හිටපු විනිසුරු සරත් ආබෘෘ උඩු මහලින් වැටී මරුට

වැටුනද ? පැන්නද? (බ)

කාට කාටත් හොඳ පාඩමක්. (බ)

අහෝ ඛේදයකි!!!! මීට පෙර සිතින් කොපමණ විදවන්න ඇතිද ? (බ)

ගැල සක ගොන්කුර පසු පස හඹායේ...(බ)

දිට්ටධම්මවේදනීය අකුසල කර්මද? (බ)

තමන් කළ අකුසල් තමා පසුපස එනවා. ජීවත්ව සිටින කාලේ දැහැමින් ජීවත්වෙන්න ඕන. බලය ගන්න කරන නරක දේට උදව්කරන්න යන්න හොද නැහැ (බ)

ඔබට නිවන් සුව ලැබේවා!!! (බ)

මට කනගාටුයි ඔහුගේ අභාවය ගැන (බ)

අහිංසක, ගෙදර වැඩ කළ ගැහැණු කෙනාගේ ප්‍රශ්නය නම් අපි ලංකාවේ අය විදිහට හොඳට දන්නවා. (නි)

ඇතිවී තියෙන ප්‍රශ්න වලට මුහුණ දෙන්න අපහසු වුණාවද්ද? (නි)

මට නම් කණගාටුවක් දැනුනේ නැහැ (නි)

මොනවා වුණාද මේ හදිසියේ? (නි)

වෙන්න තිබෙන දෙයක් කාටවත් වළක්වන්න බැහැ (නි)

ලංකාවේ දැන් ගොඩක් කට්ටිය උඩින් වැටිලා හරි මොකක්හරි කඩාවැටිලාමයි මැරෙන්නේ. වැඩේ කියන්නේ එහෙම මැරෙන හැම කෙනෙක්ගෙම පිටිපස්සේ තව කතාවක් තියනවා. (නි)

මේවා ලංකාවේ නීතියේ අඩුපාඩු. නීතිය වගන්තියට පමණි. පැමිණිල්ල නිවැරදිය, විත්තිය වැරදිය යන මතයෙන් පොලිසිය කටයුතු කිරීම මේ වගේ සිද්ධි වලට මුල බව අපේ මතයයි. ඔහුගේ අභාවය ගැන අපේ කණගාටුව! (නි)

කොහොම මේ මරණය සිදුවුණාද? අපි ඉවසලා බලමු (නි)

දිට්ට ධම්ම වේදනීය කර්ම වෙන්න ඇති. කළ කළ දේ පළ පළ දේ කියනවනේ. අභාවය ගැන කණගාටුව! (නි)

අපි බලමු. ඇත්ත හෙළිවේවි ඉක්මණින්ම (නි)

මේ වගේ චෝදනාවකට මුහුණපා සිටි හිටපු විනිසුරුවරයාට මොනතරම් චිත්ත පීඩා තිබෙන්න ඇද්ද? එනිසා ඔහු සමාජයෙන් සමුගත්තා කියා හිතන්න අපිට බැරිද? (නි)

විනිසුරුවන්ද මනුස්සයෝය. ඔබට නිවන් සුව! (නි)

පමාවෙලා හෝ ස්වභාව ධර්මයෙන් දඬුවම් කාටවුවත් ලැබෙන බව නම් ස්ථිරයි (නි)

කණගාටුදායක පුවතක් (නි)

කළකම් පළදෙනවා. ජීවත්වෙලා ඉන්න අයට මේවා පාඩම්. (නි)

කළකම් පලදුන් හැටි බලන්න (නි)

නීතිගරුක බව රැකගෙන අවසන් දිනය දක්වා ජීවත්වීමට සමහර අයට අපහසුයි. ඒ කෙසේ වෙතත් වටිනා ජීවිතයකි. ඔහුට නිවන් සුව ලැබේවා! (නි)

දැන් ගෙදර හිටපු මෙහෙකාරියට ලිංගික හිංසා කළ නඩුවට මොකද වෙන්නේ? (නි)

මටත් මේ මරණය ගැන සැකයි. අපි බලමුකෝ (නි)

