රම්බොඩ ඇල්ල ඉහිරෙන ඇසිදිසි මානේ
තුන්පත් රටා ලියලන දුම්බර හීනේ
සෙංකඩගලට පායන පුන්සඳ පානේ
සුන්දර සිහින දුටුවෙමි පෙම්බර මූණේ
රම්බොඩ ඇල්ල අසබඩ පොල් රොටි කඩයේ
දුම්බර ලියකි පිටි ගුලි අනමින් හිටියේ
මින්දද ම'හද මිරිකන කොට කිටි කිටියේ
චුම්බන විඳින සුළඟකි මා වට සිටියේ
නිම්හිම් නොමැති මීදුම් ගඟ සසල කොට
පුන්සඳ පාන ලෙන්ගතුකම් පානකොට
රම්බොඩ ඇල්ල ඉඟ නලවා බලන කොට
බිංගේ තුළ ම නවතින්නට හිතෙයි මට
ගම්දොර ගලන මිහිදුම් සළු යටින් බලා
දුම්බර අඟන ඉඟිලන විට ම'හද පෙළා
පෙම්බර හැඟුම් ඉහිරෙන කොට දෙගොඩ තළා
රම්බොඩ ඇල්ල හැරි හැරි මට විහිළු කළා
නිල්වන් අහස පැහැනද දේදුනු ගිහිණී
කැල්මෙන් ඔකඳ මේකුළු ගිරි හිස රැඳුණී
බැල්මෙන් ම'හද කලඹන කල ඒ සොබනී
බිංගේ දුලන එළියෙන් සිත කිති කැවුණී
උතුරා ගලන හිරිමල් සිතුවිලි ගොන්නේ
කොකුනේ බොලව් මොනවද තොපි අහුලන්නේ
හඬනා කලට ගෙම්බන් සීතල තැන්නේ
වැතිරී සිටින සානු ද නැඟිටී පින්නේ
උහුලා ගන්න බැරි මිහිරෙන් ඔකඳ වෙලා
වෙව්ලා යද්දි හද පතුලේ පුලින තලා
පපුවේ උනන උණුදිය උල්පතක් බලා
පොළොවේ නිදන නිදිකුම්බා කෙළින් වෙලා
හද ලෙන පුරා සීතල දිය සෙවල බැඳී
ඉකිලයි රිදුම් මනරම් පිනිබිඳක රැඳී
සුදු පෙණ බිඳෙන වතුරේ කර වටක් කිඳී
අපමණ හැඟුම් පිහිනා මධු සමය විඳී
බිරිඳට සේ ම දරු දෙදෙනාට ම නොපෙනී
ගලනා විදුලියක් ඈ දෑසෙහි දිලුණී
ඒ විදුලියෙන් මා වෙව්ලන විට නොදැනී
පිළිහුඩුවෙකුගෙ හොට'ගින් ලූලෙකු වැටුණී
දුම්බර සුළං රළ නිම්නය සිඹින විට
ගම්දොර පුරා දැල්වුණි මිණි පහන් වැට
පෙම්බර නයන යුග මං දැක සැලෙන කොට
රම්බොඩ ඇල්ල වැටුණෙ ම මගෙ හදවතට
රොටියෙන් රොටිය පිච්චෙන ඒ කබල මත
කෙටියෙන් කියනු බැරි දේවල් එමට ඇත
සමුගෙන යද්දි මට හිමි දිවි මඬල වෙත
මගෙ හද මඬල වැටුණා රොටි කබල මත
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
කළු ගැහී තරගයට ඉහළ ගිය සිමෙන්ති බිත්ති මිසක ඇසට නිලට අහසක් ගහක් කොළක් අවටක් නැත නිව්යෝර්ක් නම් පුරවර සියක් මහල් එක්ටැම් ගෙය මුදුනේ දොර ජනෙල් වසා සිරකළ
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
රම්බොඩ ඇල්ල වැටුණෙ ම මගෙ හදවතට