2008 වසරේ ශ්රී ලංකා රූ රැජින ලෙස කිරුළ හිමිකර ගත්තේ ඇයයි. රූපවාහිනී වෙළඳ දැන්වීම් නිරූපණය සඳහාද ඉන්පසු දායක වූ ඒ සුරූපිනිය ෆේත් ලෑන්ඩර්ස්ය. ශ්රී ලංකාවේ ගුවන් සේවයේ රැකියාවේ නියුතු ෆේත් පසුගියදා යුගදිවියට පිවිසියාය. ඇගේ අතගනු ලැබුවේ ශ්රී ලංකන් ගුවන් සේවයේ ගුවන් නියමුවෙකු වන ගයාන්ය. ෆේත්ගේ හැඩකාර අලූත් ජීවිතයේ තොරතුරු සඳහන් වන්නේ මෙලෙසිනි. ෆේත් කොහොමද අලූත් ජීවිතය අලූත් ජීවිතය සුන්දරයි. ගයාන් ගුවන් නියමුවරයෙක්. ශ්රී ලංකන් ගුවන් සේවා ක්ෂේත්රයට සම්බන්ධව දෙදෙනාම කටයුතු කිරීම නිසා සතුටුයි. කොහොමද හමුව ඇතිවුණේ? අපි දෙන්නම ශ්රී ලංකන් ගුවන් සේවයට එක් වී වසර හත අටක් වෙනවා. එහිදී දැන හඳුනාගත් අවබෝධය අන්තිමට කෙළවර වුණේ විවාහයෙන්. ඔහු ප්රකට ව්යාපාරික පවුලකට අයත් කෙනෙක් නේද? අපි එහෙම කියමු. ඔහුගේ පවුලේ විස්තර කිව්වොත්? ගයාන් ඉගෙන ගත්තෙ රාජකීය විදුහලෙන්. අම්මා තාත්තා සහ එයාගෙ නංගි පවුලේ උදවියයි. ඔබගේ පවුලේ කවුද? දෙමාපියන්ට අමතරව අක්කලා දෙන්නා සහ මම. ෆේත් 2008 රූ රැජින වීමෙන් පසුව ඔබ ක්ෂේත්රයේ ජනප්රිය වුණේ වෙළෙඳ දැන්වීම් සහ නිරූපණ අංශයට සම්බන්ධව සිටි නිසයි. දැන් ඒ අංශ වලින් ඈත්වෙලාද? ඇත්තටම විවාහයට පෙර ඉඳලම තමයි ඒ අංශයෙන් ඉවත්ව සිටින්නේ. ඒ අවස්ථාවලට අමතරව ඔබට රඟපෑම සඳහාත් ආරාධනා ලැබුණා. නමුත් ඒ සියල්ල වෙතින් ඈත්වීම ඔබ දකින්නේ? මම හිතන්නෙ ජීවිතේ කියන්නෙ එක්දෙයක් නැතිනම් එක් විෂයකට විතරක් සීමා වූ අංශයක් නෙවෙයි. සමහර වෙලාවට අපට ජීවිතේ සමහර දේවල් දිගටම කරන්න බැහැ. අද මම බිරිඳක් ලෙස දැරිය යුතු වගකිම් සහ යුතුකම් වටහා ගැනීමට උත්සාහ ගනිමින් ඉන්නෙ කිව්වොත් හරි. ඒ නිසා ඒ දේවල් නොලැබුණා කියලා මට දුකක් නැහැ. ඊට වඩා හොඳ දෙයක් මට ජීවිතයට ලැබිලා තියෙන්නෙ. මම ඒ ජීවිතයට ගරු කරන්න ඕන. විවාහ ජීවිතේ කොහොමද දැනෙන වෙනස? තවම මාස දෙකයිනෙ. අපි දෙන්නා දෙපැත්තෙම ගෙවල් දෙකේ සිටින නිසා ගෙවල්වල අය හැමදේම සම්පාදනය කරනවා. ඉතින් අපි දෙන්නගේ අලූත් ගෙදරට ළඟදීම ගියාම මට මීට වඩා වගකීම් දරන්න වේවි. ඔබගේ විවාහ උත්සවය පැවැත්වූ ආකාරයත් හරි අපූරුයි. ඒ මතකය මොහොතකට සිහිපත් කළොත්? මම හිතන්නේ විවාහය කියන්නෙ සුන්දර මොහොතක්. ඒ මෙහොතේ සිදුවීම් සැමදාටම සදාදරණීයයි. මතකයේ රැඳෙන බොහෝ අංග සමගින් අපි උත්සවය පැවැත්වුවා. එක් අවස්ථාවක නෑදෑ පිරිවර අප දෙන්නා සමග ගමන් කළේ ඩබල් ඩෙකර් බස් රථයෙන්. මේ වගේ බොහෝ සුන්දර සිදුවීම් එහි තිබුණා. නිරූපණ කටයුතු වලින් ඔබ සම්පූර්ණයෙන්ම ඉවත්වෙලාද? මම හිතන්නෙ අපි ඉගෙන ගත් දේ සමාජයට ලබාදෙන්න පුළුවන් නම් හොඳ දෙයක්. ඒ නිසා ආධුනික නිරූපණ ශිල්පිනියන්ට වෘත්තියක් ලෙස එය ඉතා නිවැරදිව