(එම් .සුසිල් ප්‍රියන්ත )

ඇල්පිටිය අඩා හැලෙන ඇල්ලේදි ඝාතනය කෙරුණ යුද හමුදා සෙබලාගේ ඝාතනයේ අවසන් සැකකරු මාස අටකට පසුව පලා ගොස් සිටියදි අද (25 ) උදේ අකුරැස්ස දියලපේ ප්‍රදේශයේ දි සැකපිට ප්‍රශ්න කිරීම සදහා අත් අඩංගුවට ගත් බව ඇල්පිටිය පොලීසිය කියයි.
 
ඇල්පිටිය පොරවගම ප්‍රදේශයේ පදිංචි යුද හමුදා සෙබලා අඩා හැලෙන ඇල්ලේදි  ඝාතනය වී තිබුනේ 2020 පෙබරවාරි 01 වැනිදා බවත් ඔහුගේ ඝාතනයට සම්බන්ධ සැකකරුවන් හතරදෙනාගෙන් තුන්දෙනෙක්  මීට පෙර සැකපිට ප්‍රශ්න කිරීම සදහා අත් අඩංගුවට ගත් බවත් පොලීසිය කියයි.
 
ඝාතනයේ අවසන් සැකකරුවන්  මේ තැනැත්තා ප්‍රදේශයෙන් පලාගොස් කාලයක් තිස්සේ සිටම පොලීසියට කට්ටි පනිමින් සිටි බවත් පොලීසිය කියයි.

අඩා හැලෙන ඇල්ලෙන් දිය නෑමට ගොස් ඇතිවූ කතා බහක් දුරදිග යාම මේ ඝාතනයට හේතුව බවද පොලීසිය කියයි.

මේ ඝාතනය සිදුවී මාස අටකට පමණ පසුව ඔහු අකුරැස්ස ප්‍රදේශයේ සැගව සිටින බවට ලැබුණු තොරතුරකට අනුව කරන ලද වැටලීමක දී ඔහුව සැකපිට ප්‍රශ්න කිරීම සදහා අත් අඩංගුවට ගැනීමට හැකිවූ බවද පොලීසිය කියයි.

සැකකරු ඇල්පිටිය අධිකරණයට ඉදිරිපත් කිරීමට නියමිතව තිබිණ.