නිරූපණ ක්ෂේත්රයට නවකයෙකු වන උමේෂිකා රත්නායක සමගින් මෙවර "සාරවිට" තරු කතා බහ ආරම්භ කරන්නට අපි සුදානම් වුණේමු. දෙරණ රූපවාහිනි නාලිකාව මඟින් මේ වසරේදී සංවිධානය කළ "දෙරණ අවුරුදු කුමරිය" තරගයේදී අවසන් තරගකාරියන් අතරට එක්වු උමේෂිකා මේ වන විට වෙළෙඳ දැන්විම් කිහිපයකද අපට දකින්නට ලැබේ.
ඔබ නිරූපණ ක්ෂේත්රයට එක් වුණේ මෑතකදී නේද?
ඔව්, දෙරණ රූපවාහිනි නාලිකාව විසින් සංවිධානය කළ "දෙරණ අවුරුදු කුමරිය" තරගයට එක්වීමත් ඉන් පසුව එහි අවසන් තරගකාරියන් අතරට එක්වීමත් හරහා තමයි නිරූපණ ක්ෂේත්රයට එන්න මාවත විවර වුණේ.
ඔබ සහභාගී වු "දෙරණ අවුරුදු කුමරිය" ගැන සඳහනක් කරනවා නම්?
මේ තරගය ගැන මට කිව්වේ චමිත් කියලා ගේ යාළුවෙක්. ඔහුත් මේ තරගයට සහභාගී වුණා. තරගය සඳහා තෝරා ගන්න දවසේ හිටිය පිරිස දැකලා අපි දෙන්නා මේ තරගයට ඉදිරිපත් නොවී ආපසු යන්නත් හැදුවා. තරගය ගැන තිබ්බ ආසාව නිසාම අපි දෙන්නා හිටියා. එදා නම් හිතුවේ අවසන් වටයටවත් එන්න බැරිවෙයි කියලා. නමුත්, මගේ තිබුණ වාසනාවත්,දක්ෂතාවයටත් අවසන් තරගකාරියන් 12 දෙනා අතරට මට එන්න පුළුවන් වුණා. අවසන් තරගකාරියන් අතරේ හොඳම කේෂකල්යාණි විදිහට තේරුණෙත් මමයි. ඇත්තටම ඒ තරගය මට හොඳ අත්දැකිමක් ගෙනදුන්නා.
දැන් නිරූපිකාවක්ද ඔබ?
ඔව්. හැබැයි වෘත්තිය මට්ටමේ නිරූපිකාවක් නම් නෙවෙයි. ඉඩ ලැබෙන විදිහට තමයි නිරූපණ කටයුතු වලට මම දායක වෙන්නේ. මොකද දැනට මම රැකියාවක් කරන නිසා.
ඒ කියන්නේ ඔබගේ විනෝදාංශයක් මේක?
"හොබි" එකක් විදිහට නිරූපණ කටයුතු කරන්නේ නැහැ. නමුත්, රැකියාවත් එක්ක තියෙන කාර්යබහුලත්වයත් එක්ක නිරූපණ කටයුතු කරන්නේ ඉතා අඩුවෙන්. හොද නිර්මාණ වලට ආරාධනා ලැබුණොත් මම දායක වෙනවා.
දැනට ඔබ වෙළෙඳ දැන්වීම් කිහිපයකට දායක වෙලා තියෙනවා?
"මොබිටෙල්", "හැටන් නැෂනල් බැංකුව" හා සණස සංවර්ධන බැකුව^ විසින් කරපු වෙළෙඳ දැන්විම් වලට දායක වෙලා තියෙනවා.
පුංචි කාලෙත් ඔබ කලාවට දක්ෂයි?
පුංචි කාලේ නම් මගේ හිතේ තිබුණේ කවදහරි ගුවන් සේවිකාවක් විදිහට රැකියාව කරනවා කියලා. නමුත්, පාසල් යන කාලේ මම නර්තන ශිල්පිණියක් විදිහට කටයුතු කරලා තියෙනවා. පාසල් නර්තන කණ්ඩායමේ සාමාජිකාවක් විදිහට සහභාගී වෙලා සමස්ත ලංකා මට්ටමේ පවා ජයග්රහණ මම දිනාගෙන තියෙනවා.
රංගනයට යොමු වෙන්න අදහසක් නැද්ද?
ආරාධනා නම් ලැබිලා තියෙනවා. රැකියාවත් එක්ක මට ඒ දේවල් වලට සම්බන්ධ වෙන්න වෙන්න බැරි වුණා. රැකියාවත් අලුත් නිසා මට ඒ දේවල් වලට සම්බන්ධ වෙන්න කාලයක් තිබුණේ නැහැ.
නිරූපිකාවක් විදිහට ඔබ තෘප්තිමත්ද?
ඔව්, අනිවාර්යයෙන්ම. මොකද නිරූපිකාවක් විදිහට වැඩ කරන්න ලැබුණ මේ කෙටි කාලය තුළදී මාව බොහෝ දෙනෙකු අඳුනගත්තා. ඒ වගේම මගේ රූපය වගේම නමත් අද වන විට යම් පිරිසක් අඳුනනවා.
උදව් කළ අය කවුද?
මගේ ගෙදර අය තමයි විශේෂයෙන්ම උදව් කළේ. ඊට අමතරව දෙරණ නාලිකාව තමයි මාව අඳුන්වලා දුන්නේ. මොකද, "දෙරණ අවුරුදු කුමරිය" තරගයට ඉදිරිපත් නොවුණා නම් අද මම මේ ක්ෂේත්රයට එන්නේ නැහැ.
බුද්ධික සේනාධීර
ඉදිරි මහ මැතිවරණය සඳහා තමා ඉදිරිපත් නොවන බව හිටපු මුදල් රාජ්ය අමාත්ය ශෙහාන් සේමසිංහ මහතා පවසයි.
එක්සත් ජනරජ පෙරමුණ මහ මැතිවරණයට අපේක්ෂකයන් ඉදිරිපත් නොකරන බව එම පක්ෂයේ නායක හිටපු පාර්ලිමේන්තු මන්ත්රී පාඨලී චම්පික රණවක මහතා පැවසීය.
ග්රීසිය දැඩි ආර්ථික අර්බුදයකට ලක්ව සිටින බව දැන දැනම ග්රීක බැඳුම්කර මිලදී ගැනීමෙන් ශ්රී ලංකා රජයට රුපියල් කෝටි 184 කට අධික පාඩුවක් කළ බවට හිටපු මහ බැ
ශ්රී ලංකාවේ බංග්ලාදේශ මහ කොමසාරිස් අන්දලිබ් එලියස් (Andalib Elias) මහතා අද (10) පෙරවරුවේ ජනාධිපති කාර්යාලයේ දී ජනාධිපති අනුර කුමාර දිසානායක මහතා හමු විය.
ශ්රී ලංකාවේ පාකිස්ථාන මහ කොමසාරිස් මේජර් ජෙනරල් ෆහීම් උල් අසීස් (Major General (Retd) Faheem Ul Aziz HI (M))මහතා අද (10) ජනාධිපති කාර්යාලයේ දී ජනාධිපති අනුර කුමාර දිසානායක මහතා හ
ශ්රී ලංකාවේ සෞදි අරාබි තානාපති කලිඩ් හමඩ් නසාර් අල්දසම් අල්කතානි (Khalid Hamoud Nasser Aldasam Alkahtani) මහතා අද (10) පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානා
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
'හොබී' එකක් විදිහට මම මොඩ්ලින් කරන්නේ නැහැ