රථ වාහනවලට සම්බන්ධ රියැදුරන් සඳහා අනුගමනය කෙරෙන ක්රියාමාර්ගය වඩාත් පහසු කිරීමේ අරමුණෙන් රක්ෂණ සමාගම් තුළ රථවාහන විමර්ශන පහක් අලුතින් විවෘත කිරීමට මෝටර් රථ දෙපාර්තමේන්තුව කටයුතු කර තිබේ.
රියැදුරන්ට අනතුරුවලට අදාළ ක්රියාමාර්ග සියල්ලම එකම තැනකින් සම්පූර්ණ කරවා ගැනීම පහසු කිරීම සඳහා මෝටර් රථ දෙපාර්තමේන්තුව සහ රක්ෂණ සමාගම් ඒකාබද්ධ කිරීමේ එක් පියවරක් ලෙසින් නව සේවාව ලබාදෙන බව සිය ෆේස් බුක් ගිණුම හරහා නිවේදනයක් නිකුත් කරන අභ්යන්තර අමාත්යාංශය පවසයි.
ඒ අනුව රිය අනතුරුවලට සම්බන්ධ රියැදුරන්ට දැන් කෙලින්ම අනතුරට හේතුවූ පාර්ශ්වයේ රක්ෂණ සමාගමට ගොස් එහි ස්ථාපිත කර ඇති රථවාහන විමර්ශන කාර්යාලයේදී සිද්ධිය ලියාපදිංචි කළ හැකිය.
එලෙස ලියාපදිංචි කිරීමෙන් අනතුරුව අනෙක් පාර්ශ්වයට අදාළ රක්ෂණ සමාගමේ නිලධාරියෙකු වෙත ගොස් සිය වාහනය අලුත්වැඩියා කිරීම සඳහා අවශ්ය කරන ක්රියාමාර්ගයන් සම්පූර්ණ කරගත හැකිය. ඒ නිසා රියැදුරන්ට තවදුරටත් මෝටර් රථ දෙපාර්තමේන්තුවේ සේවා මධ්යස්ථානවල විමර්ශන අංශය වෙත යාමට සිදුවන්නේ නැත.
රක්ෂණ සමාගම්වල රඳවා සිටින රථ වාහන විමර්ශකයන් ටැබ්ලට් පරිගණකයක් ආධාරයෙන් අනතුර ඉලෙක්ට්රොනිකව ලියාපදිංචි කර වාහනයේ ඡායාරූපයක් ලබාගෙන අදාළ රක්ෂණ සමාගම සමග සෘජුවම සංනිවේදනය කරනු ඇත. මේ අතර අනතුරේ වින්දිතයාට අනතුරේ තොරතුරු ඇතුළත් කෙටි පණිවුඩයක් ලැබෙන අතර එවිට කෙලින්ම රක්ෂණ සමාගම වෙත ගොස් සිය වාහනය අලුත්වැඩියා කරගැනීමට ඔහු හැකිය.
මීට පෙර පැවැති ක්රමයට අනුව අනතුරු සිද්ධ වූ ස්ථානයට පොලිස් නිලධාරියෙක් පැමිණෙනතුරු එම ස්ථානයේ රැඳී සිටීමට හෝ රථවාහන විමර්ශන අංශයට ගොස් අනතුර ලියාපදිංචි කොට ඒ සම්බන්ධයෙන් වාර්තාවක් ගෙන අදාළ රක්ෂණ සමාගම වෙත යාමට අනතුරුවලට සම්බන්ධ රියැදුරන්ට සිදුවිය.
හිටපු විපක්ෂ නායක සහ දෙමළ ජාතික සන්ධානයේ හිටපු නායක ආර් සම්පන්දන් මහතාට ලබා දී තිබූ කොළඹ 7 මහගමසේකර මාවතේ පිහිටි නිල නිවස ඔහු මිය ගොස් මාස තුනකට ආසන්න ක
ඇඹිලිපිටිය මහගම ප්රදේශයේ තිරිවාන නිධිය කැනීම සම්බන්ධයෙන් කිසිදු ඉදිරි පියවරක් නොගන්නා බව නීතිපතිවරයා අභියාචනාධිකරණයට ඊයේ (02) පොරොන්දු විය.
ජාත්යන්තර මූල්ය අරමුදල සමඟ වන වැඩසටහනට අදාළව ජනාධිපති අනුර කුමාර දිසානායක මහතා ප්රමුඛ නව රජයේ ඉදිරි වැඩපිළිවෙළ පිළිබඳ සොයා බැලීමට ජාත්යන්තර මූල
තල් සංවර්ධන මණ්ඩලය තල් රා තල් වයින් සහ තල් අරක්කු ඇතුළු තල් ආශ්රිත නිෂ්පාදන අපනයනයෙන් පසුගිය වසර දෙකේ දී රුපියල් කෝටි 12 කට වැඩි ආදායමක් උපයාගෙන ඇතැයි
හිස කෙස් සැකසීම සඳහා ආලේපනයක් ගැල්වීමෙන් පසු කාන්තාවකගේ කෙස්කලඹ ගැලවී යාමේ සිද්ධිය සම්බන්ධයෙන් පොලිසිය සොයමින් සිටි රූපලාවණ්යාගාරයේ හිමිකාරිය අ
දූෂණය සහ අනාරක්ෂිත බව විදේශ ආයෝජන ආකර්ශනය කර ගැනීම සඳහා බලපානු ලබන ප්රධාන බාධාවන් බව ලංකාවේ කැනේඩියානු මහ කොමසාරිස් එරික් වොල්ෂ් (Eric Walsh) මහතා ජනාධිපති
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
රක්ෂණ සමාගම් පරිශ්ර තුළ රථ වාහන විමර්ශන කාර්යාල 5 ක්