මේ වසරේ තිරගත වූ "මස්තිෂාදේ" චිත්‍රපටය තුළින් බොලිවුඩ් සිනමා රසික පිරිස් මුණගැසුණු සුරූපී සරාගී නිළි සනී ලියෝන්ගේ චිත්‍රපට කිහිපයක්ම මේ වසරේ ඉදිරි කාලයේදී ප්‍රදර්ශනය වීමට නියමිතව තිබෙනවා.

මේ අතරින් ෂාරුක් ඛාන් ප්‍රධාන චරිත නිරූපණය කරන "රායිස්" චිත්‍රපටයේද "අයිටම්" ගීතයක් සඳහා නර්තනයෙන් එක්වීමට සනී ලියෝන්ට අවස්ථාව ලැබිලා. එහි එන "ලයිලා ඕ.. ලයිලා" ගීතය සඳහා සනී නර්තනයෙන් දායක වෙලා. මෙය "සනී - ෂාරුක් ඛාන්" සමග ප්‍රසිද්ධියේ සිනමා රංගනයක එක්වෙන පළමු අවස්ථාව වෙනවා. මෙම චිත්‍රපටය ජූලි 03 වැනිදා බොලිවුඩයට සමගාමීව ලොවපුරා ප්‍රදර්ශනය කිරීමට නිෂ්පාදක කණ්ඩායම පියවර ගෙන තිබෙනවා.

ෂාරුක් ඛාන් සමගින් මෙහි ප්‍රධාන චරිතයට පාකිස්තානු සම්භාව්‍යයක් ඇති මහිරා ඛාන් හා නව්සූඩාන් සිද්දික්ද එක්වෙන අතර, චිත්‍රපටය ක්‍රියාදාම ලේබලය මත නිර්මාණයක වූවක් බව සඳහන්. "රායිස්" චිත්‍රපටයට අමතරව සනීට සුපිරි නළු අමීර් ඛාන් රංගනයෙන් දායක වන "දංගල්" චිත්‍රපටයේද "අයිටම්" ගීතයක් සඳහා එක්වීමට අවස්ථාව ලැබී තිබෙනවා. මෙහි රූපගත කිරීම් කටයුතු තවමත් සිදුකර නොමැති අතර, බොහෝ දුරට මැයි මාසයේ මුල් සතියේදී මෙම "අයිටම්" ගීතයේ රූපගත කිරීම් කටයුතු සිදු කිරීමට චිත්‍රපට "දංගල්" චිත්‍රපටයේ අධ්‍යක්ෂක නිතේෂ් තිවාරි සැලසුම් කරමින් සිටින බවයි සඳහන් වෙන්නේ. එම චිත්‍රපටය මේ වසරේ දෙසැම්බර් 23 වැනිදා ප්‍රදර්ශනය කිරීමට නියමිතයි.