍රේල් 4 වැනිදා සවස 5ට කොහුවල කනත්තේදී සිදුකිරීමට නියමිතය.