සාලාව යුද හමුදා කඳවුරේ ගින්න ඇතිවීමත් සමග ඉරිදා (5) රාත්රියේ අවට පදිංචිකරුවෝ දැඩි නොසන්සුන්කාරී තත්ත්වයකට පත්ව සිටියහ.
තම නිවෙස් හැරදා ජීවිතය බේරා ගැනීමට ඔවුහු ඉවත්ව ගිය බව පැවසූහ. පූගොඩ ප්රදේශයටත් එහි බලපෑම් ඇතිවී තිබිණි.
පූගොඩ හා නවගමුවේ පිරිස් සිය අත්දැකීම් ලංකාදීපයට විස්තර කළහ.
පූගොඩ වැසියෙක් -
‘අපට ගල් බෝර දාන ශබ්දයක් වගේ ඇහුණා. ටීවී එකේ කියද්දියි අපි දැනගත්තේ හමුදා කඳවුරේ ගින්නක් කියලා. හවස 7 විතර වෙනකොට වහලෙට මොනවාද වැටෙන ශබ්දයක් ඇසුණා. අපි බයට එළියට ගියේ නෑ. මුළු අහසම රතු වෙලා තිබුණා. පොළොව දෙදරුම් කෑවා. අපි පණ බයේ ඉන්නකොට හමුදාවෙන් අපට ඉවත්වෙන්න කියලා දැනුම් දීලා තිබුණා. අපි අල්ලපු ගෙවල්වල අයත් එක්ක වෑන් එකක නැගලා පුළුවන් තරම් ඈතට ගියා. පිපිරුම් ශබ්දය නෑසෙන තෙක්ම ගියා‘
පූගොඩ තරුණියක් -
‘අපේ ගේ ගාවට මිසයිල කෑල්ලක් වගේ එකක් වැටුණා. අපේ මල්ලිගේ අතට වැටිලා එයාගේ අතත් තුවාල වුණා. අපේ ගෙදර බිත්ති හෙල්ලෙනවා වගේ දැනුණා. අපි ගොඩක් බය වෙලා හිටියේ. හැමෝටම දුරකථන ඇමතුම් දුන්නා. අපි ඉක්මනින්ම ගෙවල් දොරවල් ගැන බලාපොරොත්තු අතහැරලා ඈතට ගියා‘
සාලාව යුද හමුදා කඳවුරේ ඇතිවූ ගින්න හොඳින් දර්ශනය වූ නවගමුව උස් බිමක පදිංචිකරුවෙක් වන වී සෝමසිරි මහතා -
‘සවස 6ට පමණ මල් වෙඩි ගහනවා වගේ ශබ්දයක් ඇසුණා. ඒ එක්කම හංවැල්ල පැත්තෙන් ලොකු එළියක් අහසට විහිදුණා. මොකක්ද කියලා තේරුම් ගන්න බැරිවුණා. අහසම ආලෝකමත් වුණා. දුමකුත් ඉහළට ගියා. අපේ ගෙදර ඉඳන් කෑම්ප් එක තිබෙන්නේ කිලෝමීටර් 10ක විතර දුරින්. ඒ දුරටත් හොඳින් මේ පිපිරීම පෙනුණා‘
නවගමුව පත්තිනි දේවාලයේ අසල සුළු වෙළෙන්දෙක් වන රෝහිත ගුණවර්ධන මහතා -
‘සාලාව කඳවුරේ ගින්න හටගෙන සුළු වේලාවකින් වාහනවලින් විශාල පිරිසක් පූජා භූමියට ආවා. හයදාහක විතර සෙනගත් ආවා. සමහරු ඇඳිවත පිටින් දරුවන් අරන් ඇවිත් හිටියා. ඒ සියලු දෙනා පන්සලේ ධර්ම ශාලාවේ හා පූජා භූමියේ තිබෙන ශාලාවල නවාතැන් ගත්තා ඒ අයට අවශ්ය කෑම බීම පත්තිනි දේවාලය අසල සිටින වෙළඳුන් ලබාදුන්නා.
පන්සලේ හාමුදුරුවෝත් උදව් කළා. සමහරු රාත්රියේ ගෙවල්වලට ආපසු ගියා. කොටසක් උදේ ගියා‘
ඡායාරූප - ශාන්ත රත්නායක
ඉරානය සම්බන්ධයෙන් කළ ප්රකාශයක් මුල්කොට ගනිමින්, එක්සත් ජාතීන්ගේ මහ ලේකම් ඇන්තෝනියෝ ගුටරේස්ට ඊශ්රායලයට ඇතුළුවීම තහනම් කිරීමට ඊශ්රායල අග්රාමාත්
හිටපු විපක්ෂ නායක සහ දෙමළ ජාතික සන්ධානයේ හිටපු නායක ආර් සම්පන්දන් මහතාට ලබා දී තිබූ කොළඹ 7 මහගමසේකර මාවතේ පිහිටි නිල නිවස ඔහු මිය ගොස් මාස තුනකට ආසන්න ක
ඇඹිලිපිටිය මහගම ප්රදේශයේ තිරිවාන නිධිය කැනීම සම්බන්ධයෙන් කිසිදු ඉදිරි පියවරක් නොගන්නා බව නීතිපතිවරයා අභියාචනාධිකරණයට ඊයේ (02) පොරොන්දු විය.
ජාත්යන්තර මූල්ය අරමුදල සමඟ වන වැඩසටහනට අදාළව ජනාධිපති අනුර කුමාර දිසානායක මහතා ප්රමුඛ නව රජයේ ඉදිරි වැඩපිළිවෙළ පිළිබඳ සොයා බැලීමට ජාත්යන්තර මූල
තල් සංවර්ධන මණ්ඩලය තල් රා තල් වයින් සහ තල් අරක්කු ඇතුළු තල් ආශ්රිත නිෂ්පාදන අපනයනයෙන් පසුගිය වසර දෙකේ දී රුපියල් කෝටි 12 කට වැඩි ආදායමක් උපයාගෙන ඇතැයි
හිස කෙස් සැකසීම සඳහා ආලේපනයක් ගැල්වීමෙන් පසු කාන්තාවකගේ කෙස්කලඹ ගැලවී යාමේ සිද්ධිය සම්බන්ධයෙන් පොලිසිය සොයමින් සිටි රූපලාවණ්යාගාරයේ හිමිකාරිය අ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
සාලාවේ ගින්නත් සමග තැතිගත් අවට වැසියෝ සිද්ධිය විස්තර කරති
සතිෂ් Tuesday, 07 June 2016 12:57 AM
ජනතාව පීඩාවට පත්වෙලා ඉන්නේ. බඩු මිලවත් අඩු කරලා සහනයක් දෙන්න (නි)
අසෝකා Monday, 06 June 2016 10:26 AM
විපතකදී ලාබ ප්රයෝජන නොබලා මෙලෙස උදව් උපකාර කල සියලු දෙනාටම මගේ ප්රණාමය! (ර)
කලණි Tuesday, 07 June 2016 03:19 AM
මේවා ප්රදර්ශනයට අතින් ඇල්ලීමෙන් වළකිනමෙන්, ජනතාව දැනුවත් කරන්න.(ම)
විපුල Monday, 06 June 2016 12:16 PM
මේවගේ විපත් වලට රක්ෂණය කර තිබෙන නිසා බය වෙන්න දෙයක් නැහැ. ඔක්කොම කලින් තිබුන විදිහට හදල දෙයි. (ර)
අරවින්ද Monday, 06 June 2016 12:27 PM
අපි දැන්වත් එකිනෙකාට මෛත්රී කරමු. (ර)