පසුගියදා එළිදැක්වූ "සාංකාව" නම් ගීතයට අද වනවිට ෆේස්බුක් සමාජ ජාලය හරහා විවේචනයට එල්ලවෙමින් පවතිනවා. මෙම ගීතයේ ගායකයන් දෙදෙනෙකු වන Neo සහ Big Harsha විසින් ගායනා කරනු ලබන අතර, මෙම ගීතය පිළිබඳව කතාබහ කිරීමට "සාරවිට" අප ඔවුන් මෙලෙස සම්බන්ධ කරගත්තා.

"සාංකාව" ගීතය පිළිබඳ වැඩි යමක් කිව්වොත්?

Neo

 අලුතෙන් දාපු සිංදුවේ නම "සාංකාව" එකේ Feature කරනවා මම සහ Big Harsha. මේ සිංදුව කියන්නේ Shazly‬ කියලා අලුත් ගායකයෙක්. මේ ගීතයේ LWA එකේ සාමාජිකයන් දෙන්නෙක් ඉන්නවා. ඒ චාම් විශ් සහ සංකදර කියලා.

Big Harsha

මේ සිංදුව ඇත්තටම කරලා අවුරුද්දක් කිට්ටු වෙනවා. ගිය අවුරුද්දෙ අගෝස්තු මාසයේ 13 වැනිදා ඒ කියන්නෙ මගේ උපන්දිනය දවසේ තමයි ගීතය කරනු ලැබුවේ. ඊට පස්සෙ අපි Concept එක වෙනස් කරන්න තමයි ඉතාලි නිරූපිකාවන් ඇතුල් කරලා මෙහෙම වීඩියෝවක් කරමු කියලා සැලසුම් කළේ. ඒ වැඩේ දැන් සාර්ථක වෙලා තියෙනවා.

අද මේ ගීතය ෆේස්බුක් සමාජ වෙබ් අඩවිය ඔස්සේ බොහෝ දෝෂාරෝපණය ලක්වූ ගීතයක් නේද?

Neo 

මම මේ ගීතය එළියට දාන්න කලින් ෆේස්බුක් එකේ වීඩියෝ එකක් දැම්මා. මේ ගීතය එළිදක්වන්න ඉස්සෙල්ලාම මං කිව්වා, මේක ගොඩක් ප්‍රශ්න ඇති කරන මියුසික් වීඩියෝවක් වෙනවාමයි කියලා. ඒක ඒ විදිහටම වුණා. අපි ඇත්තටම ගොඩක් බලාපොරොත්තුවෙන් හිටියා ගොඩක් අය අපිට බනියි කියලා.

Big Harsha

Neo කිව්වා වගේ අපි බලාපොරොත්තු වුණා. ඒ වුණාට මේ මඩ ප්‍රහාර එල්ල වන තරමට ඒකේ ප්‍රතිඵලය අනගාතයේදී ඒ කියන්නෙ තව අවුරුදු 10කින් හෝ 15කින් බලාගන්න පුළුවන් වෙයි. අපි හිප්පොප් කලාවනේ අනුගමනය කරන්නේ. ඒ කලාව අනුව අපි අනුගමනය කරන ජාත්‍යන්තර කලාකරුවන් ගත්තාම ගොඩක් ඔය වගේ Clips තියෙනවා. ඉතිං අද කාලෙ අපි චිත්‍රපටයක් බැලුවත් අඩ නිරුවත්ව ඉන්න ගැහැණු දිහා බලනවනේ. දැන් ඒ මානසිකත්වය මිනිස්සුන්ට හැදිලා තියෙන නිසා තමයි ඇමෙරිකාව වැනි රටවල සහ යුරෝපීය රටවල ගෑනු ළමයින්ට පවා Mini Skirts ද ඇඳන් යන්න හැකියාව තියෙන්නේ. අපේ රටේ මිනිස්සුන්ගේ ඒ මානසිකත්වය හැදිලා නැහැ. අපි ඒ වගේ ජාත්‍යන්තර මට්ටම අල්ලන්න පුළුවන් නම් තව අවුරුදු පහලොවකින් හරි මේ කරපු දේ හරියි කියන තැනට එයි. දැනට මිනිස්සු බනිනවා තමයි. ලංකාවේ සංස්කෘතියක් සහ එවැනි දේවල් තියෙනවා කියලා. හැබැයි අපි මේ සංස්කෘතිය කියන දේ ඇතුළෙ ඉන්න ගියොත් අපිට මේ හිප්පොප් කලාව තව ලොකුවට ගෙනියන්න තියෙන අවස්ථාව නැති වෙනවා.