තව කෙනෙකුට කරදරයක් වුණාම සතුටුවෙන එකම රට මේක වෙන්න ඇති. මොනවා වුණත් මෙතුමාගේ පවුලේ අයට යන කල ගැන හිතලා මට කණගාටුවක් ඇතිවුණා. යම් හිත් වේදනාවකිනුත් ඉන්න ඇති. වැඩ තහනමට ලක්වුණා. යම් යම් කරදර ආවා. සංසාරේ බිය අවබෝධ කරගෙන මතු සංසාරේ කුසල් කරලා නිවන් අවබෝධ කරගන්න ලැබේවා!! (නි)

මොනවා වුණත් අපරාදේ වටිනා ජීවිතයක්! (නි)

කරන කලට පව් මිහිරිය මී සේ... විඳින කලට දුක් දැඩිවෙයි ගිනි සේ... (නි)

ඔබ කළේ හොඳ වැඩද නරක වැඩද මට වැඩක් නැත. හතුරාට, මිතුරාට, සතාට, සිව්පාවට, මනුෂ්‍යාට, අමනුෂ්‍යයාට, දෙවියාට, බ්‍රහ්මයාට එකසේ මෙත්වඩනා බෞද්ධයකු වන මම ඔබට නිවන් සුව ප්‍රාර්ථනා කරමි! (නි)

සදුන්, ඔබ හරි. හතුරෙක් වුණත් මළ දවසක දොස් කියන්න හොඳ නැහැ. මෙතැන අදහස් ලියන අය කොහොම අයද කියලා තේරුම් ගන්න පුලුවන්. මේ ජිවිතයේ කරපු යම් කුසල කර්මයක් ඇත්නම් මතු සංසාරේ මේ වගේ විපත් නොවේවා! මෙතුමාට නිවන් සැප ලැබේවා!! (නි)

මේ ගැන මට නම් දුක්වෙන්න දෙයක් නැහැ. (නි)

සතුරෙකුගේ වුවත් විපතකදී සතුටුවීම හොඳ නැත (නි)

විපතකදී සතුටුවෙන එක මම නම් අනුමත කරන්නෙ නැහැ (නි)

නිවන් සුව ලැබේවා ඔබට! (නි)

මෙතුමා ගැන අපි හොඳින් දන්නවා (නි)

අනේ පව්! මොනවා වුණත් මනුස්සයෙක්නේ. (නි)

මැරුණ කෙනෙකු ගැන සතුටු නොවිය යුතු වුවත් අපිට ගන්න තියෙන පාඩම තමයි නීති තර්කවලින් දිනුවට කළ පව් වලින් ගැළවීමක් නැති බව (නි)

රටේ කොපමණ මේ දේවල් වෙනවද? නමුත් ඒවා ලොකු කරගෙන මිනිසුන්ට මඩගසන එක නොකළ යුතුය. (නි)

නීති තර්ක දාලා මොන ක්‍රමයෙන් බේරුනත් තමන් කළ නරක තමා පසුපස්සේ ඇවිත් පළදීම ගැන හොඳම සාක්ෂියක් මේ විස්තරය. (නි)

නිවසේ බැල්කනියේ තාප්පය ප්‍රමාණවත් උසක් නොපෙන්වන බවයි මගේ හැඟීම. (නි)

බුදු දහමට අනුව ජිවත් විය යුතුයි (බ)

මෙතුමා හොඳ කෙනෙක්....හොඳ තීන්දු තීරණ දුන්කෙනෙක් ...ඔබ තුමාට නිවන් සුව ලැබේවා.....(බ)

සඳුන් සහ ඩිලාන් වෙත ප්‍රභාකරන් මැරුනාම දුක් වුණාද? සතුටු වුණාද? (බ)

සඳුන් ඔබ හරි. විපතේදී සතුටු නොවන්න. මෙහි බොහෝ අය සිතන විදිහ හරි හෝ වැරදි වෙන්න පුළුවන්. එ්ත් මෙය පිරිහීමේ ලක්ෂණයක්. අපට බැහැ මේවා සාධාරණිය කරන්න. (බ)

තිලක්-ඩුබායි කරුණාකර මානසික වෛද්‍ය වරයෙක් හමුවෙන්න අනේ...(බ)

මැරෙන්නෙ නැති අය සෑහෙන්න ඉන්න බව නම් පැහැදිලියි සම හරක්ගෙ කොමෙන්ට්ස් බලද්දි. (බ)

