(අනීෂා මානගේ)
 
අඟුණකොළපැලැස්ස බන්ධනාගාරයේ රැඳවියන් ආරම්භ කළ විරෝධතාව අවසන් කර අද(1) පෙරවරුවේ සිරමැදිරියේ වහලයෙන් බැස ඇතැයි බන්ධනාගාර ආරංචි මාර්ග කියයි.
 
අඟුණකොළපැලැස්ස බන්ධනාගාරයේ රැඳවියෝ 15 දෙනෙක් “ඒ” සහ“සී” සිරමැදිරිවල වහලය මතට නැඟ පසුගිය 23 වැනිදා විරෝධතාවක් ආරම්භ කළහ.අභියාචනාධිකරණ නඩු කටයුතු ක්‍රියාත්මක කිරීම,සිවුවස් සමාලෝචනය ක්‍රියාත්මක කරන ලෙස සහ ඇප ලබා දීමසිදුකරන ලෙස ඉල්ලමින් මෙම රැඳවියෝ විරෝධතාවයේ නිරත වූහ.
 
කෙසේ වුවද “සී” සිරමැදිරියේ වහලය මත සිටි රැඳවියන් 10දෙනා ඉකුත් 26 වැනිදා පස්වරුවේ විරෝධතාව අත්හැර වහලයෙන් බැස තිබූ අතර අනෙක් රැඳවියෝ 5දෙනා පමණක් ඊයේ(30) දින වන විට අටවැනි දිනටත් විරෝධතාවයේ නිරත වෙමින් සිටියහ. එම රැඳවියන් 5දෙනාද අද(1) පෙරවරු කාලයේ සිරමැදිරියේ වහලයෙන් බැස තිබූ බව බන්ධනාගාර නිලධාරිහු පැවසූහ.