මධ්යම ආසියානු කළාපීය වෙරළ වොලිබෝල් තරගාවලියේ කාන්තා අනු ශූරතාව සහ පිරිමි තෙවැනි ස්ථානය හිමිකරගත් ශ්රී ලංකා ක්රීඩක ක්රීඩිකාවෝ ඔලිම්පික් සුදුසුකම් ලැබීමේ තරගාවලියට සහභාගිවීමේ අවස්ථාව උදාකර ගැනීමට සමත් වූහ. මීගමුව වෙරළ තීරයේදී දින දෙකක් පැවැති මෙම තරගාවලිය ඊයේ (22) අවසන් විය. පිරිමි ශූරතාව ඉරානය දිනාගත් අතර අනු ශූරතාව කසකස්තානයට හිමිවිය. කාන්තා ශූරතාව කසකස්තනය දිනාගැනීමට සමත් වූ අතර තෙවැනි ස්ථානය ඉන්දියාවට හිමිවිය. මෙහිදී ශ්රී ලංකා පිරිමි ‘ඒ’ පිල නියෝජනය කරමින් මහේෂ් පෙරේරා සහ වසන්ත රත්නපාල ද, පිරිමි ‘බී’ පිල නියෝජනය කරමින් පුබුදු ඒකනායක සහ සම්පත් පීරිස් ද ක්රීඩා කළහ. ගීතිකා ගුණවර්ධන සහ කක්ෂිලා ගුණසිංහ ශ්රී ලංකා කාන්තා ‘ඒ’ පිල ද, නිරෝෂා ගුරුසිංහ සහ සාගරිකා ගුරුසිංහ කාන්තා ‘බී’ පිල ද නියෝජනය කළහ. මෙම තරගාවලියට සත්කාරක ශ්රී ලංකාව, ඉන්දියාව, මාලදිවයින, කසකස්තානය සහ ඉරානය යන රටවල්වලින් කණ්ඩායම් සහභාගි වූහ. තරගාවලියේ පළමු දිනයේදී ශ්රී ලංකා පිරිමි කණ්ඩායම් දෙක කසකස්තාන් කණ්ඩායම් දෙක හමුවේ පරාජයට පත්වීමෙන් පසු බැසීමට සිදුවිය. එහිදී පුබුදු ඒකනායක සහ සම්පත් පීරිස් කසකස්තාන් ක්රීඩකයන් වන කුලෂේව් සහ යකොව්ලොව් දෙවැනි වටයේදී 21-19 ක් ලෙස පරාජය කළ ද වට 2-1 ක් ලෙස තරගය පරාජයට පත්වූහ. ශ්රී ලංකා ක්රීඩිකාවෝ පෙරේදා (21) පෙවරුවේ පැවැති තරගවලදී මාලදිවයින් ක්රීඩිකාවන්ට එරෙහිව තරග හතරම ජය ලැබීමට සමත් වූහ. ඊයේ පෙරවරවේ පැවැති තරගවලදී ශ්රී ලංකා ක්රීඩකයෝ ඉන්දීය කණ්ඩායම් දෙක පරාජයට පත්කිරීමට සමත් වූහ. කාන්තා තරගාවලියේ ඊයේ (22) පස්වරුවේ පැවැති තරග හතරේදී ශ්රී ලංකා ක්රීඩිකාවෝ ප්රබල කසකස්තාන් ක්රීඩිකාවන්ට හොඳ අභියෝගයක් යොමු කළහ. ගීතිකා ගුණවර්ධන සහ කක්ෂිලා ගුණසිංහ තෙවැනි තරගය 2-1 ක් (11-21, 21-16, 19-17) ලෙස ජය ගැනීමට සමත් වූහ. අවසන් තරගයේදී නිමේෂා ගුරුසිංහ සහ සාගරිකා ගුරුසිංහ තියුණු තරගයකින් පසු වට 2-1 කින් (11-21, 23-21, 12-15) පරාජයට පත් වූහ. පිරිමි ශූරතාව සඳහා ඉරාන සහ කසකස්තානය අතර අතිරේක තරගයක් පැවැති අතර එහිදී ඉරානය 15-10 