කවද්ද ලංකාවට ආවේ

නොවැම්බර් ආවේ. මගේ මල්ලිගේ Wedding එකට, සමහර විට මේ ලිපිය පළ වෙද්දීත් මම ලංකාවේ නැති වෙයි

කොහේද දැන් පදිංචි වෙලා ඉන්නේ

ඇ‍මෙරිකාවේ Cayman Islands වල

මොකද කරන්නේ?

රැකියාවක් කරන්නේ නැහැ, මගේ මහත්තය එහේ පෞද්ගලික ආයතනයක වරලත් ගණකාධිකාරිවරයෙක් විදියට සේවය කරන්නේ, ඒ නිසා තමා මමත් ඔහුත් එක්ක එහේ ඉන්නේ, මගේ මහත්තයට නිතර වෙනත් රටවලට පවා යන්න සිද්ධ වෙනවා. මමත් ඔහුත් සමග ඒ ඒ රටවල්වල සංචාරය කරමින් ඉන්නවා

මුලින්ම රට ගිය කාලේ මොකද හිතුණේ?

මුලින්ම නම් මට හිතුණේ  ඇයි මම ලංකාව දාලා එන්න තීරණය කළේ කියලා, ආයි යන්න තියෙනවා නම් කියල හිතුණා

දැන් එහෙම හිතෙන්නේ නැද්ද?

දැනුත් නැතුවාමත් නෙවෙයි , ඒත් මගේ මහත්තය රැකියාව නිසා මට මෙහේ ඉන්න වෙනවා, නමුත් මම ඉපදුණු ලංකාවට තරම් මම වෙන කිසිම රටකට ආස නැහැ, මම ලෝකේ කොහේ ගියත් ලංකාවේ ජීවත් වෙන්න තමා කැමති,

ලංකාවට අවොත් ආයේ මාධ්‍යයට සම්බන්ධ වෙනවාද?

අනිවාර්යයෙන්ම කලින් වගේ පූර්ණ කාලීනව නොවෙන්න පුළුවන්, නමුත් Freelance හරි වැඩ කරන්න කැමැතියි

නිරූපණ කටයුතු ඔබේ විනෝදංශයක්ද?

ඔව්, රූපවාහිනී නිවේදිකාවක් විදියට වැඩ කරන කාලේ ලැබුණු ආරධනා එක්ක මම නිරූපණ කටයුතු කළේ, ඒ තුළින් මම ලොකු ආත්ම තෘප්තියක් ලැබුවා

එතකොට රංගන කටයුතු

ඔව්, මගේ තාත්තාත් කලාවට සම්බන්ධ කෙනෙක්. ඒ හරහා තමා මට මුලින්ම රංගන කටයුතුවලට අවස්ථාව ලැබුණේ, ඉතින් මාධ්‍යයේ වැඩ කටයුතුත් එක්ක ඉඩ ලැබුණු අවස්ථා කිහිපයක මම රංගන කටයුතුවලට දායක වුණා

කවද්ද ආයේ එන්නේ

ලබන වසරේ ජුනි මාසයේ එන්න හිතාගෙන ඉන්නවා

කොච්චර කාලයකටද ?

ටිකක් වැඩි කාලයක් ඉන්න තමා හිතන් ඉන්නේ. බලමු ඉතින්

දිගටම විදෙස් ගතව ඉන්නද දෙන්නගෙම අදහස?

අනේ නැහැ, මමත් මගේ මහත්තයා ත් කැමැත්තෙන් ඉන්නවා ලංකාවේ පදිංචි වෙන්න එන්න, මොකද එයත් කැමති ලංකාවේ ජීවත් වෙන්න, හැබැයි ඒක කොයි කාලෙද කියන්න නම් තාම බැහැ

අනාගත බලාපොරොත්තු මොනාද?

කවද හරි දවසක ලංකාවේ පදිංචියට ආවම, අපේම කියල ව්‍යාපාරයක් පටන් ගන්න මගෙත් මහත්තයගේත් බලාපොරොත්තුවක් තියෙනවා, ඒ වගේම තමා හැමදාම සිතේ සතුටින් ජීවත් වෙන්න තමා අපේ එකම බලාපොරොත්තුව

ඡායාරූප - සුමුදු හේවාපතිරණ