ජනතා විමුක්ති පෙරමුණේ හිටපු නායක හා ජනතා සේවක පක්ෂයේ නායක සෝමවංශ අමරසිංහ මහතා අද (15) පෙරවරුවේ අභාවප්‍රාප්ත විය. මිය යන විට ඔහු 73 වැනි වියේ පසුවිය.

පසුගිය දිනවල අසනීප තත්ත්වයෙන් පසුවූ අමරසිංහ මහතා කඩුවෙල පිහිටි සහෝදරයකුගේ නිවසේදී අභාවප්‍රාප්ත වී ඇතැයි පවුලේ ආරංචි පවසයි.

සෝමවංශ අමරසිංහ මහතා 1990 සිට 2014 වසර දක්වා ජනතා විමුක්ති පෙරමුණේ නායකත්වය දැරීය. 2014 වසරේදී එම පක්ෂයෙන් ඉවත්වූ ඒ මහතා ජනතා සේවක පක්ෂය පිහිටුවා ගත්තේය.

ජනතා විමුක්ති පෙරමුණේ 1971 කැරැල්ලේ ප්‍රධාන භූමිකාවක් ඉටුකළ අමරසිංහ මහතා 88-89 කාලයෙන් පසු විදේශගතව සිට ජනතා විමුක්ති පෙරමුණ ගොඩනැංවීමට දායක විය.