(යොහාන් භාසුර)
රාජසන්තක කළ ‘සෝයා කුඩු’ මෙට්රික්ටොන් 157 කට අධික ප්රමාණයක් අළෙවි කිරීමට කැඳවා තිබූ විශේෂ ටෙන්ඩරයක් යෝජනා කැඳවීම අවසන් කිරීමට මිනිත්තු 20 ක් තිබියදී ටෙන්ඩරය අවලංගුකිරීමට ශ්රී ලංකා රේගු දෙපාර්තමේන්තුව කටයුතු කිරීම දැඩි අසාධාරණයක් යැයි ටෙන්ඩර් යෝජනා ඉදිරිපත් කළ ඇතැම් සමාගම් චෝදනා කරයි.
අදාල විශේෂ ටෙන්ඩරයට යෝජනා ඉරිපත් කිරීම ඊයේ (14) පෙරවරු 10.30 ට අවසන් වීමට නියමිත තිබුණ ද පෙරවරු 10.10 ට ටෙන්ඩරය අවලංගු කළේ යැයි රේගු දෙපාර්තමේන්තුව නිවේදනය කළ බවත් මෙරට ඉහළම දේශපාලඥයෙක්ගේ බලපෑමෙන් මුදල් අමාත්යංශයට සම්බන්ධ උසස් නිලධාරියකුගේ මැදිහත්වීමෙන් මෙය වී ඇති බවත් එම සමාගම් පවසයි.
ඇමරිකාවේ සිට පසුගිය වසරේ සැප්තැම්බර් මස ශ්රී ලංකාවට ළගාවීමෙන් පසුව රාජසන්තක කළ සත්ව ආහාර නිෂ්පාදනය සඳහා අමුද්රව්යයක් ලෙස යොදා ගන්නා මෙම ‘සෝයා කුඩු’ කිලෝග්රෑම් 157,717 ක තොගයේ වටිනාකම රුපියල් කෝටි එකහමාරකට අධික වටිනා බවත් එම තොගය දේශපාලඥයෙක්ට සම්බන්ධ සමාගමට ගැනීම සඳහා මෙසේ ටෙන්ඩරය අවලංගු කළ බවත් සමාගම් සඳහන් කරයි.
මෙම විශේෂ ටෙන්ඩරයට ‘සෝයා කුඩු’ තොගය සහ ගස්ලඹු තොගයක් ඇතුළත් වූ අතර ගස්ලඹු තොගය නියමිත පරිදි ටෙන්ඩරය හරහා විකිණීමට නියමිත බව කියන ටෙන්ඩර් යෝජනා ඉදිරිපත් කළ සමාගම් නියෝජිතයෝ ටෙන්ඩර් ඉදිරිපත් කිරීමට නොහැකි වූ සමාගම් කීපයක් මුදල් අමාත්යංශයෙන් කළ ඉල්ලීමකට අනුව මෙම ක්රියාසිදුවී ඇති බව ද සඳහන් කරයි.
මෙම ටෙන්ඩර්ය විශේෂ ටෙන්ඩරයක් වීම හේතුවෙන් රේගු අධ්යක්ෂ ජනරාල්වරයා හිතුමතේ ටෙන්ඩරය අවලංගු කිරීම දැඩි අසාධාරණයක් බව ද කී එම සමාගම් රේගු ටෙන්ඩර් සම්බන්ධයෙන් දේශපාලන සහ මුදල් අමාත්යංශ බලපෑම් එල්ල වීමෙන් නිරන්තයෙන් මෙවැනි අවලංගු කිරීම් වන බවත් වැඩි දුරටත් සඳහන් කරයි.
රේගු මාධ්ය ප්රකාශක ජ්යෙෂ්ඨ රේගු අධ්යක්ෂ සීවලි අරුග්ගොඩ මහතාගෙන් මේ පිළිබඳව කළ විමසුමකදී පැවසුවේ ටෙන්ඩර් කැඳවීම් අවලංගු කිරීමට රේගුවට නීතිමය බලයක් ඇති බවයි.
පාර්ලිමේන්තු මන්ත්රීවරුන් රැසක් පාර්ලිමේන්තුවෙන් ගත් ආහාර වෙනුවෙන් හිඟ බිල්පත් රැසක් පියවා ගැනීමට ඇති හෙයින් එම මුදල පියවා ගන්නා තෙක් පසුගිය මස මන
මෙරට කූට ආනයනකරුවන් කිහිප දෙනකු කෘතිමව පිරිපහදු කළ ශරීරයට අතිශයින්ම අහිතකර තෙල් කිලෝ කෝටි 8000ක් පොල්තෙල් නමින් වෙළෙඳපොළට මේ වසරේදී නිකුත් කර ඇතැයි සමස
රුපියල් බිලියන 85ක මුදල් රජයට අහිමිවන ආකාර යෙන් කැසිනෝ ව්යාපාරයකට ගාස්තු නොමැතිව බලපත්ර ලබාදීමෙන් ජනතාවගේ මූලික අයිතිවාසිකම් කඩ වන ලදැයි සඳහන් කරම
රුපියල් කෝටි පන්සීයක බදු රජයට අහිමි කරමින් රේගුවට හොර රහසේ ආනයනය කළ සුඛෝපභෝගී මෝටර් රථ අත්පත් කරගැනීමෙන් නොනැවතී එම අනීතික ක්රියාවට දායක වූ සැකකරුව
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘සෝයා කුඩු’ විශේෂ ටෙන්ඩරය හිටිහැටියේ අවලංගු කරලා
උකුස්සා Friday, 15 March 2024 08:26 PM
රේගුවේ ලොක්කා දේශපාලු හොරාගේ කෝල් එක ලැබුණු ගමන් දණ ගහගෙන.. එහෙමයි සර් එහෙමයි.. සෑර්.. කියනවා නම් ඔය සොයා කුඩු ඔක්කොම හෙට ගෙදරටම එවන්නම්. ඒ වෙනුවට ලී කුඩු දාමු... කිව්වලු නේද?