කින් ජය ලැබූ අතර එම වටයේදී කසකස්තාන් ක්රීඩකයකුගේ නීති විරෝධි ක්රියාවකට ප්රධාන විනිසුරු රතු කාඞ් පතින් අවවාද කර ඉරාන පිලට අවසන් ලකුණ පිරිනැමීම කැපී පෙනුණි. කසකස්තානය සහ ඉරාන අතර තරගයකදී වැරදි තීරණයක් ලබාදුන්නේ යැයි කියන දෙවැනි විනිසුරු ලෙස කටයුතු කළ ශ්රී ලංකා විනිසුරුවකු ඉවත් කිරීමට ද කටයුතු කළ බව වාර්තා වේ. ලන්ඩන් නුවරදී මේ වසරේ (2012) පැවැත්වෙන ඔලිම්පික් ක්රීඩා උළෙලේ වෙරළ වොලිබෝල් තරගාවලිට රටවල් 24 කින් කණ්ඩායම් සහභාගී වීමට නියමිත අතර මෙම තරගාවලියට මධ්යම ආසියානු කලාපයේ රටවල් තෝරා ගැනීමේ මූලික වටයේ තරගාලිය ලෙස මෙම තරගාවලිය පැවැත්විණි. මෙම තරගාවලිය සංවිධානය කිරීමේදී බොහෝ දුර්වලතා දැකිය හැකි වූ අතර මාධ්ය වෙනුවෙන් සැලකිය යුතු පහසුකම් සැපයීමට සංවිධායකයෝ අපහොසත් වූහ. තවද තරග නැරඹීමට ශ්රී ලංකාවේ සාමාන්ය වොලිබෝල් අවසන් තරගයක් සඳහා පැමිණෙන පේ්රක්ෂක සංඛ්යාව පවා දැකිය නොහැකි විය.
නව ජනාධිපතිවරයා පාර්ලිමේන්තුව විසුරුවා හැරියහොත් මහ මැතිවරණය පැවැත්වීම සඳහා සූදානමින් සිටින්නැයි මැතිවරණ කොමිෂන් සභාව සියලුම දිස්ත්රික් තේරීම්
මෙතෙක් නිල ඡන්ද දැන්වීම් පත්රිකා නොලැබුණු ජන්දදායකයන්ට අදත් (21) තමන්ට ලිපි බෙදා හරින තැපැල් කාර්යාලයට ගොස් ලබා ගැනීමට හැකි බව තැපැල් දෙපාර්තමේන්තුව
විදුලිබල සැපයීම සම්බන්ධ සියලු සේවාවන් හා ඛනිජ තෙල් නිෂ්පාදනය හා ඉන්ධන සැපයීම හෝ බෙදාහැරීම ජනාධිපති රනිල් වික්රමසිංහ මහතා විසින් අත්යවශ්ය සේවා බව
නව වැනි විධායක ජනාධිපතිවරයා තෝරාගැනීමේ ඡන්ද විමසීම අද (21) පෙරවරු 7.00 ආරම්භ විය.
ලෙබනනයේ බීරූට් අගනුවරට එල්ල වුණු ඊශ්රායල ගුවන් ප්රහාරයකින්, හිස්බුල්ලා සන්නද්ධ අංශ නායකයකු වන ඊබ්රහීම් අකිල් මියගියේය. මේ බව ලෙබනන් හිස්බුල්ලා සං
ඇමෙරිකන් ජනාධිපතිවරණය නොවැම්බර් පස් වැනිදා පැවැත්වෙයි. ඒ, රිපබ්ලිකන් ජනාධිපති ධුර අපේක්ෂක හිටපු ජනාධිපති ඩොනල්ඩ් ට්රම්ප් සහ ඩිමොක්රටික් ජනාධිපති
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
ශ්රී ලංකා වෙරළ වොලිබෝල් ක්රීඩක ක්රීඩිකාවෝ ඔලිම්පික් සුදුසුකම් ලැබීමේ තරගාවලියට එති