( රංජිත් රාජපක්ෂ )                       

තලවකැලේ පොලිස් වසමට අයත් ඩෙරික්ක්ලෙයාර් වතුයායේ සෙන්ඇන්ඩෘස් කොටසේ වතු නිවාස  තුනක් නායයාමේ අවදානමක් හේතුවෙන් එම නිවාස තුනේ පදිංචිකරුවන් වහා ආරක්ෂිත ස්ථාන කරා යොමු කිරිමට එම වතු යායේ වතු අධිකාරි අර්ජුන මැදගෙදර මහතා කටයුතු කර ඇත.

පැවැති අධික වර්ෂාවත් සමග සෙන්ක්ලෙයාර් දිය ඇල්ලට ඉහළින් හැටන් නුවරඑළිය ප්‍රධාන මාර්ගයට මායිම්ව පිහිටි මෙම වතු නිවාස පෙළ අද (22) අලුයම 5 සිට නාය යාමට සක්‍රිය වි තිබේ.

මේ වන විට එම නිවාස පිටුපස විශාල කොටසක් ගිලා බැස පොළොව ඉරිතලා ඇති අතර එම නිවාසයට අයත් වැසිකිලියක් පෙරැළි ඇත.

තවදුරටත් එමස්ථානය නායයයාමේ  භු ලක්ෂණ  පෙන්නුම් කරන නිසා එම නිවාස තුනේ පදිංචි පවුල් තුනකට අයත් සමාජිකයන් 25 දෙනෙකු ආරක්ෂිත ස්ථාන කරා යොමු කර ඇත.