ඔබ උත්සාහ කරන්නේ මෙවැනි වීඩියෝවක් තුළින් ලංකාවේ හිප්පොප් කලාව ජාත්‍යන්තරයට ගෙනයාමටද?

Big Harsha

අපි කොහෙවත් කියන්නේ නැහැ මේ සිංදුව ජාත්‍යන්තර මට්ටමට ගිහිල්ලා කියලා. ඒ සිංදුවෙන් අපි හැමතැනම කියන්නේ, ඉතාලියේ ඉන්න. හැබැයි ඉතාලිය කිව්වාම ජාත්‍යන්තරය වෙනවනේ. ලංකාවේ නිරූපිකාවන් ගත්තත් යම්කිසි මුදලක් ගෙවන්න ඕනා. ඉතාලියේ නිරූපිකාවන් ලංකාවේ නිරූපිකාවන්ට සමාන කරන්න බැහැ. හැබැයි අපි ඉතාලියේ නිරූපිකාවන් 05 දෙනෙක් මේ සඳහා යොදා ගෙන එහෙම කරපු වීඩියෝවක් කියලා තමයි අපි කියන්නේ. හැබැයි ෆේස්බුක් හරහා සමහර අය කියා ගන්නවා ජාත්‍යන්තරයට ගිහිල්ලා කියලා. එහෙම කියනවානම් කමක් නැහැ ඉතාලියේ නිරූපිකාවන් ඉන්න නිසා. ඒකත් අපිට ආඩම්බරයක්.

Neo 

ඉතාලියේ All Ready Channel වල මේ දවස්වල බොහෝ සාමාන්‍ය සිංදුවක් විදිහට Play වෙනවා. ඒත් එක්කම ජපානයේ ක්ලබ්ස්වල සහ රේඩියෝවල බොහොම සාමාන්‍ය විදිහට Play වෙනවා. ලංකාවේ අපිට පොඩ්ඩක් අමාරුයි මේ ටීවී එකේ Play කළොත් එහෙම චැනල් එකත් වහන්න වෙනවා.

Big Harsha

ඒ හේතුව නිසා තමයි මාධ්‍ය භාවිත නොකර You-tube කියන මාධ්‍ය භාවිත කළේ. මේකේ ප්‍රතිඵලේ තව අවුරුදු 10කින් විතර බලන්න පුළුවන්.

ඉදිරි වැඩ කටයුතු ගැන කිව්වොත්?

Big Harsha

ඉස්සරහට ගොඩාක් වැඩ එන්න තියෙනවා. මේ පටන් ගැන්ම විතරයි. මමයි සහ Neo පටන් ගත්ත LWA කියන ග_ප් එක. මේ Team එකෙන් දෙවැනි මියුසික් වීඩියෝව තමයි මේ %සාංකාව^. අපි නවතින්නේ නැහැ එහෙම.

Neo 

අපි දෙවැනි එක කරන කොට අනික Plan කරලා ඉවරයි.

Big Harsha

ඒවගේම තමයි අපි වගේ ග_ප් ගොඩාක් ලංකාවේ තව හැදිලා තියෙනවනේ. ඒ ග_ප්වලිනුත් අපිට එක එක ඒවා එනවා. අපි මේ හිප්පොප් කලාව ඇතුළෙ ඉද්දී මේ හිප්පොප් කියන්නෙ පොඩි කොටසක් පමණයි.

මේ හැමෝම එකමුතුවෙන් හිටියනම් හරි. මම දන්නේ නැහැ මොන හේතුවක් හින්දද කියලා අපිත් එක්ක ඒ අය Against වෙන්නේ. අපි බලාපොරොත්තු වෙනවා ඉස්සරහට ඒ අයත් අපිත් එක්ක සාමෙන් ඉඳියි කියලා.

ඩිලාන් ක්‍රිෂාන්ත