යමෙකුට කරදරයක් වුණාම අපේ ගමක නම් කොච්චර සෙනඟක් එකතු වෙනවද? මෙතන එහෙම දෙයක් නැහැනේ. කණගාටුයි. (නි)

හරිම කණගාටුදායක පුවතක් (නි)

සදුන්, නුවන්, ඔබ හරි. හතුරෙක් වුණත් මළ දවසක දොස් කියන්න හොඳ නැහැ. මෙතැන අදහස් ලියන අය කොහොම අයද කියලා තේරුම් ගන්න පුලුවන්. මේ ජිවිතයේ කරපු යම් කුසල කර්මයක් ඇත්නම් මතු සංසාරේ මේ වගේ විපත් නොවේවා! මෙතුමාට නිවන් සැප ලැබේවා!! (නි)

ස්වභාව ධර්මය විසින් දෙන පණිවිඩය අපි පිළිගත යුතුයි. (නි)

මෙතුමාගේ ගේ දිහා බැලුවහම පේනවා සාධාරණ කෙනෙක් වෙන්න ඇති කියලා. උසාවියේ සමහර ලිපිකරුවන්ටත් මාළිගා තියෙනවා. සාමාන්‍ය අවංක රජයේ සේවකයෙක්ගේ ගෙයක්. අනිත් චෝදනා ගැන මම දන්නේ නැහැ. (නි)

කෙනකුගේ මරණයේදී අපි සතුටු වෙන්න හොඳ නැහැ. නමුත් මේ මරණයෙන් හැමෝටම පාඩමක් ඉගෙනගන්න පුළුවන්. එ් තමයි තමුන් කරපු වැරදි වලට දඬුවම මෙලොවදීම ලැබෙන බව. (නි)

පුදුමාකාර ආරංචි තමයි දවස ගානේ අහන්න වෙන්නේ (නි)

කොහොම වුනත් මේ පුද්ගලයාගේ හැඩ රුව දෙස බලපුවමනම් පෙනෙන්නේ දීර්ග කාලින මානසික පීඩනයකට ලක්ව සිටි බවයි ,,,,,,,(හේ)

අධිකරණ ක්ෂේත්‍රයට ලොකු පාඩුවක්..(හේ)

මේ වගේ දෙයක් වුනාම සතුටු වෙන පිරිසකුත් මේ රටේ ඉන්න එකයි පුදුම.(හේ)

මේ වෙන්න තියෙන දේවල්.(හේ)

අධිකරණය මගින් දඩුවම් ලැබෙන්නට පෙර දේව දඩුවම් ලැබී ඇති සැටි.(හේ)

මිනිසෙකුගේ ජිවිතයක් අහිමි වුනාම සතුටු වෙන තරමට අපේ සමාජය පිරිහිලා. (හේ)

ජිවත් වෙලා නරක වැඩ කරපු අය මැරුණම හොදයි.(හේ)

සරත් ආබෘෘ මහතාට නිවන් සුව පතමි, (ෆහ්)

මෙතන අදහස් දාන අය බොහොම කණගාටුවට, සංවේගයට පත්වෙලා ඉන්න ඇති නේද? (නි)

විපතකදිත් සතුටුවෙන පුදුමාකාර මිනිස්සු ඉන්න රටක් මේක (නි)

එතුමාට නිවන් සුව අත්වේවා! (නි)

සඳුන් ඔයාගේ අදහස හරිම ලස්සනයි (බ)

ඔහු සිය දිවි නසාගත්තනම් කොච්චර හිතින් විඳවන්න ඇත්ද එම තීරණයට එන්න . මිනිසුන් උපදින්නේ සමහර දුර්වලතා ඇති වගේම දක්ෂතාත් අැතුවයි (බ)

බොහොම කණගාටුදායක මරණයක්. ඔහු චූදිතයෙක් පමණයි. නඩුව තවම අහල ඉවරත් නැහැ හුඟක් අය ඔහුව වැරදි කාරයෙක් කරලා ඉවරයි. ඔහුට නිවන් සුව පතමි. (බ)

මැරෙන්න ඉස්සෙල්ලා නිවන් තියා අඩුගානේ දිවය ලෝකෙකටවත් යන වැඩපිළිවෙලක් හදාගන්න බලන්න ඕනේ! (හේ්)

