අවුරුදු 100 කට වඩා පරණ සිවිල් නඩු විධාන සංග්‍රහය හා අපරාධ නඩු විධාන සංග්‍රහය අදට ගැලපෙන පරිදි සංශෝධනය කරන බව අධිකරණ අමාත්‍ය විජේදාස රාජපක්ෂ මහතා කියයි.

මේ පනත් අදට ගැලපෙන අයුරින් සංශෝධනය කර ඉදිරිපත් කිරීමට සූදානම් බවත් ඒ සඳහා ශ්‍රේෂ්ඨාධිකරණ විනිසුරුවන් දෙදෙනෙකුගේ ප්‍රධානත්වයෙන් කමිටු දෙකක් පත් කර ඇති බවත් අධිකරණ ඇමැති පවසයි.

මේ ගැන මහජන අදහස් මේ මාසය ඇතුළත අධිකරණ අමාත්‍යංශ ලේකම් වෙත යොමු කරන ලෙස හේ මහජනතාවගෙන් ඉල්ලීමක් ද කරයි.අපරාධ නඩු විධාන සංග්‍රහය සංශෝධනය සඳහා ශ්‍රේෂ්ඨාධිකරණ විනිසුරු බුවනෙක අලුවිහාරේ මහතාගෙන් යුත් කමිටුවක් ද සිවිල් නඩු විධාන සංග්‍රහය සඳහා ශ්‍රේෂ්ඨාධිකරණ විනිසුරු ප්‍රිසාද් ඩෙප් මහතාගේ ප්‍රධානත්වයෙන් කමිටුවක් ද පත් කර ඇත.