ලන්ඩන් නුවර ශ්රී ලාංකික සමාජ සේවා ආයතනයක් වන හවුන්ස්ලෝ ශ්රී ලංකා ජනහඬ පදනම විසින් නවවන වතාවටත් සංවිධානය කළ සිංහල සහ දෙමළ අලුත් අවුරුදු උළෙල පසුගියදා ක්රන්ඵර්ඩ් විද්යාලයයේදී පැවැත්විණ.
එහි සභාපති ශ්රී ලාල් ඩයස් පැවසුයේ
හවුන්ස්ලෝ ශ්රී ලංකා ජනහඬ පදනම සමඟ ශ්රී ලාංකික දෙමළ සංවිධානයක් වන පොටර්ස් පැලස් දේව සභාවද එකමුතුව මෙවර අවුරුදු උත්සවය සංවිධානය කළ බවයි.
සිංහල සහ දෙමළ කණ්ඩායම් එකමුතුව ලන්ඩන් නුවර අවුරුදු උත්සවයක් සංවිධානය කළ මුල් අවස්ථාව මෙය බව ද ඩයස් කියයි.
ලන්ඩන් නුවර සහ ඉන් බැහැරව ජීවත්වන සිංහල, දෙමල සහ මුස්ලිම් ශ්රී ලාංකික පවුල් විශාල සංඛ්යාවක් උත්සවය සඳහා සහභාගී වුහ.
ලන්ඩන් බෞද්ධ විහාරාධිපති මහා බ්රිතාන්යයේ ප්රධාන සංඝ නායක බෝගොඩ සීලවිමල නා හිමි, ශාන්තිරන් කුරුක්කල් තුමා සහ සචිත්තානන්දන් පියතුමා උත්සවයේ ආගමික කටයුතු කළහ.
ප්රධාන ආරාධිත අමුතා වුයේ ශ්රී ලංකා මහ කොමසාරිස් වෛද්ය ක්රිස් නෝනිස් මහතාය.
මහ කොමසාරිස් කාර්යාලයේ කිත්සිරි හේරත්, සේපාල රත්නායක, බ්රිතාන්ය පාර්ලි මේන්තු මන්ත්රීනි සීමා මල්හෝත්රා, ප්රාදේශීය නගර සභා මන්ත්රීන් වන ජග්දීෂ් ශර්මා, සචින් ගුප්තා ඇතුළු නගරාධිපති වරුන් සහ නගර සභා මන්ත්රීන් කිහිප දෙනෙක්ද ශ්රී ලංකා සංචාරක ප්රවර්ධන ආයතනයේ නලින් පෙරේරා සමඟ සම්භාවනීය අමුත්තන් විශාල ප්රමාණයක් උත්සවයට සහභාගී වුහ.
ආරාධිත අමුත්තන් අතින් සම්ප්රදායික පහන දැල්වීමෙන් උත්සවයේ වැඩ කටයුතු ආරම්භ විය.
පැමිණ සිටි සියල්ල පිළිගන්නා ලද්දේ හවුන්ස්ලෝ ශ්රී ලංකා ජන හඬ පදනමේ අනුශාසිකා සුර්යා සමරවීර විසිනි.
සම්ප්රදායික ක්රීඩා සහ සංස්කෘතික අංග බොහෝ ගණනක්ම එදින පැවැත්විණි.
ඉතා අලංකාරවූ සංස්කෘතික සංදර්ශනයක්ද පැවැත්විණි. මෙහිදී ලන්ඩන් නුවර ජීවත්වන සිංහල සහ දෙමල දරු දැරියන් සහ දෙමාපියන් හට ඔවුනගේ දක්ෂතාවයන් ඉදිරිපත් කිරීමට අවස්ථාව ලබාදී තිබිණි.
ආසිරි බණ්ඩාර සමඟ ශිරාන් අල්මේදා නිවේදනයෙන් දායක විය.
සංදර්ශනයේදී ඉදිරිපත්කළ ළමා නර්තන අංග පුහුණු කිරීම සඳහා සුරේෂි චන්ද්රසේන ඇතුළු කණ්ඩායම ඉමහත් වෙහෙසක් ගෙන ඇතිබව කියවිණි. මිඩ්ලන්ඩ් සරසි නර්තන කණ්ඩායම මඟින් ඉදිරිපත්කල විශේෂ නර්තන අංගයන් පැමිණ සිටි කාගේත් පැසසුමට ලක්විය.
හංසි විජේවික්රම මෙවර ජනහඬ අවුරුදු කුමාරිය ලෙසින් ජයගහණය කල අතර දෙවෙනි සහ තුන්වෙනි ස්ථාන දිනා ගන්න ලද්දේ සත්මා නුගේරා සහ ධනු විද්යා විසිනි.
ලන්ඩන් නුවර පදිංචි ශ්රී ලාංකික ගායන ශිල්පීන් සහභාගීවූ සංගීත සංදර්ශනයක් ද පැවැත්විණි. ඒ සඳහා සංගීතය සපයන ලද්දේ ශාන්ත සහ සී 7 කණ්ඩායමයි.
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
හිස්බුල්ලා සටන්කාමීන් ඉලක්ක කර ගනිමින් ඊශ්රායලය දිගින් දිගටම ප්රහාර එල්ල කරන බවත්, පසුගිය පැය 24 ක කාලය ඇතුළත ඊශ්රායල හමුදා එල්ල කළ ප්රහාරවලින් මි
ඌව වෙල්ලස්ස විශ්වවිද්යාලය අසල ග්ලේන්පින්වත්ත හිගුරුගමුව රක්ෂිතයේ රාත්රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ
පොදු ජන පෙරමුණේ සිතූ තරම් පිරිසක් තමාට ඡන්දය ලබාදී නැතැයි හිටපු ජනාධිපති රනිල් වික්රමසිංහ මහතා පාක්ෂිකයන් සහ හිතවතුන් සමග කොළඹ මල් පාරේ දේශපාලන කාර
රට හදන්නට ජනපතිට සම්පූර්ණ සහය දෙන බව මැල්කම් කාදිනල් රංජිත් කොළඹ අගරදගුරු තුමන් ජනාධිපති අනුර දිසානායක මහතා හමුවේ පැවසීය.
රුසියාව සමඟ යුද්ධය අවසන් කිරීමට ඔන්න මෙන්න යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හවුන්ස්ලෝ ශ්රී ලංකා ජනහඬ අවුරුදු උළෙල
ප්රියා Monday, 21 April 2014 07:02 AM
හරිම ලස්සනයි. සුභ පැතුම්! (නි)
චමින්ද Monday, 21 April 2014 04:10 PM
මම ඉන්න රටෙත් අවුරුදු උත්සව පවත් වනවා. නමුත් නැති එකම අංගය තමයි "අවුරුදු කුමාරි " තේරීමේ තරගය. හේතුව වෙලා තියෙන්නේ කිසිම තරග කාරියක් තරගයට ඉදිරිපත් නොවීමයි.(නදී)