පවත්වාගෙන යා යුතු විදිය ආදිය ගැන වටහා දෙමින් තිරය පිටුපස සිට කාර්යභාරයක් කරන බව කියන්න පුළුවනි. රූ රැජින තරග සඳහා තරග කරන අයට උපදෙස් සහ පුහුණුවීම් ලබාදීමටත්, විනිශ්චයටත් දායක වෙනවා. ඉදිරි ජීවිතේ කොහොමද සැලසුම් කරල තියෙන්නෙ? අපේ අලූත් ගෙදරට යාම මූලික අරමුණයි. ගයාන් කොහොම කෙනෙක්ද? ම්... හරිම හොඳයි. රැකියාව වගේම කළ අනෙකුත් දේ හරියට කළ නිසා ඒ ජනප්රියත්වය හොඳටම ඇති. දැන් සුපුරුදු පරිදි සාමාන්ය සරල ජීවිතයක් ගත කරන්න කියලා එයා කිව්වා. මාත් ඒකට කැමතියි. ඉන්පසු අපි තොරතුරු විමසුවේ ගයාන්ගෙන්... ගයාන් අපි කැමැතියි ඔබගේ බිරිඳ ගැන යමක් පවසනවා නම්? ඇත්තටම මම නිවැරදි තේරීමක් කළා කියලා හිතෙනවා. කාන්තාවකට තිබිය යුතු සියලූ යහපත් ගුණාංග ඇය සතුයි. ඒ ගැන මට හරි සතුටුයි. ඒ බව වටහාගත් නිසා තමයි ෆේත්ව බිරිඳ ලෙස තෝරා ගත්තෙත්. ගයාන් මේ ගුවන් නියමු ජීවිතේ කොහොමද? ඇත්තටම කුඩා කාලයේ ඉඳලාම මම ආසා කළේ ඒ අංශයට. මම ඉතාමත් සතුටින් එය කරන්නෙ. ලෝකයේ කීප දෙනෙකුට විතරක් ලැබෙන වරමක් වැනි අවස්ථාවක්. ඒත් මම මෙය ආස්වාදය කරන්නේ රැකියාවකට වඩා ජීවිතේ ලබන සුන්දර අත්දැකීමක් ලෙසයි. ඒ නිසා වඩාත් තෘප්තිමත්ව මේ රැකියාව කරන බව කියන්න පුළුවනි.
යුද හමුදා සෙබලුන් රැගත් බස් රථයක් සහ ලොරියක් මුහුණට මුහුණ ගැටීමෙන් බස් රථයේ රියදුරු ඇතුළු යුද හමුදා සෙබළුන් 22 ක් තුවාල ලබා රෝහල් ගත කළ බව කිරිඳිවැල පොල
මාලිමාවට මෙවර පළාත් පාලන මැතිවරණයේදී බොහෝ තැන්වලින් බහුතරයක් නොලැබෙනු ඇතැයි හිටපු ජනාධිපති රනිල් වික්රමසිංහ මහතා සිරිකොත එක්සත් ජාතික පක්ෂ මූලස්ථ
ලක්ෂ 26ක් වංචා කළ වරදට අවුරුදු 16ක සිර දඬුවමක් ලැබුණා නම් සමහරුන්ට ඉදිරියේදී නියම වන දඬුවම් මේ ආත්මයේ ගෙවා නිම කරන්නට බැරි වනු ඇතැයි ජනාධිපති අනුර කුමාර ද
ෆ්රැන්සිස් පාප් වහන්සේ පාස්කු සඳුදා අද(21) ස්වර්ගස්ථ වූ බව වතිකානය නිවේදනයක් නිකුත් කරමින් ප්රකාශ කළේය.කැසා සැන්ටා මාර්ටාහි පාප්වහන්සේගේ නිවහනේදී ෆ
පළාත් පාලන මැතිවරණයට ඉදිරිපත් කළ නාම යෝජනා පත්ර ප්රතික්ෂේප කිරීමට එරෙහිව ගොනු කර තිබූ පෙත්සම් 60 ක් විභාගයට නොගෙන නිෂ්ප්රභ කිරීමට අභියාචනාධිකරණය න
පළාත් පාලන මැතිවරණයට පෙර දේශපාලන වාසි තකා පාස්කු ඉරිදා බෝම්බ ප්රහාරය විකුණන් කෑම නවත්වන්නැයි ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 බ්ලූ ප්ලැනට් ත්යාගලාභී මොහාන් මුණසිංහ මහතා, 2025 අප්රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්යක්ෂක හසිත් ප්රේමතිලක මහතා සහ හේලීස් සෝලාහි අධ්යක්ෂක/ප්රධාන විධායක නිලධාරී රොෂේන් පෙරේරා මහතා සමඟ කතාබ
අප්රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ෆේත්