කොහොමත් ගෙන ආපු ආයු කාලය ඉවර උනා , බුදු දහමේ හැටියට , අමා මහා නිවන් සුව ලැබෙන්න කියා පතමි.! (ර)

නොපමාව කුසල් රැස් කරන්න . අකුසලයට හිත යොමු නොකරන්න . (හේ)

ඩිලාන් සමග මම එකගයි. යමෙක් වරදක් කර ඇත්නම් ඔහුට නිසි දඩුවම් ලැබේවි. ඔහුට දඩුවම් කිරීම අපගේ කාර්ය නොවේ. මෙත් වැඩීමෙන් තමාටත් අනුන්ටත් යහපතක්ම සිදුවේ. ඔබ වැනි අපි හැමෝම සිතුවානම් බොහෝවිට අද මෙම පුවත මෙහි, මෙසේ සදහන් නොවනු ඇත. (ර)

දිට්ටධම්මවේදනීය අකුසල කර්ම----(හේ)

මොනවා උනත් මනුස්සයෙක් මැරුණම එයට අගෞරව කරන්න හොද නෑ. (ර)

අනේ පව් හොද මනුස්සයෙක් නැතිවෙලා තියෙන්නේ ...(හේ)

බොහෝ පිරිසක් ඔහුව වැරදි කාරයෙක් කරලා ඉවරයි. ඔහුට නිවන් සුව පතමි (හේ)

යම් කිසි කෙනෙකුට කරදරයක් වුනාම සතුටු වෙන අය ඉන්නේ ලංකාවේ විතරමද ?(හේ)

නිවසේ හැටියට නම් පෙනෙන්නේ බලය අයුතු ලෙස යොදාගෙන මුදල් පසුපස ගිය කෙනෙක් නොවන බවයි . (ර)

ඔබට නිවන්සුව.! (ර)

අප කිසි කෙනෙක් දන්නේ නැහැ අපට කොයිවිදියේ මරණයක් අත්වෙයිද කියලා.(හේ)

ඩිලාන්.ඔබ හරි හැටි දැනගෙන අදහස් දාන්න. (ර)

කෙනකු අදිකරණයෙන් දඩුවම් ලබනතාක් කල් ඔහු නිවැරදිය. (හේ)

වැටිලාද? පැනලාද? නැත්නම් කවුරුන් හෝ තල්ලු කරලාද? අපිට මෙය ප්‍රශ්නයකි (නි)

අනේ පව්! ඔහුගේ මුහුණින් පිළිබිඹු වන්නේ ඔහු ප්‍රශ්න රැසකටම මැදිවෙලා ඉන්නවා වගේ. ඔහුට නිවන් සුව! (නි)

අධිකරණ සහ නීති ක්ෂේත්‍රයට සම්බන්ධ කෙනෙකු ලෙස මෙතුමා ගැන මම හොඳින් දන්නා නිසා මෙලෙස මෙතුමාගේ ජීවිතය අවසන්වීම ගැන පුදුම නොවෙමි (නි)

ජීවත්වෙන ටික කාලෙට අපි අකුසල් කරන්න හොඳ නැහැ (නි)

මෙම විනිසුරුතුමා නීති විදුහලේ පටන්ම මා දන්නා කෙනෙක් හැටියට මා අවංකවම කණගාටු වෙනවා ඔහුට සිදුවී ඇති ඛේදවාචකය සම්බන්ධව. එකල හරිම සංවේදී, කතාබහෙන් අඩු මා ප්‍රියකළ චරිතයක්. පසුගියදා මා ලංකාවට ගිය විගස ඔහු හමුවන්නට ඔහුගේ නිල කාර්යාලයට ගොඩවුණා. මා සමඟ ඔහු කී විස්තර ඇසුවාම මාගේ දෑසට ඇත්තටම කඳුලින් තෙත්වුණා. මෙහිදී ඔහු සිදුකර ඇති දේවල් ඇත්තටම සිදුවෙලා නැද්ද යන්න මා නොදන්නා නමුත් කොතරම් උසස් නිලතල දැරුවත් මානසික වශයෙන් ඔහුට සිදුවී ඇති ආතතිය දරාගන්නට ඇත්තේ කෙසේද යන්න ඔබ සැමට බාරයි. අද ඔහු සියල්ලෙන් මිදී ගොස් ඇත. මිනිසුන් වශයෙන් අපි ඔහුට සිදුවූ විපත ගැන අවංකවම දුක් විය යුතුයි. මිතුර, ඔබට නිවන් සුව! (නි)

