ඉතාලියට සංක්‍රමණය වී ඇතුළුවීමේ වරපත (පෙර්මෙස්සෝ දී සොජ්ජෝර්නෝ)ඇති වයස අවුරුදු 18ත් 30ත් අතර තරුණ  තරුණියනට ද ඉතාලියේ උපත ලත්  වයස අවුරුදු 18ත් 30ත් අතර තරුණ  තරුණියනට ද ස්වයං රැකියාවක් අරඹනු පිණිස ආපසු නොගෙවුවමනා ආයෝජන මුදලක් ( ඉයුරෝ 10000සිට - ඉයුරෝ 50000 දක්වා ) ලබාදීමට ඉතාලි රජයේ රැකියා සහ දේශපාලන සමාජසේවා අමාත්‍යාංශය විසින් සැලසුම්කර තිබේ.

තරුණියනට ප්‍රමුඛතාව ඇතිව  තරුණ විරැකියාවට පිළියම් පිණිස දෙන මෙම ස්වයං රැකියා නොගෙවුවමනා ආයෝජන මුදල් සහ ව්‍යවසාය  උපදෙස්  ශ්‍රී ලාංකික  තරුණ  තරුණියනට ද හිමිවෙයි.

ආයෝජන මුදල් ද ව්‍යවසාය උපදෙස් ද පසු විපරම් සහ අදාළ වැඩමුළු ද  රැකියා සහ දේශපාලන සමාජසේවා අමාත්‍යාංශය විසින් සිදුකැරේ .
මේ ස්වයං රැකියා නොගෙවුවමනා ආයෝජන මුදල් සහ ව්‍යවසාය  උපදෙස් පිළිබඳ පහදු රැස්වීමක් ශ්‍රී ලාංකික තරුණ ප්‍රජාව වෙනුවෙන්  ඉතාලි රජයේ රැකියා සහ දේසපාලන සමාජසේවා අමාත්‍යාංශ නිලදරුවන්ගේ සහභාගිත්වයෙන් "ආක්ලි" ආයතනයත් "ශ්‍රී ලංකා ඉතාලි එකමුතුවත් " විසින් සවිදහන් කරඇති බව  ශ්‍රී ලංකා ඉතාලි එකමුතුව විසින් නිවේදනය කරයි . මේ දැනුම්වත් කිරීමේ ශ්‍රී ලංකික හමුව මැයි මස 2දා සඳුදා සවස 4.30ට  නපොලියේ රියෝනේ අල්තෝ ,වියා ත්‍රෝපෙයානෝ 32 හි  "ආක්ලි" කාර්යාලයේ පැවැත්වෙන බව සඳහන් කරයි .