(මහින්ද නිශ්ශංක)
පිටකොටුව තොග වෙළෙදපොළේ දෛනික වෙ‍ළෙදාම මේ වනවිට සියයට 50 ත් 60 ත් අතර ප්‍රමාණයකින් පහළ බැස ඇතැයි තොග වෙළෙදපොළ ආරංචි මාර්ග සදහන් කරයි.
අත්‍යවශ්‍ය ආහාර ද්‍රව්‍ය හා භාණ්ඩ අවශ්‍ය තරම් තිබුණත් ඒවා මිලදී ගැනීම සඳහා පැමිණෙන වෙළෙදුන්ගේ සංඛ්‍යාව ද විශාල වශයෙන් අඩු වී ඇති බවත් මේ නිසා තොග වෙළෙදපොළ පාළු ස්වභාවයක් ගෙන ඇතැයි ද තොග වෙළෙන්දෝ පවසති.
විශේෂයෙන් පිටකොටුව තොග වෙළෙදපොළට අත්‍යාවශ්‍ය ආහාර ද්‍රව්‍ය හා භාණ්ඩ වැඩි වශයෙන් පැමිණීම නිසා ඒවා ඉක්මනින් අවසන් කර ගත යුතු බැවින් මේ දිනවල තොග වෙළෙදුන් ආනයනය මිලටත් වඩා අඩුවෙන් එම ආහාර ද්‍රව්‍ය හා භාණ්ඩ අලෙවි කරන බව ද අත්‍යවශ්‍ය ආහාර ද්‍රව්‍ය ආනයනයකරුවන්ගේ හා තොග වෙළෙදුන්ගේ සංගමය සදහන් කරයි.