උණු නිසා බොන්නත් බැහැ, කිරි නිසා අහක දමන්නත් බැහැ කියනවා වගේ ලොකු ලොකු අයගේ නඩු එමට තියෙනවනේ. (නි)

මේ විනිශ්චයකාරතුමා හරිද වැරදිද කියලා නීත්‍යානුකූලව තීරණයක් දීලා නැති වෙලාවක ඔහු ජීවිතයෙන් සමුගෙන තියනවා. අපි එකපාරටම තීන්දු දෙන එක සාධාරණ නැහැ. කොහොමටත් ඔහු ජීවිතය හැර ගිය අවස්ථාවේ දොස් තැබීම හොඳ නැහැ නේද? (නි)

දැන් දැන් සිද්ධවෙන බොහෝ දේවල් අපිට තේරුම්ගන්න අමාරුයි (නි)

අවාසනාවන්ත සිදුවීමක්. අපිට කණගාටුයි (නි)

මෙවැනි ප්‍රතිචාර අධිකරණ ක්ෂේත්‍රයේ තවත් අයට ලැබෙයිද? අපි බලමු... (නි)

අනේ පවු. ප්‍රේමලතා කියන්න වගේ මැරෙන්නෙත් හොඳ මිනිස්සුමනේ. නිවන් පුරේ රුවන් දොර වහන්න බැරි තරමට දැන් ඒක ‘හවුස්ෆුල්‘ තත්වයෙන් ඇති, අපේ මේ වගේ ඇත්තන්ගෙන්ම පිරිලා. අපි නම් ඉතින් අපායටවත් ගිහිල්ලා බලමුකෝ! (නි)

මම නම් හිතන්නේ නැහැ තමන් ඕනෑකමින්ම උඩුමහලකින් බිමට පනීවි කියලා (නි)

ඔබට නිවන් සුව පතමි! මරණයෙන් ඔබ්බටද ගෙන යන තරහක් ඇති පිරිසක් මේ බිමේ පහළව ඇති බව දැක සන්තාපයට පත් වෙමි. (නි)

රටේ තිස් වසරක යුද්ධය අවසන්කරපු රණවිරුවන් දංගෙඩියට ගෙනියන අණ පනත් විනාඩි 45 න් සම්මත කරගත් රටක මේවගේ අභිරහස් මරණ සිදුවීම පුදුමයට කරුණක් නොවෙයි (බ)

නිතිය ක්‍රියාත්මක කරන්නවුන් කරන හා නීතියේ කඩතුරාව තුළ කරනු ලබන වැරදි ක්‍රියාවන් පිළිබද කටයුතු කිරීමට නිසි යාන්ත්‍රණයක් අවැසි බව නොකිවයුතු මනාය. (බ)

තමන් හරිද වැරදිද කියන එක එතුමා දන්නවා ඇති ඔහු කළ දේවල් ඔහු අරගෙනයි යන්නේ .අපි නිකන් ඔහුට වෛර කරලා වැඩක් නැ. (ම)

ලංකාවේ ඉන්නේ වචනයක් පසුපස හබායන මිනිසුන් මිස සත්‍යය තම බුද්ධියෙන් දකින්න වෙහෙසෙන මිනිසුන් නොව, ඇත්තෙන්ම නරක මිනිසුන්ට ගිය රටක් මේක ....හොද මිනිසුන්ට තැනක් නැහැ අද සමාජයේ ඔබට නිවන් සුව පතනවා....!!!! (ම)

මේ ළඟකදී මගේ යෙහෙළියකගේ අවාසනාවන්ත මරණයකදී එයා ගැන ගම්මු කිවේ ඉස්සර වගේ නෙවෙයි දැන් වැරදි කරපු අයවලුන්ට මෙලොවදීම අකුසල් පල දෙනවා කියල. (ම)

මෙයා ඉන්න පළාතේ තමයි.මනුස්සයෙක් වගේ නෙමෙයි ජීවත් වුනේ.(හේ)

අධිකරණයටත් හිසරද නඩු මෙහෙම ඉවරවෙන එක හොදයි..(හේ)