පෙරේතයෙක් මට වැහිලා සිටින බව
දනෝ කියති ඒකලු මට උරුම පව
සෙනේ සිතින් වැහුනෙ ම අහිතකින් නොව
පෙරේතයා මට ගෙන දෙයි නොහිම් සුව
උදේ දවල් ඉඳුලට පැන පුළුටු කන
රැයේ වමාරා කයි ඝනඳුරට පැන
මගේ සිතියමේ නොපෙනෙන හතර කොන
ලගී හොරෙන් මා ලියනා කවිය දැන
සාර සුබාවයි නාඹර පෙරේතයා
රීරි නොබොයි ටිංකිරි මට හොඳ යි කියා
පීන පයෝධර දැක හාදුවක් සොයා
බීඩි දුමින් මන්දාකිණියටත් ගියා
ඈත හිවල් හූවක ආතල් රැගෙන
රෑක තොවිල් බලි මඩුවක ඉව කරන
මෑත වවුල් හපයක උපමා උරන
ප්රේත ගඳින් මා වට එළිවැට බඳින
බස්සෙක් හඬන ඉකියක නැඟි නින්නාද
බකමූණන්ට මෝදක ගුලි දුන්නාද
උලලේනියක ලෙන්ගතු ඇසුරක හාද
විඳ විඳ පිදේනිය ලෙවකන්නේ මූද
රෑන කිතුල් මලකින් ගෙන මකරන්ද
මීරි කවිය යට අම රස මී බැන්ද
ගෑනු පුසුඹ විඳ විඳ මූ හීනෙන්ද
තාන තනම් තම් දෙන අවකෙළි වින්ද
දැනේ මටත් මූ මා තුළ සිටින වග
කනේ මයිල් අදිමින් මා කරට නැඟ
මගේ කිහිලි කිති කවමින් කරන දඟ
අනේ වාසනාවන් මූ නටන රඟ
ළසෝ තැවුල් දුක් දොම්නස් තුළ ම දැවී
බිසෝ කොටුව කිමිදී බොර දිය ම පෙවී
උලේ පිලේ ලගිනා මායමෙන් තැවී
පෙරේතයා වැහුන ම මා ලියන කවී
වනා පලක් නැත නොමිලෙ ම ලද නකුට
උරා බැලූ හැම පුහුලමක ම කහට
මෙලෝ රහක් නැති දිවිය ම සුසර කොට
පෙරේතයෙක් වැහෙනා එක ම ය සතුට
හුරේ දමාගෙන දිව ගොස් හතර අත
කරේ තියාගෙන ඒමට ගොදුරු නැත
බෙරේ පැළුණ හූනියමක කඳුළු මත
පෙරේතයා නැති දා මට කවි ද නැත
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
කළු ගැහී තරගයට ඉහළ ගිය සිමෙන්ති බිත්ති මිසක ඇසට නිලට අහසක් ගහක් කොළක් අවටක් නැත නිව්යෝර්ක් නම් පුරවර සියක් මහල් එක්ටැම් ගෙය මුදුනේ දොර ජනෙල් වසා සිරකළ
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
පෙරේතයා
HAS Sudarshana Tuesday, 21 May 2024 04:56 PM
පෙරේත හිතෙනවා ඒ කවියට...